لمبة الEPS منوره على طول
 

يا جماعه انا معايا النترا 2008 اوتو و من فتره ابتديت اسمع صوت طقه و انا بلف الدركسيون شمال و يمين و النهارده الصبح و انا نازل لما دورت العربيه لقيت لمبة ال EPS نورت و مش عايزه تطفى فبطلت العربيه و دورتها تانى كذا مره برضو مفيش فايده اللمبه منوره على طول يا ريت حد يقوللى ايه المشكله دى و اعمل ايه

رد: لمبة الEPS منوره على طول
 

المشكلة فى نظام التوجيه الكهربى للمقود
يعنى احتمال الماتور الكهرباء او احد الحساسات الخاصة بالتوجيه او الفيشة او سلك

رد: لمبة الEPS منوره على طول
 

انا متشكر لردك السريع بس معلش هتعبك معايا فى كام حاجه كده يعنى اروح التوكيل و الا اعمل ايه بالظبط انا خايف لا يكون يكون العيب من عمود القطمه اللى تمنه 15000 جنيه يا ريت تقوللى اعمل ايه بالظبط

رد: لمبة الEPS منوره على طول
 

اصل مرواح التوكيل من عدمه مش حيغير من الواقع
بس ممكن تتاكد من حاجات بسيطة
هل فعلا الدركسيون تقيل؟
هل غسلت الماتور بميه قوية؟ ممكن فيشة ماتور الباور طالتها رطوبة؟او فيشة احد حساسات النظام؟
هل العطل متزامن مع اى اعمال صيانة اخرى؟
هل حصل مرة حودت و العجل مزنوق فى الرصيف؟
و سواء رحت التوكيل او رحت ورشة متخصصة لازم حتعرف المشكلة فين و حتطر تحلها
و ان شاء الله تكون بسيطة
و موضوع تغيير القطمة كاملة ليه؟ اصلى مبعرفش فى الالنترا هل ماتور الباور مينفعش يتغير لوحده؟

رد: لمبة الEPS منوره على طول
 

شكرا لردك و انا فعلا هروح التوكيل بكره بس هيا شكلها كده قطمة الدركسيون علشان الطقه اللى كانت موجوده بس الغريب ان الدركسيون مش تقيل و لا حاجه و مفيش و لا خبطات و لا اى حاجه و مبغسلش الموتور بميه خالص و فى حاجة تانيه لما بطلت العربيه الدركسيون لسه خفيف ميه زى ميكون العربيه دايره