مصر موتورز مجتمع السيارات - حد عنده فكره عن سعر اللوجان المستعمل ؟

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - حد عنده فكره عن سعر اللوجان المستعمل ؟ (https://www.masrmotors.com/vb/showthread.php?t=93676)

حد عنده فكره عن سعر اللوجان المستعمل ؟

كنت عاوز اسأل لو حد من حضراتكم يعرف اسعار اللوجان مستعمله ايه؟ لأني لما بسأل حد بيقولي مش منتشره ومعرفش المستعمل بكام؟ مع اني شايف انها انتشرت جداً بس يظهر انها منتشرتش عند التجار لسه ..........
فلو حد يعرف ممكن يقولي لو واحده 2011 مثلاً عامله حوالي 25000 كم وفابريكه كلها تعمل كام؟
وشكراً.

رد: حد عنده فكره عن سعر اللوجان المستعمل ؟

كل سنة وحضرتك طيب , هأقولك نصيجة من أخ بمناسبة الشهر الكريم .. ما تشتريش مستعمل خالص غير لما تكشف عليه كويس جدااااااااااااااااااااااا ااااااااااً , أو تكون شاريه من واحد قريبك أو صاحبك أوى وتعرفه من زمان لأن الناس دلوقتى معظمها إن لم يكون أغلبيتها كدابة جداااااااااااااً وبعد ما بتشترى بتكتشف نصايب وبلأوى فى العربية , أجارنا الله وأياك من ولأد الحرام , وعامتاً لو عاوز تعرف سعر المستعمل أدخل موقع كونتاكت أو عربيتى أو موقع فابريكة أو موقع عربيات 100 100 , أكتب فى خانة بحث جوجل الأسماء دي وهايظهر لك الموقع أن شاء الله ..

رد: حد عنده فكره عن سعر اللوجان المستعمل ؟

وحضرتك بالصحه والسلامه ومتشكر جداً لأهتمام حضرتك .طبعاً انا مبثقش في كلام سمكريه ولا ميكانيكيه لأنهم احسن ناس تلبسك في الحيط عشان كده لو في نصيب هكشف عليها في التوكيل .
وبالنسبه لمواقع المستعمل دي اغلبها تجار وبيبقو رافعين الأسعار بصوره مش معقوله وادخل حضرتك مثلاًعلى اللانوس في كونتاكت كارز هتلاقي الي معاه 2005 و2006 مثلاً بيتكلم في 50000جنيه وده شيء خيالي طبعاً فانا كنت بسأل حد يكون عارف سعرها ومش تاجر بس وللأسف الدكتور تامر غايب بقاله فتره مبيردش على طلبات التسعير.
وربنا يقدم الي فيه الخير.

رد: حد عنده فكره عن سعر اللوجان المستعمل ؟

لما كنت ببيع عربيتي في سوق مدينة نصر .. شفت لوجان نبيتي 2010 فابريكة برا و جوا مانيوال

فل أوبشنز .. بدون كشافات ضباب أمامية .. معمولها فرش و أرضية جلد

و كان طالب 55 ألف ..

طبعا العهدة على ذمتو لو الكلام ده مش حقيقي :) أنا بس حبيت افيد حضرتك بالمعلومة اللي عندي

و نصيحة أخوية زي ما أستاذ أبو هيما قالك ابعد عن المستعمل ..

انا عن نفسي بعت دايهاتسو تيريوس و حاجز لوجان زيرو قسط ان شاء الله

بسبب خوفي من المستعمل مع ان بتمنها كان ممكن اركب أكسنت أو لانسر بومة مستعمل

لكن انا مش حابب .. الجديد بيريح البال شوية .. و لو ربنا حفظنا و حفظك من الحوادث بتقعد بإذن

الله فترة حلوة على قد الصيانات الدورية بس إن شاء الله

هداك الله لما فيه الخير لك يا رب

رد: حد عنده فكره عن سعر اللوجان المستعمل ؟

كلام حضرتك مظبوط طبعا يا دكتور مصطفى اكيد الجديد بيريح تماماً بس في الوقت الحالي مفيش امكانيه اني اجيبها زيرو فهحاول على قد ما اقدر اني اجيبها ممشيتش كتير وتكون كويسه بإذن الله ومش هثق الا في تقرير التوكيل.
ومتشكر جداً لإهتمام حضرتك وربنا يوفق الجميع اللى الخير يارب.