مصر موتورز مجتمع السيارات - استفسار بخصوص تغيير طقم الشانبر ؟؟

مصر موتورز مجتمع السيارات (https://www.masrmotors.com/vb/index.php)

- سكودا skoda (https://www.masrmotors.com/vb/forumdisplay.php?f=19)

- - استفسار بخصوص تغيير طقم الشانبر ؟؟ (https://www.masrmotors.com/vb/showthread.php?t=48745)

استفسار بخصوص تغيير طقم الشانبر ؟؟

السلام عليكم

انا معايا سكودا فليشيا 95
الماتور عندى خفيف و العربية بتطلع دخان فى بداية الدوارة و ليه ريحة و بتاكل زيت

فالمفروض انى هغير طقم شانبر
بس فيه حاجات عايز اسال فيها :

الموضوع ده هياخد اد ايه وقت مع الميكنيكى ؟؟ و المصنعية حوالى كام ؟؟

ايه الى هيتغير غير طقم الشانبر ؟؟

لو جوان وش السلندر سليم الاحسن اغيره ولا لأ ؟؟

اغير الزيت قبل موديها للميكانيكى ولا بعد ما يشتغل احط زيت علشان التلييين ؟؟

فيه ناس قالتلى حط زيت اثناء التليين رخيص على اساس انى مش همشى بيه ؟؟

ويا ريت لو حد يعرف اسعار يقولى و الموضوع كله هيكلف حوالى كام ؟؟؟؟؟؟؟

و شكرآ مقدمأ

رد: استفسار بخصوص تغيير طقم الشانبر ؟؟

الموضوع ده هياخد اد ايه وقت مع الميكنيكى ؟؟ علي حسب الاتفاق بس مش هيزيد عن يومين تلاته بالكتير ده لو الميكانيكي مشغول اوي

و المصنعية حوالى كام ؟؟ علي حسب الاتفاق برضه بس مش هتزيد عن 100 جنيه مثلا

ايه الى هيتغير غير طقم الشانبر ؟؟ الميكانيكي هو اللي هيقولك اللي محتاج يتغير بس لو فتحت في و قالك عمره تبقي تاخد رأي ميكانيكي تاني

لو جوان وش السلندر سليم الاحسن اغيره ولا لأ ؟؟ غيره بالمره هو و كاوتش الصباب

اغير الزيت قبل موديها للميكانيكى ولا بعد ما يشتغل احط زيت علشان التلييين ؟؟ ملوش لزوم تغيير الزيت قبل الشنبر

فيه ناس قالتلى حط زيت اثناء التليين رخيص على اساس انى مش همشى بيه ؟؟ يمكن عشان ينضف المكنه و بعدين هتغيره

رد: استفسار بخصوص تغيير طقم الشانبر ؟؟

الف شكر يا باشا على الرد

لما المكنة تطلع برة لازم تاخد يوم بعدين يغير فى يوم تانى بعدين يليين فى الثالث
ولا ممكن ينجز خطوتين فى يوم واحد ؟؟

ولو قالى عمرة كاملة ده هيكون بعد مفكها
ينفع اقوله قفل و اسال واحد تانى ولا ايه ؟؟(طبعآ ديه هتكون مصارف زيادة صح ؟؟)
وايه الى هيشوفه هو بايظ علشان يقولى محتاج عمرة كاملة ؟؟

رد: استفسار بخصوص تغيير طقم الشانبر ؟؟

لما المكنة تطلع برة لازم تاخد يوم بعدين يغير فى يوم تانى بعدين يليين فى الثالث
ولا ممكن ينجز خطوتين فى يوم واحد ؟؟ قولتلك قبل كده علي حسب اتفاقك مع الميكانيكي و لو هو فاضي تماما ممكن تخلصك في يوم واحد

ولو قالى عمرة كاملة ده هيكون بعد مفكها
ينفع اقوله قفل و اسال واحد تانى ولا ايه ؟؟(طبعآ ديه هتكون مصارف زيادة صح ؟؟)
وايه الى هيشوفه هو بايظ علشان يقولى محتاج عمرة كاملة ؟؟
الميكانيكي هيفك المكنه مش هيحلها من مكانها عشان يعرف محتاجه ايه بالظبط

رد: استفسار بخصوص تغيير طقم الشانبر ؟؟

اقتباس:

المشاركة الأصلية كتبت بواسطة eng_ahmed_90210 (المشاركة 366763)

الميكانيكي هيفك المكنه مش هيحلها من مكانها عشان يعرف محتاجه ايه بالظبط

تمام يا باشا الف شكر على التوضيح