صباح الفل يا رجالة الكل يركز معاياة شوية لو سمحت
 

انا مقيم برة مصر وعاوز انزل مصر نهائى واعاوز اعمل مشروع واريح دماغى بقى من الغربة
واقعد فى مصر تمام
انا ناوى ان شاء الله اشتغل فى موضوع التاكسيات عدد معين من التاكسيات
بس الابيض والاسود من موديلات 2006 اونت طالع
عايز لو مثلا هشترى 3 تاكسيات
عاوز منكو بما انكوا قاعدين فى مصر وعارفين كل حاجة ماش اء الله عليكم
الوردية كام ساعة وبكام لو غاز
الضريبة كام فى السنة
التامين لو لا قدر الله فى حوداث وخلافة
اى حد عندو اى معلمومات ياريت ينورنا بيها
وفين اقدر اشترى العربيات دى وتكون نضيفة

رد: صباح الفل يا رجالة الكل يركز معاياة شوية لو سمحت
 

مع احترامي لمشروع حضرتك ادام مفيش حاجة موجودة علي ارض الواقع فعلا اخر نزوللك مش دلوقتي البلد لسة مفيهاش استقرار
ابعد عن مصر وربنا يكرمك برة مصر احسن مليون مرة

رد: صباح الفل يا رجالة الكل يركز معاياة شوية لو سمحت
 

الف شكر على الرد يا جميل
بس ممكن اعرف حضرتك تقصد باية مفيش حاجة على ارض الواقع
تانى حاجة
البلد مفهاش استقرار من ناحية اية

رد: صباح الفل يا رجالة الكل يركز معاياة شوية لو سمحت
 

حرام عليك يا دكتور عمر ده بدل ما تدعي الناس انها تيجي تستثمر في بلدك وبكدا هتفتح خير ل 6 بيوت


يا استاذ ميمو انا متفق مع دكتور عمر في موضوع ان لسه البلد في شوية قلق بس قل كتير عن الاول

بالنسبة لموضوع التاكسي انا برشحلك التاكسي الابيض لان الابيض والاسود مبقاش محبوب زي الابيض

بالنسبة للورديات بتكون 7 ساعات من 9 صباحا ل 4 العصر ومن 5 العصر ل 11 بليل

ولو العربية غاز الوردية بتتراوح ما بين 70 و 80 جنيه

اما لو بنزين بتعمل ما بين 50 ل 60 جنيه في الوردية

بالنسبة لموضوع الضريبة ده انا مقدرش افيدك فيه


وبالنسبة للعربيات انتا حضرتك ممكن تشتري النمر بس بتعمل في حدود 25000 جنيه وتشتري العربية زيرو او مستعمله وتروح تعملها احلال لتاكسي وبالنمر اللي معاك ترخصها تاكسي

واي استفسار تاني انا تحت امرك

رد: صباح الفل يا رجالة الكل يركز معاياة شوية لو سمحت
 

ياباشا الف الف شكر
انا اسمع ان التاكسى الجديد كلة مشاكل من حيث ان
1 - التراخيص كل 3 شهور
2 - سعر الصيانة عالى
3 - انا عاوز اجيب اتنين كاش وواحد تقسيط
علشان تعرف اكبر الشغل بعد سنة مثلا
مصاريف الشاهين مهما كانت مش هتكون زى الفيرنا او العربيات دى
وبعدين العربيات الجديدة دى يتهالى مش هتستحمل شغل وسفر زى الشاهين الفرق ان دى مكيفة محنا ممكن نركب تكيف فى الشاهين اية رايك
وكمان بعد اذنك انا قريت كتير عن الموضوع
الابيض الورية مثلا ب 70 غاز يعنى الوريتين 140
يعنى 140* 27 يوم = 3780
شوف بقى عندك قسط حوالى مش ااقل من الف تمام غير مصاريف الصيانة وخلافة
تلاقى العربية فى الاخر بتجيب ال 2000 بالعافية (ملحوظة - اعلاانت بيع التاكسى الجديد كتير قوى خلانى مقلق منو )
اشطة
طيب لو تاكسى شاهين 2007 مثلا ماش مش علية ولا مليم
هيشتغل 60 فى الوريدة يعنى 120
يعنى فى الشهر 3240
مصاريفو كام نقولو 500فى الشهر يبقى انت معاك فوق ال 2500
يبقى الكلام لو 3 عربيات شغالين معاك
7500 صافى بتاعك فى الشهر
يعنى لو شيلت 3000 بعد كل الالتزامت الى عليك من بيتك وكدة
يعنى اخر السنة معاك 36000
يعنى مقدم تاكسى تانى
انا دى راى وياريت حضرتك تفيدنى لو فى حاجة غلط