|
كل اللى معاه فيات 128 .. تحذير .. تحذير
إمبارح كنت عند جماعة قرايبنا والمهم جيت انزل عشان اروح اجيب العربية لانى كنت راكنها بعيد شوية عن بيتهم لان مافيش مكان فاضي اركن فيه وكانت الساعة 8 بالليل ... بحاول ادور العربية ( فيات 128) مش عايزة تلقط كهرباء فرحت فاتح الكبوت لاقيت البطارية مسروقة ودخلت تانى جوه العربية لاقيت ان كان فى حد دخلها .... والحمد لله انه ماسرقهاش كلها المهم انا اول حاجة فكرت فيها هى انى اقول لأكبر عدد ممكن من مالكى السيارات وخصوصا القديم منها ان انا عرفت امبارح من الراجل بتاع البطاريات ان سرقة البطاريات دلوقتى هيا اللى منتشرة جدا وكمان قالى على الحل وهو انى اجيب سلكة قوية واربطها فى الكبوت من جوه وأعمل خرم فوق الدوسات تدخل منه واربطها فى اى حاجة بحيث ان لو حد جيه يفتح الكبوت ما يعرفش عشان القفل والسلكة كمان ، وكمان كل اللى معاه فيات 128 تأكدوا 100 % ان كوالين الابواب مظبوطه لان عربيتي للأسف واكتشفت متأخر ان اى مفتاح بيفتح كل الابواب:crying: وحسبى الله ونعم الوكيل فى اللى بيأذى الناس |
رد: تحذير..تحذير..تحذير
احنا خلاص كدة بقينا شعب حرامى بنسرق اى حاجة :bb127bc6eab060e3e23
|
رد: تحذير..تحذير..تحذير
لأ يا ميمو ما تقولش كدا واللهى احنا شعب كويس الحمد لله وقابل للنظام بس هو محتاج حد ينظمه صح ، وحكاية السرقة والبلطجة والكلام دا فدا نتيجه طبيعية لقيام اى ثورة فى العالم وغياب أجهزة الأمن ، وادينا بنحاول نوعي بعض عشان ربنا يكرمنا ونقدر نتجاوز الكبوة والمحنة دي وربنا يفرجها علينا من عنده يارب .. اللهم انى اعوذ بك ان تحل بي غضبك او تنزل علي سخطك ولك العُتب حتي ترضي .. :sd: |
رد: تحذير..تحذير..تحذير
يارب كل واحد سارق تتقطع ايديه علشان الحرامى يندم
|
رد: تحذير..تحذير..تحذير
او ربنا يهديهم يا فندم ويستخدموا ذكائهم دا فى حاجة حلال - واللهى الواحد بيحس ساعات ان الناس الحراميه دول ممكن يكسبوا كتير قوى لو شغلوا دماغهم فى الحلال بس العملية كلها عملية توجيه التفكير - فربنا يهديهم يارب - :shyy: |
| الساعة الآن 12:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017