مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - برجاء المساعده (https://www.masrmotors.com/vb/showthread.php?t=104017)

برجاء المساعده

السلام عليكم
انا استلمت عربيتى الرينو سانديرو الاتوماتك الحمد لله بس قلولى ان اول صيانه عند 5000كيلو هل ده صحيح لس انا اعرفه عند 1000كيلو
ثانيا هل العربيه بتيجى متلينه من المصنع ولا بتحتاج تلين ده كلام صحيح ولا لا
ثالثا انا مشيت بيها بقالى 3 ايام والنهارده سمعت صوت خبت فى ظهر العربيه اعمل ايه
رابعا ممكن تنصحونى بايه لانى اول مره اشترى زيرو

رد: برجاء المساعده

بسم الله

اولا اول صيانة بعد 5000

بتيجى متلينة مش تزود عن 130

وعن 3000 rbm

وجيب غطاء وخلى بالك منها ومونها 92

والصوت سمعتة منين

مممكن حاجة مش متثبتة صح

وربنا يكفيك شرها

رد: برجاء المساعده

السلام عليكم
الف مبروك وربنا يطعمك خيرها ويكفيك شرها
حاول اول الف كيلو ماتقرصش علي العربيه وريح الموتور في المش وامشي بسرعات مختلفه مش سرعه واحده
بخصوص الصوت افتح الشنطه من المحتمل الأستبن يكون مش مرتاح او اي عده تكون سايبه
وياريت توضح هو الصوت بيحدث امتي
والله المستعان

رد: برجاء المساعده

متشكرا جدا على اهتمامكم
الصوت ده مكنش موجود فى اول يومين وبعد كده سمعته لما السرعه بتوصل الى 30 او 40 ومش صوت زى صوت الانتظار بتاع العربيه كده مش عارف اعمل ايه

رد: برجاء المساعده

اولا
د/ احمد مبروك العربيه :fun_36_3_11[1]:
ثانيا
العربيه داخل الضمان
والضمان سارى على كل شىء طالما لم يحدث تصليح او تغيير من قبل المستخدم خارج التوكيل

ثالثا
اول صيانه بعد الالف كيلو عادى جدااا ودا المعروف
لكن 5000 كيلو اول مره اسمع عنه
لان خلال مده الـ 1000 كيلو حضرتك يعتبر بتعمل تشك كامل على العربيه وتحدد ايه اللى انت عاوز تظبطه
زى قفل الابواب وجود اصوات غريبه لمبات لم تعمل اى حاجه من الحاجات دى
لكن مده 5000 كيلو مده طويله فعلا
وكمان خلال صيانه الـ 1000 يتم تغيير فلتر الزيت والزيت مجانا

ونصيحه منى لحضرتك
خلال ال 1000 كيلو امشى 80/90 بالكتير لحد ما الموتور يهدى ويطبع مع بعضه فى المشى
وبعد صيانه ال 1000 كيلو شد زى ماحضرتك عاوز كدا بقى الموتور مرتاح وزى الفل
لان الموتور بيبقى متلين جاهز لكن احنا بنديله مهله انه يلين تانى خلال ال 1000 كيلو

وربنا يبارك لك فيها ويعطيك خيرها ويكفيك شرها :fun_36_3_11[1]: