مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تكييف السيارة (https://www.masrmotors.com/vb/forumdisplay.php?f=150)
-   -   تكيف السيارة وإستهلاك البنزين (https://www.masrmotors.com/vb/showthread.php?t=62496)

tham1010 05-07-2011 09:12 PM

تكيف السيارة وإستهلاك البنزين
 
يا جماعة اليوم كنت راكن بالماتركس على جنب مستنى مصلحة. المهم الشمس كانت ضربة فى العربية فقلت فرصة نولع التكيف...

شغلت التكيف والعربية راكنه ومشغل الماتور بس. عددا RMP لم يكن بيعدى 1000 لفه حتى ولو شغال على 4 اقصى سرعة للتكيف. كان الهواء حلو جدا على سرعة 2 وممتاز على سرعة 3 المهم سبت التكيف حوالى عشر دقائق وكان شغال كويس ولاحظت الكمبيوتر بتاع العربية بيكون فيه كمية البنزين اللى فى التنكن تعمل كام كيلوا. يعد العشر دقائق وجدت ان العددا نقص 2 كيلوا بمعنى أن العشر دقائق سحب بنزين كما لو أن المشيت بالعربية 2 كيلوا...

مش عارف هل هذا معدل طبيعى يعنى لو بهذا المعدل فإن الساعة هتسحب بنزين بما يعادل 12 كيلوا.. وهذا يعتبر كثير كما أعتقد... لا أعرف هل الكمبيوتر هذا بيخرف.

هل أحد يعرف كمية إستهلاك التكيف من بنزين السيارة؟

فى حاجة كمان:: أثناء عمل التكيف ويعد عدد من الدقائق لاحظت أن الماتور كان صوته بينخفض خالص والتكيف يفصل لثوانى من الماتور ثم يعود المحرك ليرتفع صوته من جديد وتشعر بالرجة البسيطة فى الماتور مع عمل التكيف.. هل هذا طبيعى أن يعمل التكيف دقائق ويستريح ثوانى وهكذا؟؟؟

أرجو النصيحة

memodina1 05-07-2011 10:29 PM

رد: تكيف السيارة وإستهلاك البنزين
 
اولا كدة البنزين ممتاز جدا وهو فعلا بياخد النسبة دى ودا امر طبيعى وخد بالك انت كدة محكل على الماتور فى السلانسية يعنى برضة كتر خيرة انة يسحب الكمية دى بس
اطمن من الموضوع دا انا معايا فيرنا بس من غير كمبيوتر حساب البنزين وهو بياخد بنزين فى التشغيل عندى نفس الكمية دى بس انا بحسبها غير كدة انا بحسبها بالكيلو يعنى مثلا كل مشى 100 بالتكييف بياخد 2 لتر مثلا كدة وعمتا انت كدة تمام اوى
ومعلش لكل اللى بيقول الفيرنا جوة البلد تعمل اكتر من عشرة كيلو فى اللتر دا ميعرفش يحسب كويس اللتر بيعمل 10 كيلو مش اكتر عشان انا جربتها فى حوالى 10 عربيات من بتوع اصحابى قررنا نعمل الحسبة سوا طل معظمنا 9 الى 10
والطرق مش زحمة اوى لكن نقل غيار كتير شوية وللعلم هكذا الماتريكس لانها نفس ماتور الفيرنا وياريت تقول المعدل عندك كام
ثانيا اللى مش طبيعى انى التكييف يشتغل على طول دا اللى غلط لكن الصح انى الكمبوريسور يشتغل ويفصل تقريبا كل 10 ثوان وبتختلف وعند الفصل بيتمع صوت تكة فى الكبوت لما تكون فاتح الكبوت تسمعها ولما يشتغل تسمع صوت تكة صوتها اعلى شوية برضة لما ترفع الكبوت على فكرة تكة عادية صوت عادى جدا مش عالى زى اى فصل كهرباء يعنى
فلاحظ انى لو التكييف اشتغل على طول يبقى باظ التكييف وهيتحرق لكن انت كدة ما شاء الله العربية سليمة ولا فيها الهوا واطمن خالص كلة فى السليم بارك الله لك فيها
واى استفسار انا موجود

tham1010 05-07-2011 11:03 PM

رد: تكيف السيارة وإستهلاك البنزين
 
أنا شاكر ليك على هذا الفيض من المعلومات... اللى فهمته من إجابته حضرتك أن لو العربية ماشية 100 كيلوا فإن التكيف بيسحب 2 لتر بنزين. الحقيقة برضوا كتير لان ساعات ممكن تمشى بسرعة 100 كيلوا فى الساعة وبهذا فإن الساعة بالتكيف تكلف 3 جنية.. مش عارف الحسبة كدة صح ولا لا


