|
سعر سيارات جاك بدون الجمارك ومكسب الوكيل
السلام عليكم
اخوانى الاعزاء اعضاء مصر موتورز...قسم الجاك اشكركم لتعاونكم ونشاطكم .....ووقفتنا واتحادنا كرجل واحد ويد واحده....وبالاخص استاذ سيف واستاذ احمد ابو بكر واستاذ ايمن ميمو حبيت اعرض عليكم اسعار السيارات من مصادرى الخاصه كما وعدت الاستاذ سيف اولا السياره الجاك b15 واسمها j5... وa138 واسمها j3 و a137 واسمها j3 sport واسعار العربيات دى بدون جمارك وتمرد الوكيل ...قصدى مكسب الوكيل:w6w200504112206346 3......وحنبتدى ب b15 كما اتعودنا على اسمها وسعر دخولها الميناء 40000 جنيه مصرى... طب سعر جمركها كام ؟؟؟؟؟ احنا عارفين ان مصلحه الجمارك بتاخد الاجمالى 61 % رسوم وهم عباره عن 40 % رسوم توريد ونولون و20 % ضريبه مبيعات و 1% رسم تنميه وتأمين ....وده على العربيات ال 1500 سى سى وال 1600 كمان......طب تعالو نحسبها قيمه السياره 40000 جنيه وقيمه الجمارك المحصله 61 % يبقى 40000 فى 61 على 100 يساوى 24400 جنيه يبقى قيمه الجمارك + قيمه السياره يعنى سعر السياره بجمركها 24400 +40000 =64400 جنيه مصرى يعنى 64400 نحط عليهم كمان 4000 جنيه لزوم المستخلصين والموظفين يبقى 68400 الوكيل بيبعها 84000 يبقى كام المكسب؟؟؟؟؟؟ 84000 - 68400 =19600 يعنى مكسب الوكيل 19600 طب السياره a138 اللى هيا j3 سعرها 33500 وزى ماحسبناها فوق 33500 * 61 /100 = 20435 يعنى 33500 + 20435 = 53935 جنيه سعرها بجماركها 53935 ونحط عليهم 3000 لزوم المستخلصين والموظفين يبقى 53935 + 3000 = 56935 طب الوكيل بيبعها بكام ؟؟؟؟؟؟ 74000 يبقى مكسبه كام؟؟؟؟؟؟؟ 74000 - 56935 = 17065 جنيه يعنى مكسبه فى العربيه 17065 بالنسبه للسياره a137 واللى هيا اسمها j3 sport زى مافهمنا طريقه الحساب فوق يبقى سعر السياره 27500 وقيمه الجمارك 16775 اذن سعرها بعد الجمارك 44.275 جنيه مصرى ونحط عليهم 3000 لزوم التخليص يبقى 47275 والوكيل بيبعها 64000 يبقى مكسبه 16725 جنيه بصراحه مش عارف اقول ايه مكاسب للجمارك والوكيل خرافيه اسف فى الفظ (زى الضرب على القفا) ....لابجد عندهم حق يعملوا فينا كده علشان احنا كنا ساكتين....وسمحنلهم بكده.......بجد حرااااااااااااااااااااااا ااااااااااااااام.....علشا ن كده بنطالب بالغاء الجمارك وتغير كل الوكلاء فى مصر مش هورس موتورز بس لانهم كلهم ماشين على نفس المنوال...اما بقى الناس اللى كانت بتقول لما تتلغى الجمارك العربيات دى كلها حتمشى فين ...فهناك حلول كتير من ضمنها اعدام كل السيارات القديمه يعنى يبقى اقل حاجه ماشيه على الارض مثلا موديل 2000 وكمان علشان نحافظ على البيئه وكفايه تخلف وجهل وتأخير عن بقيه العالم ..مش عايز اقولكم على كميه العوادم اللى بتلوث البيئه بتعتنا ...احنا بنطالب مسؤلين البيئه كمان ينضموا لينا احنا عايزين مصر بلد جميله نظيفه من تلوث السيارات القديمه ...فعلا عايزين سيارات صديقه البيئه....اما اصحاب السيارات القديمه ....يسلموا سيارتهم للحكومه ويستلموا سيارات جديده صديقه البيئه ويدفعوا مبلغ صغير وهو فرق السعر (ماهو مش حيبقى فيه جمارك ) يعنى الفرق اللى حيدفع مش كبير...اما بقى السيارات القديمه تاخدها شركات الحديد بتعتنا تسيحها ونستغل كميه الحديد دى فى اى حاجه تفدنا ...