مصر موتورز مجتمع السيارات - تركيب محرك سياره حديثة على سيارة قديمه

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - تركيب محرك سياره حديثة على سيارة قديمه (https://www.masrmotors.com/vb/showthread.php?t=116463)

تركيب محرك سياره حديثة على سيارة قديمه

الاخوة والاخوات الكرام
السلام عليكم ورحمة الله وبركاته
انا اخوكم ابو نايف من المملكه العربية السعودية
من عشاق السيارات التراثية القديمة وخاصة سارة بيجو404 مديل 1970 سوالي هل بالامكان تركيب محرك بيجو مديل 97 على البيجو 404 القديم ارجو الافادة ولكم خالص تقديري وكل عام ومصر واهل مصر في خير وسلام
ابو نايف

رد: تركيب محرك سياره حديثة على سيارة قديمه

(بسم الله)اخى الكريمابو نايف تحية لك و لكل اهلنا في المملكة ؛ لازم نراعي عدة اشياء عند تغير موتور سيارة بموتور غيرالموتور الاصلي اولا: قواعد الموتور لازم يكون الموتور الجديد لة نفس قواعد الموتور القديم ثانيا: الفتيس او علبة التروس هل علبة التروس القديمة تتوافق مع الموتور الجديد (في الغالب لا) ام عند شراء موتور جديد لابد من شراء علبة تروس جديدة تتوافق مع الموتور الجديد ثالثا: الموتور يكون مقارب لعزم وقوة الموتور الاصلي حتي يضر بهيكل السيارة مع مراعاة حالة الهيكل العامة لان السيارة موديل 70 ومن الممكن ان يكون الهيكل قد اصيبت اجزاء من بالبارومة دي قواعد عامة واسيب باقي الرد لاستاذة البيجو في المنتدي هما هيعطو لك بيانات المواتير اللي ممكن تركب علي البيجو 404

رد: تركيب محرك سياره حديثة على سيارة قديمه

اخوي احمد الف شكر ياباشه على التوضيح ربنا يديك طولة العمرعلى طاعة الله تحياتي من القلب لك ولجميع اشقائنا في ارض الكنانة وننتضر بقية الاخوان للمشاركة في الموضوع وجزاك الله كل خير

رد: تركيب محرك سياره حديثة على سيارة قديمه

لازلنا ننتضر الاخوة الكرام للمشاركة في الموضوع

رد: تركيب محرك سياره حديثة على سيارة قديمه

اخى ابو نايف لازم تعرف اولا
انه مستحيل ان تجد مستحيل
كل شىء يجوز
ويمكن تعمل اللى حضرتك عاوزه بس فى الحالة ديه هتبقى محتاج ميكانيكى ممتاز يحاول يقولك على اقرب محرك مناسب للسيارة اللى عاوز تجرى عليها التعديل
ثانيا هتحتاج طبعا تجيب المحرك بالجيربوكس الخاص بيه
ثالثا هتحتاج سمكرى كويس جدااا يتواصل مع الميكانيكى اللى هيعمل الحاجات اللى حضرتك عاوزها علشان يتفقوا على اى تعديلات فى الهيكل الخاص بالسيارة

بعدها يقوم السمكرى بعمل اللازم فى جسم السيارة مثلا مكان به صداء يقوم بعمل اللازم تجاهه مكان ضعيف يقويه ويقوم بعمل اى قواعد مطلوبه للمحرك و الجير بوكس الخاص بالمحرك

وبعد ما تركب خلاص الجير بوكس والمحرك فى السيارة وكله بقى تمام
لازم تروح على عفشجى ممتاز يشوف اللازمتغيره فى مكونات العفشه بحيث ان بعد تغير المحرك لمحرك احدث اكيد السيارة وزناها زاد بالتالى العفشجى يقول لحضرتك اذا كنت هتغير ممتص الصدمات لممتص صدمات اقوى او يقول لحضرتك على اى تعديلات مطلوبه عملها فى عفشة السيارة

وفى النهاية زى ما حضرتك شايف الموضوع كله اترجم لفلوس فقط
يعنى بمعنى اخر شعبى احنا بنقوله فى مصر
الفلوس تعمل المعجزات
مش سيارة محتاجه تغير موتور فقط

والموضوع طبعا هيكون مكلف