أما عن فصل التكيف الحقيقة هو صوته مش واحد طول الشغل ( أنا مش شغلته أكتر من 10 دقائق) خلال العشر دقائق دول كان صوت الماتور يعلى شوية وتحس هزة خفيفة جدا فى الدريكسيون وفى جسم العربية ( طبعا مش ملحوظة إلا للمنتبه للصوت) وشوية ينخفض لحد احد ما يفصل خالص والقى الصوت مش موجود خالص. وكل كلها أقل من 10 ثوانى والصوت يرجع قوى وبعدين يهدأ لحد ما يطفئ وهكذا.. إذا الامر زى ما يكون من عالى لمنخفض لحد ما يفصل ويرجع يكرر الدورة..

أما عن أستهلاك العربية فالحقيقة أنامش هقدر أقول لانى لسه شاريها ولكن اللى أعرفه أنى بمشى على سرعات منخفضة ( اقل من 50 كيلوا) وكله داخل المدينة ولكن اللى أعرفة أنى مليت بنزين 30 لتر من شهر 4 ولحد دلوقتى مش خلصوا وأناعامل 240 كيلوا ولسة فى العداد الكمبيوتر حوالى 210 كيلوا كمان... وللعلم أنا مش ولعت التكيف خلال هذه الشهور الثلاثة اكثرمن 20 دقيقة.

الحقيقة الكمبيوتر دة ملهوش لزمة ومشروع فاشل بمعنى أنى لما أكون سايق على 60 مثلا ووقف العربية وطفت الماتور وأرجع أدور تانى تلاقى الرقم فى الكمبيوتر كتب مثلا ان فاضل 200 كيلوا لحد ما تحتاج تمون بنزين ولكن لو مشيت على 30 مثلا طول المشوار وطفيت ورجعت تشغل تلاقى الرقم نزل لحد 170 مثلا. إذا الكمبويتر يتسخدم معادل بناء على السرعة لو ماشى بسرعة تلاقى الكمبيوتر يعطيك قراءة عالية ولو ماشى بطئ تلاقى الرقم ينزل خالص...
متشكر مرة تانية

borio1704 06-07-2011 02:19 AM

رد: تكيف السيارة وإستهلاك البنزين
 
اقتباس:

المشاركة الأصلية كتبت بواسطة tham1010 (المشاركة 470891)
أنا شاكر ليك على هذا الفيض من المعلومات... اللى فهمته من إجابته حضرتك أن لو العربية ماشية 100 كيلوا فإن التكيف بيسحب 2 لتر بنزين. الحقيقة برضوا كتير لان ساعات ممكن تمشى بسرعة 100 كيلوا فى الساعة وبهذا فإن الساعة بالتكيف تكلف 3 جنية.. مش عارف الحسبة كدة صح ولا لا


أما عن فصل التكيف الحقيقة هو صوته مش واحد طول الشغل ( أنا مش شغلته أكتر من 10 دقائق) خلال العشر دقائق دول كان صوت الماتور يعلى شوية وتحس هزة خفيفة جدا فى الدريكسيون وفى جسم العربية ( طبعا مش ملحوظة إلا للمنتبه للصوت) وشوية ينخفض لحد احد ما يفصل خالص والقى الصوت مش موجود خالص. وكل كلها أقل من 10 ثوانى والصوت يرجع قوى وبعدين يهدأ لحد ما يطفئ وهكذا.. إذا الامر زى ما يكون من عالى لمنخفض لحد ما يفصل ويرجع يكرر الدورة..

