مشكلة في اكسل 97
 

السلام عليكم انا جبت اكسل 97 ممكن الكتالوج وايه احسن بطارية ليها وكام امبير و احسن كاوتش (سعر متوسط) ولو ممكن العربية اول ماجبتها كان الشكمان بيجيب ميه وبعدين ركنت العربية 3 شهور و لما شغلتها جابت دخان ابيض و الميكانيكي لقي اثار زيت في الشكمان والزيت ناقص وقالي هيزود زيت تقيل ويغير بوجيهات سن قصير وده يخليني امشي سنه او ان اعمل طقم شنبر ب 1000 جنيه وحاسس ان السعر غالي
دي اول عربية لي ولسه جديد في السواقة والعربية عاملة في 8 شهور 500 كم ومش فاهم ازاي الموتور يعمل شنبر بسرعة كده

وشكرا

رد: مشكلة في اكسل 97
 

السلام عليكم ورحمة الله وبركاته
اولا يا صديقى اتاكد إن فعلا العربية عيزة طقم شنبر ولو العملية كده إياك تفتح المتور ده وتعمل زى ما انا عملت لان العربية صرفت معايا سعتها بقطع الغيار مع تغيير ماسورة المياه المعروفه بإسم الشجرة صرفة 1000 جنيه .
المشكلة مش فى الالف جنيه ولكن المشكله إن سحب العربيه قل جدا يعنى بإختصار الماتور ده ما بيرجعش زى ما كان .
وإنت لوسالت على ماتور إستيراد هيكون سعره مش بعيد كتير عن الالف جنيه وهيكون معاه كمان مارش + دينامو + ممكن كمان تجيبه بالتكييف بتاعه بس السعر هيزيد سنه ولو إنت عجباك العربيه دى وناوى تخليها معاك فترة حطلها ماتور إلنترا 94 إنجكشا وربنا يفقق

رد: مشكلة في اكسل 97
 

هى لما تجيب زيت من الشكمان بعد ركنتها 3 شهور دة شىء غريب؟؟؟
امشى بيها عادى وبامر الله الدخنة هاتمنع