|
حادث سيارتى ال i10 مع الصور - أعمل إيه؟
امبارح كنت فى حديقة الأزهر راكن عربيتى ال هيونداى i10 موديل 2010 جوة، لقيتهم بينادو على صاحب العربية رقم كذا ولقيت إنها عربيتى. لما روحت، لقيت عربيتى مخبوطة من قدام والجزء الأمامى من الشمال مكسور! وكان فى واحد وواحدة واقفين جنبها مع فرد الأمن هناك، اتضح إن اللى واقفة ده كانت بتحاول تركن فقامت دخلت فى الرصيف وفى عربيتى ال i10!
أنا أول مرة تحصلى حاجة زى ده، وأقصى حاجة كانت العربية مثلاً بتتخدش أو كده لكن عمر ما جزء منها اتخبط واتكسر ووقع على الأرض كده! أنا بصراحة كنت مش عارف أعمل إيه ساعتها! على أى حال هما قالولى شوف حتتكلف كام وحنتحمل التصليح وكده. وأنا العربية كنت دايماً باعملها صيانة دورية فى التوكيل طول ال 3 سنين من ساعة ما جبتها. السؤال بتاعى دلوقتى هوة: أعمل إيه دلوقتى علشان أصلحها، يعنى أروح لمين بالظبط؟ واحتمال التكلفة تكون فى حدود قد إيه؟ أنا ساكن فى مدينة نصر. ده صورة العربية بعد ما رجعت بيها وركنتها قدام البيت: https://lh4.googleusercontent.com/-i...shed-front.jpg صورة تانية: https://lh3.googleusercontent.com/-f.../i10-crash.jpg |
رد: حادث سيارتى ال i10 مع الصور - أعمل إيه؟
الحمد لله وقدر الله وما شاء فعل وبسيطه ان شاء الله وان شايف انك توديها التوكيل افضل وهما ان شاء الله هيعملوا الازم وترجع افضل من الاول ان شاء الله
|
رد: حادث سيارتى ال i10 مع الصور - أعمل إيه؟
شكراً على ردك، طيب أروح لأنهى توكيل، أنا ساكن فى مدينة نصر؟
واحتمال التكلفة تكون فى حدود قد إيه يا ترى، لو حد يعرف؟ |
رد: حادث سيارتى ال i10 مع الصور - أعمل إيه؟
السلام عليكم ممكن تروح التوكيل الي في العبور بس هتتكلف كثير لأنهم هيغيرو الأكصدام ويرشوه بس بصراحه هترجع فبريكه ومن الممكن تعملها عند اي حد في الحرفيين عند بتوع الفايبر وبعد كده ترشها او تلزق عليها استيكر بلون السياره بس اكيد التوكيل افضل والله المستعان |
رد: حادث سيارتى ال i10 مع الصور - أعمل إيه؟
قدر الله وما شاء فعل
ان شاء الله حد يفيدك |
| الساعة الآن 03:47 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017