أما عن أستهلاك العربية فالحقيقة أنامش هقدر أقول لانى لسه شاريها ولكن اللى أعرفه أنى بمشى على سرعات منخفضة ( اقل من 50 كيلوا) وكله داخل المدينة ولكن اللى أعرفة أنى مليت بنزين 30 لتر من شهر 4 ولحد دلوقتى مش خلصوا وأناعامل 240 كيلوا ولسة فى العداد الكمبيوتر حوالى 210 كيلوا كمان... وللعلم أنا مش ولعت التكيف خلال هذه الشهور الثلاثة اكثرمن 20 دقيقة.

الحقيقة الكمبيوتر دة ملهوش لزمة ومشروع فاشل بمعنى أنى لما أكون سايق على 60 مثلا ووقف العربية وطفت الماتور وأرجع أدور تانى تلاقى الرقم فى الكمبيوتر كتب مثلا ان فاضل 200 كيلوا لحد ما تحتاج تمون بنزين ولكن لو مشيت على 30 مثلا طول المشوار وطفيت ورجعت تشغل تلاقى الرقم نزل لحد 170 مثلا. إذا الكمبويتر يتسخدم معادل بناء على السرعة لو ماشى بسرعة تلاقى الكمبيوتر يعطيك قراءة عالية ولو ماشى بطئ تلاقى الرقم ينزل خالص...
متشكر مرة تانية


أكيد طبعا إنك لما تمشي على سرعة منخفضة حتلاقي استهلاك البنزين عالي جدا، لإنك ببساطة بتستخدم نسب التروس المنخفضة ، بمعنى إنك ما بتعشقش غير التاني أو التالت على أكثر تقدير

الكمبيوتر مش مشروع فاشل أبدا... لو فهمت إزاي المعدل بيتحسب حتلاقيه حاجة كويسة جدا

ببساطة لو فرضنا إنك مثبت دوسة رجلك على البنزين، والـRPM بتاع العربية ثابت على 2000 RPM على سبيل المثال ، يبقى عربيتك حتمشي بالسرعات التالية:
الأول: 15.3 كم/س
التاني: 27 كم /س
التالت: 39.8 كم/س
الرابع: 52.2 كم/س
الخامس: 66.2 كم/س

في جميع الأحوال عربيتك بتستهلك نفس كمية البنزين تقريبا

يبقى لما تمشي على نسبة أعلى بتوفر في البنزين لإنك بتمشي مسافة أكبر بكمية بنزين أقل

طيب لو الموضوع كده، عاملين الجيربوكس ليه؟؟؟؟ ما نمشي على الخامس علطول وخلاص

لو طلعنا على الخامس علطول ، القوة اللي محتاجها الموتور عشان يحرك العربية حتبقى عالية جدا ومش حيقدر عليها، وغالبا الموتور حيبطل، وتاني حاجة المشي بسرعة بطيئة مع تعشيق نسبة عالية بيبوظ الموتور لإنه بيكسر الشنابر ويعمل حمل جامد قوي على الموتور

حاول تستفيد من عربيتك وما تخافش، وخلي بالك إن فيه بعض أجهزة لو ما استخدمتهاش حتبوظ، ولو مش عايز تتكلف، ممكن تشتري عربية أصغر، ونصيحة من أخوك، ما تدفعش فلوس في حاجة مش حتستفيد منها

memodina1 06-07-2011 06:27 AM

رد: تكيف السيارة وإستهلاك البنزين
 
بص يا اخى اولا الرعشة اللى فى العربية والدريكسيون نتيجة فصل وتشغيل التكييف موجود عند كل الناس لكن خفيفة زى ما بتقول لانى الماتور بجمل ويرجع يفك الحمل وهكذا
انما انك متشغلش التكيف دا غلط وهيبوظ منك وللعلم لازم تشغلة على الاكل كل اسبوع ساعة
لازم التكييف يشتغل الاهمام فى الكلام دا هيقلل من قدردة وممكن الركن يسد خطوطة وموال انت مش هتعرف تلمة شغلة كل اسبوع على الاكل مرة انا عن نفسى مشغلة كل يوم بس حوالى ساعة كدة وخلاص لانى هكون بموت من الحرررررررر اللهم ارحمنا يارب من الحر والنار


الساعة الآن 07:57 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017