أشترى أنهى جهاز GPS لتحديد المواقع؟
 

أنا من القاهرة وبسوق داخل القاهرة وبتوه كتير وأماكن كتير مش بروحها علشان بتلخبط فى الطرق. نفسى أشترى جهاز الGPS علشان يورينى الخريطة بسهولة وأعرف أروح أى مكان فى القاهرة بسهولة جداً.

المشكلة إنى مش عارف أشترى أنهى نوع فيهم، نفسى فى حاجة ما تكونش غالية، وفى نفس الوقت تكون فيها كل شوارع مصر (القاهرة) وتكون عملية يعنى مش أرمى فلوسى فى حاجة تعبانة وملهاش لازمة ومش مفيدة.

يا رتى حد جرب واحد من أجهزة الGPS ده فى العربية وشايف إنها حلوة فى السواقة فى القاهرة وسهل توصلك من شارع للتانى فى القاهرة؟

رد: أشترى أنهى جهاز GPS لتحديد المواقع؟
 

موبايل nokia n8 خرايطه كامله و ممتازه و اول ما تشتري الجهاز تحمل الخرائط من برنامج على الكمبيوتر اسمه nokia ovi suiteو بعد كده الموبايل خلاص بيكون جاهز للعمل في اي مكان و بيلقط موقعك بسرعه عاليه بدون انترنت وركز على الكلمه ديه ...الموبايلات الاندرويد لازم انترنت انما النوكيا لا و ممتاز و خرائط العالم كله بتنزله عادي و بتتحدث بشكل دوري .......و على فكرة انا جربته على طريق مصر اسكندريه الصحراوي و على طريق اسكندريه مطروح الصحراوي و كان ممتاز بدون انترنت لقط بسرعه و عطانيالسرعه القصوى للطريق و عطاني انا ماشي بسرعة كام

رد: أشترى أنهى جهاز GPS لتحديد المواقع؟
 

انا مع الدكتور محمد انك ممكن تستخدم الموبيل. انا استخدمت ال C7 وروحت بيه العين السخنة وكان تمام التمام بس المشكلة ان الموبيل هايسخن منك لو المسافة كبيرة وممكن يهنج ولازم تكون سايبه على الشحن ومركبله حامل كويس يخليك تشوف. بس طبعا ال GPS أفضل لاسباب:
1: شاشة اكبر 2: مش هايسخن منك زى الموبيل 3:مش محتاج انترنت كونيكشن 4:الشاحن متوصل بكهربة العربية

انا برده بفكر اجيب GPS نوعه كويس بس فى انواع غالية بتعدى ال 1500 جنيه. متابع معاك.

رد: أشترى أنهى جهاز GPS لتحديد المواقع؟
 

كلام جميل والموبايل فيه ميزه ماعرفش موجوده فى الجى بى اس ولا لأ وهى فى الموبايل ممكن تغيرشكل الخريطه من خريطه عاديه مرسومه الى صوره القمر الصناعى ودى ميزه لو فى منطقه جديده ما لهاش خرايط او تفاصيل الخرايط فيها مش كامله وساعتها ها يبان الشجر والترع الخ ودى حاجه ممكن تهديك للطريق

رد: أشترى أنهى جهاز GPS لتحديد المواقع؟
 

اى عدة موبايل اندرويد ونزل عليها البرنامج ده route 66
شرح كامل للبرنامج هتلاقيه فى رابط الموضوع ده

http://masrmotors.com/vb/showthread.php?p=816831
احدث برامج الخرائط GPS navigation