يوم صيانة البوينتر
الحقيقة مش عارف أسمى الموضوع إية؟
بجد توكيل فولكس اللى فى شبرا الخيمة و ده فرع من التوكيل ( أوتوموتيف ) اللى فى العبور فضيحة و لا يليق بإسم فولكس فاجن على الإطلاق روحت اعمل صيانة عربية أحد أقاربى و العربية بيونتر 2006 و عاملة كيلو متر قليل جدا و هو 7500 كم تقريبا روحت عشان أعمل الصيانة يعنى أكشف على العفشة و الفرامل و الزيوت ( الباور و الفتيس و الباكم ) و أغير زيت محرك و فلتر زيت مهندس الورشة هنا عارفنى و كان مشغل فى عربية و اللى إتعامل مع العربية مهندس تانى فتح أمر الشغل للعربية و سألنى هوا حضرتك لاعب فى عداد العربية؟ جاوبت لأ العربية بتاعت ست كبيرة و فين و فين لما بتسوقها سألنى طب حضرتك عاوز تعمل إيه ؟ قلتله صيانة و طلبت أغير زيت XHP بحكم إن العربية هتغيره قبل 5000 كم عشان السنة هتعدى قبل ما الكيلو متر ده يتعمل و فهمته و جهة نظرى إتعرفت على المهندس و عرفته إنى زميل مهنة وحدة الراجل ما شفش اية اللى بيحصل فى العربية نهائيا و كنت انا مهندس الورشة و اللى بوجه الفنى دخلت العربية على كوريك و الفنى رفع العربية و سألته هتعمل اية؟ الفنى جاوب هغير زيت و فلتر و هربط العفشة قلتله بس؟ قالى أه حضرتك عايز تعمل حاجة تانى ؟ ضحكت و قلتله انا عايز اعمل حاجات و عدت الحاجات اللى عايز اعملها اشوف الزيوت و خصوصا زيت الفتيس و اكشف على الفرامل ( تصوروا غنه ماكنش هيفك العجل و يكشف على التيل الامامى غير لما قلتله ) و ابدل العجل و الراجل إستغرب جدا و سألنى لية؟!!!!!!!! و بعد لما الميكانيكى خلص لاقيه بيقولى قفل حضرتك أمر الشغل و روح على الخزنة سألته هوا مافيس شرفيس كهربا ؟ قالى أية؟ ضحكت و ندهت كهربائى و قلتله ياجع الانوار الداخلية و الخارجية و لاقيت لمبات مش بتنور و عرفت إن مفتاح الانوار بايظ و للأسف مش موجود الحقيقة مستوى متدنى للغاية و مصنعية صيانة ملهاش لازمة و أنا أشد الناس أسفا و انا بقول الكلام ده و من أكثر المدافعين عن مراكز الخدمة و التوكيلات لكن فولكس شبرا الخيمة لا يرقى ليكون ورشة بلدى |
رد: يوم صيانة البوينتر
وكيل فولكس لا يقوم بخدمة وكيل أبدا و مش عارف هما ساكتين عليه ليه
|
رد: يوم صيانة البوينتر
بجد من اسواء التوكيلات فى مصر
|
رد: يوم صيانة البوينتر
انا فعلا مش عارف التوكيل ده مستمر ليه وازاي ..
ولما دخل التوكيل التركي معاه قلت خطوه علشان يسحبو منه التوكيل كله ... لكنه خرج الاتراك و قاعد هو برضو !!!! هي فولكس المانيا مش عارفه الكلام ده .. و لا مش قادره عليه !! |
رد: يوم صيانة البوينتر
طب علي كده بقي الطوارق بتاعي اعملها صيانه فين :HAPPY_~211:
|
الساعة الآن 01:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017