مصر موتورز مجتمع السيارات - استفسار عن ..مخالفه دوران عكس .. وتقيدها فى دفتر النيابه ..

مصر موتورز مجتمع السيارات (https://www.masrmotors.com/vb/index.php)

- معلومة قانونية (https://www.masrmotors.com/vb/forumdisplay.php?f=238)

استفسار عن ..مخالفه دوران عكس .. وتقيدها فى دفتر النيابه ..

مساء الخير
في شارع شعبى كده قريب من شبرا خدت روتيرن من رصيف مكسور واول مالفيت لقيت امين شرطه بيوقفنى بيقلى رخصك سالت عن السبب قالى هات الرخص اشوفها ادتهاله وكان معاه امين وعسكرى تانين

فا ايد ضدى مخالفه دوران مخالف .. وكتب بينات رخصتى وبينات رخصه العربيه .. وللعلم العربيه مش باسمى ومش تابعه للمرور بتاعى

والغريبه انه ادانى الرخص وقالى اصل ده مفهاش سحب لانه دفتر نيابه مش دفتر مرور
بساله عن نوعيه المخالفه قالى هيا هيا سير عكس الاتجاه وطبعا حصل شد وجذب بينى وبينه لانه رصيف مكسور ومفيش أي علامات مرور اساسا ومش واضح اساسا ان الشارع ده فيه ريوترن او لفه صريحه

ولما سالت ناس كتير خوفتنى وقالتلى ممكن يتعملك قضيه وتاخد حكم غيابى بالحبس زيها زى السير عكس الاتجاه وناس تانيه قالت هتنزل في ملف العربيه وناس قالتلى هتنزل في نيابه المرور اللى الرخصه بتاعتك فيها واللى خوفونى اكتر قالولى دا ممكن أي نيابه تحولها قضيه وتاخد حكم غيابى !!!

ياريت لو فيه حد عنده معلومه ماكده ميبخلش عليا بيها ..

رد: استفسار عن ..مخالفه دوران عكس .. وتقيدها فى دفتر النيابه ..

انا قبل كدة حصلى موقف مشابه لقيت المخالفة نازلة على رخصة العربيه عكس السير وكانت ساعتها الف وحاجة وطنشت سنة ومدفعتهاش وبعدين قامت الثورة وبعدين مظهرتش تانى فانت وحظك برضو بس تابع على موقع المخالفات شوفها هتنزل ولا لاء
ده رابط موقع مخالفات المرور
استعلم عن مخالفات المرور الخاصة برخصة القيادة او السيارة
MasrMotors.com
وان شاء الله خير

رد: استفسار عن ..مخالفه دوران عكس .. وتقيدها فى دفتر النيابه ..

السلام عليكم
ممكن اعرف صاحب الموضوع عمل ايه في المخالفة ؟