مصر موتورز مجتمع السيارات - أنا اتعقدت من التفكير فى البروتون جين 2

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - أنا اتعقدت من التفكير فى البروتون جين 2 (https://www.masrmotors.com/vb/showthread.php?t=34880)

أنا اتعقدت من التفكير فى البروتون جين 2

السلام عليكم
انا معايا فى حدود 80 الف فكرت فى الهيونداى اكسنت وفى الجين 2 طبعا الجين 2 بميل ليها اكتر لان فيها تكنولوجيا حديثة وكماليات بس عايز اعرف بعض النقاط عن الجين 2
هل قطع غيارها متوفرة خارج التوكيل ؟
هل فعلا جوده الخامات المستخدمة فى صالون السيارة والتابلوه مش اد كده ؟
ويا ريت اى حد له تعليق على الهيونداى اكسنت ميبخلش عليا
انا طالب فى كلية طب ومشغول شوية فى دراستى فعايز العربية اللى اجيبها تكون قطع غيارها متوفرة والناس عندها خلفية عنها وبتفهم فيها عشان مش فاضى اسافر من الزقازيق لحد التوكيل كل شوية ترشحولى ايه ؟

رد: أنا اتعقدت من التفكير فى البروتون جين 2

اقتباس:

المشاركة الأصلية كتبت بواسطة booooy (المشاركة 246087)

السلام عليكم
انا معايا فى حدود 80 الف فكرت فى الهيونداى اكسنت وفى الجين 2 طبعا الجين 2 بميل ليها اكتر لان فيها تكنولوجيا حديثة وكماليات بس عايز اعرف بعض النقاط عن الجين 2

أنا عن نفسي كان معايا أقل من كده بكتييير و جمعت الباقي واشتريت جين الجميلة والحمد لله.

هل قطع غيارها متوفرة خارج التوكيل ؟

متوفرة بمعنى مرطرطة: لأ طبعاً... لكن متوفرة بمعنى موجودة: نعم والحمد لله
http://www.masrmotors.com/vb/showthread.php?t=14172

هل فعلا جوده الخامات المستخدمة فى صالون السيارة والتابلوه مش اد كده ؟

مش أحلى حاجة ... بس مش وحشة ...
وسط يعني..
بشكل عام.. السيارة سعرها رخييييييص فعلاً على المميزات اللي فيها لكن ميزتها انهم لما وفروا علشان يرخصوها وفروا في الحاجات اللي مش أساسية زي البلاستيك و الفرش والكلام ده لكن الأساسيات محدش قدر يفتح بقه فيها لغاية دلوقت...
وبعدين متسمعش كلام الناس علشان ناس كتير بتبالغ و مبيعجبهاش العجب...
الخامات دي أهيف حاجة في الدنيا ... اخطف رجلك لاقرب معرض واتفرج عليها واحكم بنفسك..
اللي فعلاً محتاج تسأل عنه هو الأداء لأن ده لا يعرف غير بالتجربة.

ويا ريت اى حد له تعليق على الهيونداى اكسنت ميبخلش عليا

مش حافتي في حاجة مجربتهاش

انا طالب فى كلية طب ومشغول شوية فى دراستى فعايز العربية اللى اجيبها تكون قطع غيارها متوفرة والناس عندها خلفية عنها وبتفهم فيها عشان مش فاضى اسافر من الزقازيق لحد التوكيل كل شوية

ترشحولى ايه ؟
التوكتوك حلو

كل العربيات دلوقتي بيطلع فيها عيوب مهما غلى تمنها..
أخويا معاه جيتا مطلعة عينه ومزهقاه في عيشته...
عادي ... دي أرزاق..

رد: أنا اتعقدت من التفكير فى البروتون جين 2

مشكور على الرد ومعلش اسئلتى رخمة شوية اصل دى بصراحة اول عربية اجيبها فعشان كده متردد حبيتين

رد: أنا اتعقدت من التفكير فى البروتون جين 2

احنا بنحب اليروتون وده زوق بس برده ممكن عشان العدل السيارة النيو اكسنت ممتازة برده

رد: أنا اتعقدت من التفكير فى البروتون جين 2

انا هلخصلك الموضوع في كلمتين لو بتفكر تشتري عربية وتبيع وتشتري يبقي النيو اكسينت

النيو اكسينت متتعبكش في بيعها لكن الجين تو تقيلة في بيعها وبتخصر صاحبها كتير

قطع غيار وصيانة النيو اكسينت افضل بكتير من الجين تو وارخص

العربية كوري بالكامل

لكن الجين تو ماليزي

وطبعا في فرق كبير في التكنولوجيا بين كوريا وماليزيا

النيو اكسينت عائلية اكتر من انها شبابية

لكن الجين تو شبابية اكتر

انا كدا قولت اللي يمليه عليا ضميري وربنا يوفقك لما فيه الخير

وبردك بص علي النيسان صني والاوبترا لانهم في نفس الفئة السعرية