|
رد: و سقط حبى للبرافو ......وقلبى يبكي لفراقها
اقتباس:
و احنا عاوزين نشوفك اكتر ما انت عاوز تشوفنا بالتأكيد و حاول بقي تيجي في الافطار الجماعي بتاع رمضان طالما مقابله الاسبوع دا فلتت منك احنا عموما بنتقابل كل شهر مره. |
رد: و سقط حبى للبرافو ......وقلبى يبكي لفراقها
يارااااااااجل حد يسيب البرافو اللى واخدة 5 نجوم فتقييم السيفتى ويجيب ليون ذات ال 4 نجوم طبعا مفيش مقارنة والأمر محسوم طالما انك هتشترى نفس فئة البرافو اللى فيها ايرباجز مطابقة للنسحة اللى دخلت الاختبارات يعنى شوف البرافو ولا الليون فيها ايرباجز اكتر وكده هتقدر تحدد انهو أئمن بالنسبة للنسخ اللى بتتباع هنا.
هقلك كلمتين من واحد صاحبي ومش مقصود بيهم اى تجريح وهو بيقلهم بطريقة كوميدية "أنت مش محسوك انت شخصية Hesitated اقعد لف حوالين نفسك كده...." فعلاً لازم تخرج نفسك من الدايرة المغلقة اللى انت فيها والا هتفضل تلف حوالين نفسك لازم تاخد القرار وبدون الدخول فنمط الشخصية الهيزتيدد وحط لنفسك اولويات والموضوع مش صعب قول انا عاوز العربية فيها 1 2 3 ومينفعش مظهر العربية وبريقها هو اللى يخليك تفضل محتار دى ولا دى ولا دى فى حاجات اساسية لازم تختار بناء عليها واخر حاجة تفاضل بقى فالشكل وبردو فزمن بسيط لأن فالأخر دول 150 ألف مش مليون ونص وركز فاختيارك على المعاملة اللى هتقابلها فالصيانات الدورية من التوكيل بردو...بالتوفيق :HAPPY_~211: |
رد: و سقط حبى للبرافو ......وقلبى يبكي لفراقها
صباح الخير عليكوا جميعا
أنا من كتر ما المقاله إستفزتني .... وبما أن شغلي بالقرب من أومترا - الدقي ... ذهبت لهم بالأمس في الساعه الخامسه عصرا أبص على العربيه عن كثب وعن قرب .... أشوف فين المشكله وبصراحه ياهندسه وجدت التالي: أولا ملحوظه هامه جدا : لم أجد بالصاله للأسف الموديل إللي بـ 149ألف عشان أعرف أديك رأيي عن كثب وواقع عين مهندس معماري (غلبان بس مهتم بالتصميم برضه زي حلاتك بس واقعي وحقدر أحكم على الموضوع بشكل موضوعي أكتر لأني مش حشتري أنا مجرد بكون رأي وفكره مش أكتر ) فلم يكن يقف من برافو هناك ساعة مارحتلهم غير عربيتين من نوع برافو (ده طبعا غير اللينيا و الـ 500 العزيزه) لقد وجدت مواصفتين منها الأول بـ 135ألف والثانيه بـ 175ألف (ويالها من سياره إللي بـ 175ألف) فقلت أبص على الإتنين ... قعدت جوه الأولى بتاعة الـ 135ألف ووجدت أن بها كل شيء على قدر معقول من الجوده وحسن التقفيل وإن لم يكن عاجني إن التابلوه من فوق (يعني من عند الزجاج الأمامي لحد قدام من خامات بلاستيكيه (تقدر تطبل عليه... مع الإعتذار) ولكن بقية الخامات والتقفيل جيد جدا وحركة الفتيس الأوتوماتيك شكلها حلو بصراحه لكن السياره من الخلف ديقه حبتين أنا ظبط الكرسي الأمامي بتاع السائق واللي جنبه على قعدتي (في حين إن فيه ناس بتتجعص في الكرسي بزياده نتيجة الحجم أو العاده) فوجدت أن ركبي ضاربه في ظهر كلا الراكبين الأماميين (كل ده والراجل عمال يبحلق فيا مش فاهم أنا بعمل إيه بس بصراحه مانطقش بكلمه غير لما سألته في الأول ديه بكام وديه بكام وفين إللي بـ 149ألف وقالي ماسبف وإنتهى دوره بالنسبه ليه) بعد كده نزلت وأنا مخنوق من الكنبه الخلفيه لضيق القعده بشكل متعب فتحت الشنطه لقيتها معقوله جدا وتكاد تكون كبيره نسبيا ... وإستغربت وقلت في عقل بالي يادي الغباء مكانوا وسعوا الكنبه الخلفيه على حساب الشنطه شويه (دي عربيه هاتشباك وموضوع حجم الشنطه مش مهم أوي) ومن ثم ذهبت للساحره إللي بـ 175ألف (ولكنها مانيوال فقط..... 150 حصان)....... تقفيل وجوده وجلد وخياطه ولون مش عادي داخلي أو خارجي فلونها بالخارج أسود وجنوطها مأكسده على أسود .... ومن الداخل لون أسود في أحمر جلد في قماش وبخياطه قمه في الروعه والشكل الرياضي بلون أحمر حتى بالطاره جلد وبخياطه حمراء جامده من الآخر ولكن بالفعل التكييف زرايره عجيبه حبتين زي ماقلت ياهندسه ولكن مقبوله (إحنا مش حنكون بنتخانق مع العربيه) فأجده مش بطال وسيستم صوت جامد وبصب ووفر بالشنطه مدمج بطريقه هايله جدا ولكن عيب الجلوس الخلفي لايغتفر في سياره أصلا أبعادها ليست بالقليله !!!!!!! رأيي شاور نفسك تاني وبص على الموجوده بـ 135ألف يمكن تقنعك لو مش مهم موضوع الكنبه الخلفيه بالنسبه ليك ولو مهم لاتتعب نفسك وفكر في الألماني كما سبق وقلت ليك هاتها ياسيدي BMW 116 هاتشباك وحتلاقي منها سيارات بأسعار محروقه زيرو من بتاعة فودافون وفيه واحد على فكره بالمنتدى بيعلن عن واحده من بتوع فودافون زيرو للبيع بسعر مغري جدا ولك تحياتي ياهندسه كان معكم أحمد كامل محدثكم من القاهره - الدقي |
رد: و سقط حبى للبرافو ......وقلبى يبكي لفراقها
واضح يا اتش باشا ... انك تقريبا اتفرحت على كل العربيات اللي في رينج ال 150 ...
و انك ميال لحاجه اوروبي هاتشباك بمواصفات محترمه وجوده خامات و تقفيل ... لكن مقلتش رأيك في الاسترا ... |
رد: و سقط حبى للبرافو ......وقلبى يبكي لفراقها
خلى بالك يا اتش انى قولت انى كنت هجيب اللى ب 150000
أكيد شوفتها و شفت كمان اللى ب135000 مع محمد كمال يعنى شوفت الاتنين على فكرة أنا طولى 180 سم و وزنى 125 كجم احسبها انت بأه |
| الساعة الآن 11:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017