ويبقى كده فدنا واستفادنا وتمشى عجله اقتصادنا ...ويبقى حافظنا على البيئه .....وكمان نعمل عمليه توسيع وتعمير علشان نخفف الضغط على اماكن وسط البلد... كفايه زحمه واشارات مرور والواحد يروح شغله او مشوار فى ساعتين وهو اصلا يتراح فى عشر دقايق...يعنى الصحراء واسعه مافيش بعد كده ...مش لازم نتكدث فى حته واحده .....نوزع نفسنا بقى.......نبنى مدن نسكن فيها ونعمل مشاريع صناعيه ....واحنا عندنا فى اسكندريه منطقه اسمها العجمى ماحدش كان يتصور انها تتعمر وتبقى مليانه ناس كده زيها زى وسط البلد.......وبكده عجله الحياه تمشى وتبقى الحياه زى الفل......ولكم منى تحياتى من كل قلبى واتمنى من الله ان يوفقنا لنجعل مستقبلنا مشرق وحافل بالسعاده والتقدم والعلم ان شاء الله |
رد: سعر سيارات جاك بدون الجمارك ومكسب الوكيل
حسبي الله ونعم الوكيل
|
رد: سعر سيارات جاك بدون الجمارك ومكسب الوكيل
اولا- شكر كبير وعظيم وهائل وجزيل ودائم ومتواصل بلا حدود للسيد المحترم صاحب الموضوع .....ثانيا - انه بعد هذ الموضوع المعتمد على الارقام- وهى اصدق لغه - انتهى باب الجدل للابد فى ان الوكيل مستغل ومادى ولا تعنيه مصلحه االسياره ولا العميل ولا حتى مستقبله هو . المهم عنده هو المكسب الآنى ولا اهميه لديه للاستمراريه والنجاح . المهم هو كميه النقود التى تملا خزائنه وحساباته البنكيه ولا عزاء للشفافيه والسلوك السوى .
|
رد: سعر سيارات جاك بدون الجمارك ومكسب الوكيل
شكرا لك اخى mms ........ولكن ليس هورس موتورس فقط فجانبه ابو الفتوح وغبور وابو غالى واباظه والبافريه ووكيل رينو وميتسوبيشى ....بجد كل الوكلاء طامعين فى فلوسنا هما والجمارك واكلنها زى مابيقولوا بالبلدى واكلنها ولعه زى المنشار طالع واكل نازل واكل .......للاسف الحكومه القديمه ماكنتش عاطيه فرصه لحد يتنعم بخير البلد...هما بس المتنعمين بيها ....لكن خلاص بعد رحيل النظام ورأس الافعى ...انتهى والى الامام شباب وبنات رجال ونساء واطفال نحو اشراقه جديده وتطهير البلاد من فساد الجمارك وتجار السيارات وتلوث البيئه .....عايزين مصر جنه بجد بلد نظيفه من التلوث بلد منظمه بلد خاليه من الجهل والرشاوى .....عايزين نعاصر التقدم العلمى فى مجالات الصناعه والتكنولوجيا والزراعه والالكترونيات والرياضه ...وكل هدف بناء ذو مستقبل مشرق.....تم عمل صفحه على الفيس بوك تدعيما لجروب حمله الغضب وذلك لما رأيته من التفاعل حيث بدأ الصوت يوصل ....حيث اخبرنى عضو من الاعضاء بأن الجروب ابتدى يسمع ويوصل للمسؤلين....وهما عايزين يسمعوا لارأنا ووجهات نظرنا ومقترحتنا ...ارجوا منكم دخول الصفحه لتبادل الاراء وعمل اقتراحات لكى تناقش من قبل المسؤلين وشاكرا لكم جميعا اخوانى الكرام .....اضغط هنا
|
رد: سعر سيارات جاك بدون الجمارك ومكسب الوكيل
عزيزي سايلانت مان لا زلت مصرا على أن هذا الإسم لا يناسبك لأن صوتك دائما مسموع و سباق الى كل ما يهم المستهلك بالأرقام و الأدلة
و نتمنى أن تبدأ الثورة في الإلتفات لحيتان الوسط بعد أن قضت على الحيتان الكبار حتى نشعر بإنجازات الثورة |
| الساعة الآن 05:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017