ال 128 مش بتدور و التابلوة منور
 

السلام عليكم ياشباب
أستكمالا لسلسلة مشاكل عربيتى ال 28 ربنا يديها الصحه :) ....... ظهرت مشكله مأخراً ... لما بدور العربيه التابلوه بينور وكله تمام لكن مش بتدور ومش بتعمل اى صوت خالص تدل ان فى امل انها تدور ولا تكه واحدة صامته صمت فظيع حصلت معايا كذا مره فى السكه وانا ماشى لما بتبطل منى غصب عنى اجى ادورها تعمل الحركه دى .... كنت لازم اديها زقه وارميلها علشان تدور ... المهم روحت للكهربائى قالى العيب من البطريه وانها باظت ولازم تتغير وقالى حشحنهالك شحنه كويسه بس مش حتطول معاك وفعلاً دة الى حصل وفضلت معايا شهر زى الفل ورجعت تعمل تانى على فكره انا مش بنزل بيها كتير ياعنى ... روحت لكهربائى تانى قالى العيب من المارش فاكينا المرش ونظفه وعملت فى ساعتها نفس المشكله ... انا قولت العيب من الدينامو روحت للكهربائى الاولانى كشفلى عليه مع نور العربيه وقالى الدينامو زى الفل واكدلى ان العيب من البطاريا ... انا محتاج خبرتكم فى المشكله دى عايز اعرف العيب من الدينامو ولا من البطاريا لانى احترت خصوصاً ان البطاريه كانت مديه لون أخضر ياعنى متهيألى سليمة ... مش عارف اعمل اية ؟

رد: ال 128 مش بتدور و التابلوة منور
 

عيب بطارية صريح

رد: ال 128 مش بتدور و التابلوة منور
 

أشكرك لرد حضرتك ... طب ممكن حضرتك توضحلى اكتر هو عيب بطاريه ليه ... وامتى أعرف ان الدينامو هو الى فيه مشكله وامتى اعرف انها البطاريه علشان لو حصل حاجه مستقبلاً ابقى عارف الدنيا ماشيه ازاى

رد: ال 128 مش بتدور و التابلوة منور
 

أشكرك لرد حضرتك ... طب ممكن حضرتك توضحلى اكتر هو عيب بطاريه ليه ... وامتى أعرف ان الدينامو هو الى فيه مشكله وامتى اعرف انها البطاريه علشان لو حصل حاجه مستقبلاً ابقى عارف الدنيا ماشيه ازاى

رد: ال 128 مش بتدور و التابلوة منور
 

الدينامو بيتقاس الشحن بتاعة والمفروض القيمة الافتراضية لة 14 فولت
ولو الدينامو بيشحن والعربية مش بتدور يبقى عيب بطارية
ناقص بس حاجة واحدة لازم نقولها
ان يجب التاكد من عدم وجود ماس فى العربية من شانة تفريبغ شحنة البطارية ليلا