مصر موتورز مجتمع السيارات - عربيتي اتسرق من البدو بونش زي بتاع المرور ورجعت تاني احميها ازاي

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

عربيتي اتسرق من البدو بونش زي بتاع المرور ورجعت تاني احميها ازاي

السلام عليكم ورحمه الله وبركاته
الساعه 3 ليلا تم سرقه سيارتي بطريقه جريئه جدا ونش (زي بتاع المرور اللي بيسحب العربات اللي راكنه في الممنوع) تم رفع العجلتين الاماميين وتم سحب العربيه
طبعا ربنا ستر واحد الجيران (معه سلاح مرخص)ربنا سخره يجري وراهم وكلم الشرطه وضرب نار علي الحراميه ووقفهم وجت الشرطه..
العجيب بقي ان الحراميه بعد حضور الشرطه لم يخافوا واصروا علي اخذ مبلغ من المال ولم تفعل الشرطه اي شيء سوي حضور الاتفاق علي المبلغ (يعني الناس سرقوا واتمسكوا ولم يتم سحبهم علي القسم او عمل محضر ..لا وكمان اصروا ياخدوا فلوس حلاوة العربيه واخدوها) الحمد لله
المهم الواحد ازاي يحاول يحميي العربيه لان انا مش مستبعد ان الناس دي ترجع تسرقها تاني وبنفس الطريقه
بس بلاش موضوع التتبع لانه فاكس لاني لو عارف مكان العربيه الشرطه مبتقدرش تروح مكان الناس دي يعني من الاخر لو العربيه وصلت ارضهم يبقي عليه العوض

رد: عربيتي اتسرق من البدو بونش زي بتاع المرور ورجعت تاني احميها ازاي

يبقي كدا تتكلبش بجنزير محمل و قفل محترم طالما بقت ونش , ربنا يسترها علي الجميع .

رد: عربيتي اتسرق من البدو بونش زي بتاع المرور ورجعت تاني احميها ازاي

اقتباس:

العجيب بقي ان الحراميه بعد حضور الشرطه لم يخافوا واصروا علي اخذ مبلغ من المال ولم تفعل الشرطه اي شيء سوي حضور الاتفاق علي المبلغ

يانهار اسود ومنيل عليكى بلد
حسبى الله ونعم الوكيل !!!!!!!!!!!!!!!!!!!!!!

رد: عربيتي اتسرق من البدو بونش زي بتاع المرور ورجعت تاني احميها ازاي

السلام عليكم
حسبي الله ونعم الوكيل
حطها في جراج وامرك الى الله
والله المستعان

رد: عربيتي اتسرق من البدو بونش زي بتاع المرور ورجعت تاني احميها ازاي

ايه اللى بقينا فيه ده ؟ يعنى الشرطه تيجى وما تعملش أى حاجه !!! لأ وبتحضر الإتفاق وكمان بتاخد الحلاوة !!!! شرطة ايه دى وداخلية إيه ؟ لازم الموضوع يوصل لوزير الداخليه بنفسه عشان يشوف رجالته بيعملوا ايه