ساعدونى فى عربيتى الكوردوبا 2008
 

السلام عليكم

يا جماعة انا اشتريت عربية كوردوبا مستعملة موديل 2008 مانيوال .. وكنت عايز اعمل فيها شوية شغل وصيانة بسيطة بس ميزانيتى محدودة شويتين .. ياريت توصفولى مكان او مركز خدمة متخصص أقدر أعمل فيه كل الصيانة المطلوبة من غير ما ينشفوا جيبى .

وهلخصلكوا كل اللى محتاج أعمله :

* كشف على زيت الجيربوكس والباور والهيدروليك وعمل اللازم

* كشف على الموتور وقواعده

* كشف على الكتاوت وتظبيطها ( عشان النور الأمامى بيرعش لما بدوس بنزين )

* تركيب لمض جديدة للكشافات الأمامية لإن الإضاءة بالليل مش بتكون كويسة

* رش بعض الخدوش والتجاريح اللى فى الأربع أبواب والرفرفين بشكل إحترافى

* إصلاح أو تغيير ( إن لزم الأمر ) الفبرة السودا الموجودة تحت الإكصدام الخلفى عشان فيها كسر.

* إصلاح زرار السنترلوك الرئيسى فى باب السواق .

* كمبيوتر الرحلات مش شغال عندى خالص .

ياريت تساعدونى يا جماعة , وياريت لو تقدروا تقولولى تكلفة الليلة اللى فاتت حوالى كام تقريبا

رد: ساعدونى فى عربيتى الكوردوبا 2008
 

عزيزي

اي مختص بسيارات فولكس واجن سكودا ممكن يعمل لك صيانة لها

زيت فيتس مانيوال يغير فورا والمواصفات المطلوبة هي

75W-90 GL-4

زيت البور انتبة اذا كان بور كهربائي هيدروليكي يستعمل زيت خاص تعرفة من خلال انك

تشيل البطارية تلاقي طلمبة بور اسفل البطارية طلمبة كهربائية هذة تاخذ زيت خاص

اعمل غسيل لمية الراديتر واستعمل مية راديتر نوع G12 من توكيل فولكسواجن او اسكودا


هل محركل سيارتك بة سير كاتينة غيرة مع الشدادات

تحياتي

سيف

العراق