مصر موتورز مجتمع السيارات - ليه مش عايزيين يبيعولنا بروتون ساجا ٢٠١٢

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - ليه مش عايزيين يبيعولنا بروتون ساجا ٢٠١٢ (https://www.masrmotors.com/vb/showthread.php?t=79823)

ليه مش عايزيين يبيعولنا بروتون ساجا ٢٠١٢

جوزي مرتبه بيتحول علي بنك سوسيتيه جنرال، و في نظام نشتري بيه البروتون ساجا ٢٠١٢ ،بحيث البنك يشتري العربيه من المعرض كاش و احنا ناخدها من البنك قسط ، المشكله ان مندوب البنك معطل الاجراءات بطريقه غريبه و مثيره للشك ،حد يساعدني و يقولي الراجل ده بيعمل كده ليه ؟
انا عارفه ان اسمه محمد العطار ، سألنا ف عز العرب و في الريان و اباظه اللي ف اسكندريه. العربيه موجوده بس مندوب البنك بيعطل مش عارفه ليه ؟

رد: ليه مش عايزيين يبيعولنا بروتون ساجا ٢٠١٢

طب لو انا مش كاتبه المشكله بطريقه مش واضحه قولولي وانا اوضح .بس ياريت حد يرد عليا ضروري.

رد: ليه مش عايزيين يبيعولنا بروتون ساجا ٢٠١٢

اولا ده مش نظام معين كل البنوك بتدفه فلوس العربيه كامله لمعارض السيارات وتتعامل هي مع العميل و :010104~171:البنك الاهلي سوستيه دقيق جدا في تعاملاته وخصوصا القروض بس ممكن حضرتك تقولي هتدفعي كام مقدم وممكن ارشحلك معرض يتعامل مع بنك تاني

رد: ليه مش عايزيين يبيعولنا بروتون ساجا ٢٠١٢

ممكن حضرتك توضحى يعنى ايه المندوب معطل الاجراءات بالظبط ؟؟؟؟ يعنى بقالكوا كتير من ساعه ماعملتوا الطلب والاستعلام طول ولا ايه بالظبط ؟؟؟؟ ياريت توضيح اكتر وياريت اعرف زوج حضرتك فى انهى شركه فى اسكندرية بالظبط

رد: ليه مش عايزيين يبيعولنا بروتون ساجا ٢٠١٢

استاذ تامر , انا مضطره انى اتعامل مع بنك سوسيتيه عشان العرض ده جاى من البنك ده بالذات لان ده البنك اللى بيتحول مرتب جوزى عليه ,
و استاذ MEGAREKAB انا حاشرح لحضرتك اكتر و الموضوع من الاول
احنا عايشيين فى القاهره , و جوزى بيشتغل مهندس ف شركه قطاع خاص و مرتبه بيتحول على بنك سوسيتيه جنرال , وفى طريقه لشراء العربيه من البنك ده ان هما بيحسبوا كام ضعف للمرتب كده (مش فاكره كام ضعف بالظبط ) بس مرتبه عمل 70 ألف جنيه و ختارنا على اساس المبلغ ده عربيه بروتون ساجا 2012 و هى لو تبع العرض ده حايكون فى فرق ف السعر حوالى 4 او 5 الاف حاندفعهم زى مقدم فرق سعر , احنا متكلمين مع مندوب البنك اللى هو استاذ محمد العاطر من حوالى 5 شهور كده , اولا قال لجوزى هات عرض سعر من اى معرض بيبيع بروتون , جوزى راح عند الريان و قاله على سعر العربيه كده بالكلام ,لاقاه ارخص بكتير من سعر البنك , رجع لمحمد العطار , قاله لاء دى العربيه غليت , رجع للمعرض , مدير الفرع بتاع المعرض راح متصل ب محمد العطار قاله خلاص خليه يجيب لى عرض سعر , جبناله عرض سعر , قال اسبوع و تستلموا العربيه , عدى اسبوعين و مافيش خبر , اتصلنا بمحمد العطار قالنا اصل العربيه مش موجوده خالص ف السوق , وبعدين رجع قالنا مافيش اتوماتيك (مع العلم اننا ماضيين عقد بالمواصفات انها اوتوماتيك)
و ف الاخر قالنا مافيش غير اللون الاحمر , مع اننا طالبين اسود , رصاصى , و فضل الاستاذ محمد العطار ده يماطل فينا بالمنظر ده كده كتير , و من شهر كده نزلنا اسكندريه ف زياره كده , عدينا على معرض اباظه اللى ف جليم على البحر , لاقينا هناك بالصدفه مندوب من بنك سوسيتيه اسمه الاستاذ هانى , اتكلمنا معاه و مع الاستاذ حازم واحد من الموجودين ف المعرض شوفنا العربيه زى ما احنا عايزينها تمماااااااام و اللون الاسود كمان , الاستاذ حازم عملنا ف ساعتها عرض سعر مختوم بختم فرع المعرض و حاول يتصل ب محمد العطار لكن كان قافل موبايله , المهم تانى يوم سافرنا و معانا عرض السعر و راح بيه جوزى على البنك , قابل محمد العطار وقاله العرض ده ماينفعش عشان من اسكندريه والبنك ف القاهره , و دى اخر حاجه وصلنالها و مش عارفيين نعمل ايه مع الاستاذ محمد العطار ده عشان نرضيه ويسلمنا العربيه ..
انا اسفه انى طولت و ياريت اكون وضحت لحضرتك ..