صوت احتكاك عالى على الخامس فى تيريوس 2000 ( افيدونى يا اهل الخبرة)
 

السلام عليكم ورحمة الله وبركاته
ربنا كرمنى واشتريت عربيه تيريوس 2000 عامله 91000 كم هى حالتها جيده والحمد لله لكن عندى بعض الاستفسارات

على الاول والتانى والتالت صوت احتكاك كده عامل زى صوت العربيات الادا التاكسى :( وعلى الرابع الصوت كويس وعادى جدا اما على الخامس فيه صوت احتكاك فظييييييع بيصدعنى جدا
ياترا ده سببه ايه واعمل ايه؟ مع العلم انى كشفت على زيت الكرونا و الجير بوكس والزيت كامل مش ناقص.

الاستفسار التانى :
فيه زرار شمال لما بضغط عليه بتظهر على التابلوة صورة اربع عجلات وعلامة اكس بينهم ياترى ده بتاع ايه ؟ وايه فوايده؟ والوضع السليم ليه ايه؟ اون ولا اوف؟

الاستفسار الثالث:
العفشه ناشفه جدا بالمقارنة ان انا كان معايا سوزوكى التو وكنت مش بحس بالمطبات كده ... ياترى كل التيريوس كده؟ ولا ده عيب عندى؟

انا طولت عليكم بس متعشم في اهل الخبرة انهم يفيدونى .

اشكركم جدا مقدما

رد: صوت احتكاك عالى على الخامس فى تيريوس 2000 ( افيدونى يا اهل الخبرة)
 

السلام عليكم ورحمة الله وبركاتة

مت اعرف وش اقلك اخي بس اظن ان الجير بوكس بتاعك يحتاج تغير ترووس

او ربما مافي في الجير زيت هاذا الاي عندي لك

تحياــــــــــــتي

رد: صوت احتكاك عالى على الخامس فى تيريوس 2000 ( افيدونى يا اهل الخبرة)
 

طب جرب كده تعلي الدبرياج شويه ممكن يكون واطي او انت مش بتدوس عليه كويس.
بالنسبه للزرار دا فدا زرار الدفع الرباعي و الوضع الصحيح يبقي علي ال off
ولما تكون غارز او في صحرا تشغله علشان يديك الدفع الرباعي

رد: صوت احتكاك عالى على الخامس فى تيريوس 2000 ( افيدونى يا اهل الخبرة)
 

اشكرك استاز احمد و استاز حازم على سرعه الرد على
بالنسبه لموضوع الزيت انا كشفت عليه وهوة كامل هل يجوز ان يكون لزوجه الزيت غير كافيه لتقليل الاحتكاك؟ خصوصا ان العربيه عامله 91000 كم ؟ فيجب تغييرةكليا؟ مع ان الغيار الرابع زى الفل والصوت فيه كويس

استاز حازم ,, الصوت وانا واخد النقله بمعنى انه وانا ماشى بالعربيه على النقله مش وانا بنقل بصراحه مش عارف هل ده ليه علاقه بالدبرياج ام لا مع العلم ان مافيش عضه فى النقل خالص ,,, ولا اعلى الدبرياج برضو؟ طيب الصوت بيبقى عالى جدا جدا على الخامس ليه؟ ولا ده علشان الترس الاصغر؟ مش واصله زيت كويس لسبب ما؟

بصراحه انا محتار وفكرة انى ممكن اتضر لتغيير الجير بوكس قلقانى موووت لانه اكيد غالى جدا :(
انقزونى بالله عليكم

رد: صوت احتكاك عالى على الخامس فى تيريوس 2000 ( افيدونى يا اهل الخبرة)
 

حقولك حاجه غير الزيت و حط زيت تقيل يمكن الصوت دا يروح.
بالنسبه للصوت بتاع النقل فحضرتك ما وضحتوش
هل هو صوت خسونه مثلا؟؟
لو خشونه و عليت الدبرياج ما عملش حاجه يبقي كده الفتيس عاوز غوايش
و بعد كده حيبدأ ينطر في النقلات و تضطر تغيره.
من فضلك حاول توضح الصوت دا عامل ازاي