رد: عايز تروح اى محافظة او مكا ن داخل مصر
 

رد: عايز تروح اى محافظة او مكا ن داخل مصر
 

من روكسى تمشى حتى ميدان المحكمة ثم يمينا حتى نادى الجلاء ثم يمينا فيسارا يوتيرن ثم يمينا فتجد نفسك عند موقف السوبر جيت بألماظة تكمل على طول حتى آخر الشارع فيمينا مسافة 300 متر ثم يو تيرن تمسك طريق السويس تمشى حتى يقابلك كوبرى تمر من تحته وتكمل فيقابلك كوبرى تانى تمر من جنبه ويقطع الطريق عليك كوبرى ثالث هو كوبرى الدائرى اطلع يمين من قبله لتركبه لتمسك الطريق الى القاهرة الجديدة وتكمل حتى مدخل طريق القطامية /العين السخنة وهو بعد كارفور ب 5 كيلو وتمشى فيه مسافة 120 كيلو حتى العين السخنة ثم الى الزعفرانة بمسافة 70 كيلو ثم الزعفرانة رأس غارب وهى مسافة حوالى 120 كيلو ثم رأس غارب الغردقة وهى مسافة حوالى 100 كيلو واجمالى المسافة حوالى 500 كيلو تقريبا وزمن الرحلة حوالى 5 ساعات
اما انسب مواعيد السفر فأنا شخصيا احب سفر الليل لقلة السيارات لكن سينا لا انصح بها ليلا ولو عربيتك اتوماتيك يفضل بالنهار

رد: عايز تروح اى محافظة او مكا ن داخل مصر
 

السلام عليكم ورحمة الله وبركاته

عدنا للسؤال عن الطريق مرة أخرى

بس المرة دى عايز أعرف الطريق إلى قرية الطحاوية - بلبيس - الشرقية

الكلام ده لو من الإسكندرية ( أو الكيلو 21 )

علمًا بأنى عمرى ماروحت الشرقية

رد: عايز تروح اى محافظة او مكا ن داخل مصر
 

حبيبى ياعم ابراهيم
قرى مش هقدر ادلك لكن مراكز ومدن دى بسيطة ان شاء الله
ومن الكيلو 21 اسكندرية بعد م تقول دعاء الركوب والاذكار وتتوكل على الله
هتلاقى عامود كبير ضخم فى وسط ميدان ال21 تخليه على شمالك وتاخد فى وشك على طول لايمين ولاشمال حتى تصل الى الطريق الصحراوى القاهرة /اسكندرية ثم يمينا فيسارا مع اول يوتيرن وتعود الى الاسكندريه حتى كوبرى محرم بك وتنزل من تحته يمين على الطريق الزراعى (انا عارف ان للزراعى مدخل من الصحراوى بس هتمشى 35 كيلو ملهومش لازمة كده احسن)
المهم
مسكت الزراعى تكمل الى بنها تطلع كوبرى بنها هتلاقى يافطة بتقول مدخل الزقازيق تروح داخل يمين فى يمين وتكمل لحد الزقازيق ثم ستسأل على مدخل بلبيس من هناك لانى مدخلتوش من الزقازيق فمش عارفة
فى طريقة تانية
انك بعد م توصل الصحراوى تكمل فيه كأنك رايح على القاهرة وتمشى لحد مدينة السادات واول متشوف السجن على شمالك تدخل اول يو تيرن ثم يمينا مع سور السجن طوالى لايمين ولاشمال هتلاقى حتة هيصة كده اسمها كفر داود تكمل وتركب الكوبرى هيلف شمال ثم يمين وتكمل على طول لحد م تلاقى كمين تكسر شمال انت الان داخل على شبين الكوم هتمشى حوالى 20 كيلو تصل شبين الكوم ثم 13 كيلو الى الطريق الزراعى ستجد نفسك عن قويسنا
بس بصراحة الاول افضل لانه فيه حوالى 55 كيلو مقرفين من السادات حتى شبين الكوم
وتيجى بالسلامة ان شاء الله

رد: عايز تروح اى محافظة او مكا ن داخل مصر
 

جزاك الله خيرًا ياخالد باشا

إن شاء الله آخد الزراعى

أنا بقالى كتير مامشيتش عليه بس سمعت انه بقى كويس حتى اسمع ان فى ناس بتفضله عن الصحراوى