نيسان تيدا... ام تيوتا كرولا؟؟
 

رد: نيسان تيدا... ام تيوتا كرولا؟؟
 

مش فاهم حضرتك دلوقتي اشتريت التيدا و ربنا يباركلك فيها
عاوز تقارنها بالكورولا ليه؟؟
اولا التيدا فئه اصغر من الكورولا فئه الياريس
و حتي لو بموتور 1600 فذلك لا يضعها في فئه اعلي من فئتها
الكورولا تقارن بالصاني و ليست بالتيدا
و عموما لو بتقارن بين عربيه تويوتا و عربيه نيسان من نفس الفئه و نفس المواتير
النيسان حتلاقيها بتجري و سحبها احلي من التويوتا
لكن من حيث الاعتماديه فالتويتا متفوقه و تعيش اكتر من النيسان

رد: نيسان تيدا... ام تيوتا كرولا؟؟
 

حضرتك ممكن تقلي لية التيدا تتقارن بالياريس
وازاي السيني تقارن بالكرولا

مع ان التيدا اول حاجة فيهه تبدئب109الف

واعلي حاجة في السني ااقل من التيدا

وانا عايز اقارن من باب العلم بالشئ مش اكتر

رد: نيسان تيدا... ام تيوتا كرولا؟؟
 

حقول لحضرتك
اولا العربيات لا تقارن بالسعر نهائي او بالسعه اللتريه
و الا لو كان هذا هو الحال لكانت الميني كوبر رغم صغر حجمها تقارن
بالفولكس باسات الكبيره و ذلك لتقارب اسعارهم.
السيارت مقسمه الي فئات عديده
mini
sub combact
combact
miduim
large
الخ الخ الخ
لو حنجيب عربيه زي الكورولا
من قديم الازل و هيا تقارن بالصاني لانهم نفس الفئه (كومباكت)
و دا بيرجع الي تقارب مقاسات قاعده العجلات بينهم و بين بعض
فقاعده العجلات هيا الفيصل في تحديد فئه السياره و ليس الموتور او الوسع الداخلي
و من المعروف تنافس الشركات اليابانيه جميعا في تلك الفئات
لذلك نري ان كل شركه تمتك سياره sub combact
تويوتا ياريس
هوندا سيتي
نيسان تيدا
ميتسوبيشي كولت

حنيجي نبص للفئه الاعلي combact
تويوتا كورولا
هوندا سيفيك
نيسان صني
ميتسوبيشي لانسر
(و للعلم تلك السيارات كانت مصنفه في الفئه السابقه قبل ان يقوموا بنقلها الي فئه اكبر في عام 90)

و نيجي نبص علي الفئه المتوسطه
تويوتا كامري
هوندا اكورد
نيسان التيما
ميتسوبيشي جالانت

هيا دي الفئات بتاع العربيات دي و ما ينفعش نطلع عربيه من فئه الي فئه اعلي
لمجرد وجود موتور قوي فيها .

رد: نيسان تيدا... ام تيوتا كرولا؟؟
 

التوكيل هو اللي مسعر العربيه كده و دي حاجه بدماغه
و بعدين ما تنساش انها 1600
و الياريس 1300 و اعلي فئه فيها ب 110
و لو نزلت ال 1500 بتاعها حتعدي ال 130 مستريح!!
و ذلك لان الصاني تقيل مصري و التيدا مستورده
(لا اعلم بالضبط ان كانت تقفيل ياباني او تايلاندي لاني شاكك في الموضوع دا)
لو الصاني استوردوها من بره كنت حتلاقي تمنها ازيد من كده بكتير