هل فى إنذار يعمل كده؟
 

عاوز أركب إنذار يكون من النوع الذى عندما تلمس العربية الإنذار يضرب لحد ما اللى ساند على العربية يمشى من على العربية فيفصل الإنذار. أنا ساكن فى شارع الحركة فى مش معقولة والعيل بتقعد على العربية بغباء ومحدش عندة دم ويحس أن القعدة دى بتأثر على الصاج وتخلية يتعوج. عاوز إنذار يريحنى من المشكلة دى. هل عندكم نوع بمجرد لمس العربية يدى إنذار وهل لو العربية متغطة هذا يؤثر على الإنذار يعنى وجود الغطاء ممكن مش يخلى الإنذار يضرب؟؟؟

رد: هل فى إنذار يعمل كده؟
 

السنسوربتاع الانذار بيكون فيه مفتاح للتحكم فى الحساسية بتاعته .. وممكن تعليه على الاخر واى حد هيلمس العربية هيضرب الانذار .. لكن المشكلة ان اى عربية معدية ولا اى صوت عالى هيخلى الانذار يضرب برضو ..

فانت تحاول توازن العملية بحيث مش يبقى حساس اوى ويضرب عمال على بطال وبرضو مش يبقى غير فعال ...

رد: هل فى إنذار يعمل كده؟
 

عللى السينسور على الاخر بتاع الانزار عندك

رد: هل فى إنذار يعمل كده؟
 

متشكرين على الرد ايها الاعضاء المحترمين.... أنا لسة مش مركب إنذار وعاوز أختار واحد يوفى بالغرض دة وهو أن اى حد يقعد على العربية يضرب إنذار أما السرقة فأنا مش خايف منها....زى ما فهمت الحكاية دى مش محتاجة إنذار مخصوص. أيعنى أنذار من أبوة 170 جنية بنفع مش لازم إنذار سباى 5000 ابو 350 جنية....

هو تركيب الإنذار بيكلف كام تقريبا؟

هل كل الإنذارات بتتركب بنفس الطريقة أم أن فى إنذرات معقدة تستلزم شغل أكتر وتجريح أكتر فى ضفيرة الكهرباء؟؟

طيب لو كان الحساس على الوضع العادى و لنفترض أنى شايف واحد مريح على العربية وعاوز أخلى العربية تعمل أى صوت علشان يحس أن صاحبها نازل يركبها او ان القعدة بتاعتة مضايقة العربية فهل مثلا فى أوبشن من الريموت أخلى العربية تضرب إنذار أو أى اشارة للتخويف بس...

رد: هل فى إنذار يعمل كده؟
 

بالنسبة لأنواع الإنذار أ،ا مش هعرف أفيدك وهوا عموما الموضوع يرجع لإمكانياتك المادية أو بالعربي الي طالع من ذمتك لموضوع الإنذار دا.
بالنسبة لكيفية التركيب مش هتفرق كتير لأني الفكرة في كل الأنواع هيا واحدة.
طبعا أي إنذار بيبقى معاه ريموت تقدر تشغل الإنذار من بعيد ولو إشتغل تقدر تطفيه من بعيد بردو فا أي إنذار أيا كان نوعه هيبقى معاه ريموت وتقدر تفهم الي قاعد على العربية إنك شايفه وياريت يتفضل يقوم بيفرق مدى الريموت من إنذار للتاني ياعني ممكن لو إنتا ساكن في دور عالي أو راكن عربيتك بعيد شوية تجيب إنذار غالي شوية وقوة إشارة الريموت فيه بعيدة علشان تعرف تقفل وتشغل الإنذار من البلكونة او الشباك.
عموما لما هتنزل تشتري هتقابل نوع وإتنين وتلاتة لف وإسأل وشوف إيه الفرق من دا لدا وغالبا الي هتشتري منه هيركبهولك إنشاء الله.
وألف مبروك مقدما.