يا من يركب الصينى كيف ترى نفسك ؟ ... و كيف يراك الناس ؟
 

أفتح هذا الموضوع لكل ملاك السيارات الصينى
لكى يحكى كل واحد عن نفسه و عن نظرة الناس له بعد اقتناءه للسيارة الصينى أى كان نوعها
و سأبدأ بنفسى
أنا من عاصمة الهوندا فى مصر
من بورسعيد
و عندى عربية منطقة حرة هوندا سيفيك 2000 أمريكي
و كنت عايش زى ما غيرى عايش و انا و كل اللى أعرفهم (و شعب بوسعيد) مقتنعين تماما إن الهوندا دى عربية هايلة
لكن إحتجت يكون معايا عربية خالصة لأنى بقيت بسافر كتير و ده مينفعش مع المنطقة الحرة
المهم اشتريت اسبرانزا 516
طبعا أنا مبسوط من العربية و معنديش مشاكل و طالما اشتريتها يبقى مقتنع تماما إنها عربية كويسة على قد فلوسها و فلوسى
لكن الخوف كله عندى كان من نظرة الناس فى المجتمع ليا و خصوصا هنا فى ورسعيد الناس متعودة على الألمانى و اليابانى و اللى راكب كورى يبقى على استحياء
ياترى يعملوا معايا ايه و انا و يلا العار راكب صينى ...... صينى ؟؟؟؟
صينى ؟؟ بتاعت الشباشب البلاستيك و فانوس رمضان و اللعب السكة ؟
أه و الله صينى لا و إيه متجمعة فى مصر كمان يعنى جمعت المجد من أطرافه
المهم اللى يقولى ليه عملت فى نفسك كده و يقوم ناصحنى بعربية تمنها ضعف (لانسر مثلا) مهو لو كان معايا تمنها كنت جيبتها.
و اللى يفتكر إنى خرفت على كبر و ضيعت القرشينات فى الهوا
و اللى يعزينى و يقولى انت مخسرتش كتير يادوب نص تمنها لما تيجى تبيعها
و كنت لازم علشان أهديهم افهمهم إنى لسه معايا الهوندا و الصينى دى للشغل و بس
لكن كل ده من اللى بيعرف من غير ما يركب معايا أو حتى يشوف العربية
أنما اللى ركبها معايا نظرته بتختلف خالص و بيحس إن العربية بالنسبة لتمنها تعتبر مكسب لصاحبها
مش عارف ليه محطوط دايما فى خانة الدفاع عن قرارى لكنى من جوايا مش متضايق و حاسس أنى يمكن انا اللى أبقى صح !!
مش كده و لا إيه ؟

رد: يا من يركب الصينى كيف ترى نفسك ؟ ... و كيف يراك الناس ؟
 

رد: يا من يركب الصينى كيف ترى نفسك ؟ ... و كيف يراك الناس ؟
 

السلام عليكم فكرة الموضوع هايلة انا و احد كنت معاية كورى لانوس 2001 برضو مجمعة فى مصر عند ابو الفتوح و كانت عربية حلوة مع انى كنت قلان انى اركب كورى صاج ضعيف و عفشة مرنة ايوة انا مش جمدة المهم مشكلتى مع الانوس كانت وطية شيوية و طبعا مصر مليانة وطبات لدرة بيعها و كان التنك مخبوط من تحت و مينفعش افول التنك المهم سالت صحابى الى كانو ركبين صينى 516 و كانو 3 منهم 1 2006 و 2 2007 و الحمد لله الكل شكر و استشرت والدى و قلى توكل على الله و الحمدا لله هذا القرار كان من القرارات الصحيحة فى حياتى و لكنى عمرى ما فكرت نظرة الناس لية و الى كان بيكلم عليها كنت بحس انة بيكلم على حد قريبى و كنت اقول له تعالى جرب و كارن و عن طريقى ادرت اخلى 2 من صاحبى جبوها بعد لما ركبو معاية و حسو اد اية العربية مريييييييحة و الحمد لله و بعدين نفس الكلام دة كان بيقال على الكورى فى التسعينات و اليبانى فى السبعينات و الدنيا دوارة

رد: يا من يركب الصينى كيف ترى نفسك ؟ ... و كيف يراك الناس ؟
 

في الحقيقية وارجوا تقبل راي الخاص

الموضوع لايرتقي ابداء للنقاش بهذا الاطار

الصناعة الصينية صناعة كبيرة وجبارة ونقلت الصين الي مقدمة العالم المتقدم صناعيا وكون ان الصين تنتج اشياء استهلاكية رخيصة وجودة قليلة تدخل دول مثل مصر وغيرها فهذا راجع لنا كاشعوب فقيرة واقتصاد قثير
الصين تنتج حسب فلوسك ...وانتا صاحب الاختيار جودة رديئة او جودة عالية

كل الكمبيوترات في السوووووق واللاب توب صناعة بالصين للشركات العملاقة الغربية ؟؟؟

الجوالات الماركات العالمية يتم اكمال عمليات التصنيع الكاملة بالصين
الخ الخ

السيارات الصينية مثلها مثل اي بلد مصنع ...

بالنسببة لي امتلك 516 والناس تنظر اليها عادي جدا
مابين ...من يثول والله عربية ممتازة والصناعة الصينية والله بتصنع كويس
وبين من يقول ...هنشوف هتستحمل او لا
وبين من يقول ...انة مش مقتنع
وهذا نتيجة البيئة الاجتماعية التي نعيش بها

انت واي مشتري 516 دافع مبلغ من المال يساوي اسعار سيارات هواندي ولانوس وفيات ..ولوجان مغريي ..وكيا ...وغيرها
يعني مش راكي عربية رخيصة ومش راكب عربية ببلاش

رد: يا من يركب الصينى كيف ترى نفسك ؟ ... و كيف يراك الناس ؟
 

الهدف من النقاش إن يكون فيه عرض لوجهات نظر مختلفة
و لو كلنا قولنا نفس الكلام يبقى الموضوع فشل
فبالتالى انا أتقبل رأيك و وجهة نظرك تحترم و مفيض أى مشاكل
و شكرا على المشاركة المميزة