مصر موتورز مجتمع السيارات - أي مشكلة في السيارات الكيا (KIA) ضعها هنا وسوف نساعدك علي حلها ان شاء الله

مصر موتورز مجتمع السيارات (https://www.masrmotors.com/vb/index.php)

- كيا KIA (https://www.masrmotors.com/vb/forumdisplay.php?f=38)

أي مشكلة في السيارات الكيا (KIA) ضعها هنا وسوف نساعدك علي حلها ان شاء الله

أي مشكلة في السيارات الكيا KIA ضعها هنا وسوف نساعدك علي حلها ان شاء الله
أي استفسارات او مشاكل - كونترول - كهرباء - ميكانيكا
واتمنى ان الموضوع يكون مفيد للناس ولأصحاب المراكز

Kia Rio - Kia Soul - Kia Forte - Kia Forte Koup - Kia Forte 5-Door- Kia Sportage - Kia Sorento - Kia Optima - kia cerato - kia picante - kia carens

والله اعلي واعلم

.

رد: أي مشكلة في السيارات الكيا (KIA) ضعها هنا وسوف نساعدك علي حلها ان شاء الله

سلام عليكم
شكرا ع المشاركه بالخبره
انا عندى مشكله فى بكره التحويل بتاعت التكييف معلقه على الهوايه اللى تحت الإزاز بس بحركها على أى هوايه تانيه بس مش بتحول
والمشكله التانيه كنت عملتلها موضوع فى قسم العفشه

اقتباس:

المشاركة الأصلية كتبت بواسطة valantino_egy (المشاركة 956774)

السلام عليكم
بفضل الله جبت كارينز 2010 عامله 58 ألف كيلو من 50 يوم بالظبط
العربيه بسم الله ماشاء الله كانت زى الفل ... قلت أروح أشيك على العفشه .. الراجل قاللى المساعد اليمين جايب زيت وعايز يتغير ... طبعا ماينفعش تجيب واحد بس .. جبت 2 جديد من الخضرى فى المنصورة بــ 1100 جنيه ... وغيرت جلبتين مقصات عشان اقفل باب العفشه وما ارجعلوش تانى وفى نفس اليوم بعد ماخلصت روح أظبط زوايا وأرصص بعد ماالراجل خلص لقيت العربيه بتحدف يمين رجعتلو تانى وتالت ... كل شوية نجرب وارجعله .. المهم انها ما اتحلتش برضو .. وع فكره العربيه كانت بتحدف يمين قبل ما أعمل أى شغل فيها ...الراجل بتاع ظبط الزوايا قاللى العربيه ارتفاعاتها مش مظبوطه يعنى اليمين قدام أعلى من الشمال ... واليمين ورا أوطى من الشمال ...رجعت للعفشجى بدل اليايات ورا وقاللى الكلام ده مش مظبوط وروح لواحد تانى هو اللى مش عارف يظبط الزوايا
سبت الموضوع شويه ... قيمه شهر بالظبط ... سمعت اول امبارح صوت من اليمين قدام .. خفت ليكون المساعد باظ تانى
واللى حسبته لقيته .....المساعد اليمين قدام جاب زيت ...فى واحد بيقوللى أكيد مش أصليين
بس حتى لو مش أصليين يبوظ بعد شهر من تركيبه .. مع العلم انو الواحد بيحافظ ع العربيه من المطبات جدا
مش عارف بقى .... افتونا يا أهل الخبره

وشكرا تانى مره ع الفكره والخدمه اللى عايز تقوم بيها

رد: أي مشكلة في السيارات الكيا (KIA) ضعها هنا وسوف نساعدك علي حلها ان شاء الله

الإخوة الكرام ، كنت أريد أن أعرف المعلومات التي تخص تكييف كيا شوما ، فالتكييف عندي ضعيف، وهل هذه السيارة فيها فلتر للتكييف؟ وإذا كان موجودا فأين هو، وهل ممكن أعمل له صيانة بنفسي، أم لا بد أن أذهب إلى فني تكييف. وشكرا للجميع على حسن تعاونكم.

رد: أي مشكلة في السيارات الكيا (KIA) ضعها هنا وسوف نساعدك علي حلها ان شاء الله

محتاج استشاره ياريت في الموضوع ده لأنه متكرر و رحت التوكيل مظهرتش عنده و معرفش يحلها

المشكله باختصار ساعات احس برجرجه و ال rpm بيكون ساعتها اعلى من الطبيعي بتاع التسخين في بداية الدواره فقط ، و بتروح بعد التسخين . و ساعات تظهر و ساعات لأه يعني تقريبا مره و مره بس لما تبات مش ابطل و ادور علطول .

عملت صيانة 60000 في التوكيل و قلتلهم عالمشكله قالولي شفنا كل حاجه و مظهرتش معانا .

العربيه كيا ريو أوتوماتيك موديل 2011 ماشيه 63000 كم

خايف الموضوع يزيد عشان كده عاوز المه بدري بدري , اول مره ظهرت معايا كانت عند 58000 كم .

هل من آراء ؟؟ و شكراً

رد: أي مشكلة في السيارات الكيا (KIA) ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة valantino_egy (المشاركة 957835)

اولا :- انا اسف علي التاخير لاني كل يوم علي الموقع واول مره اشوف المشاركة دي
قطع الغيار في مصر فعلا فيها مشكلة وممكن المساعد يبوظ بعد اسبوع مش شهر
ياريت حضرتك تقول لنا عملت ايه