رد: ايه المشكله لماتكون السياره رشه دواخل
 

ياعم سيبك من اصحابك نحن هنا بلد ال 80 مليون مفتى
وانا كنت هشترى بيجو 505 من 11 سنة ب20 الف عروسة مفيهاش الهوا وكمان مش هدفع قرش هياخد بيها بضاعة انا كسبان فيها
واستغربت وسالت ناس كتير
وكانت الردود كالأتى
واحد مصمص شايفه وعمل انه فاهم كل حاجة فى العالم وقال بقرف / دى موتورها على كبالن
ولما سالته يعنى ايه
طلع مش فاهم و فقال / على كبالن على كبالن (قالها مرتين )انت مبتفهمش ؟؟؟ وواضح ان هو اللى مكانش فاهم
التانى قال بنفس منطق القرف
دى موتورها على كبالن
يعنى ايه
على علب وكل متعمل شغل فى الموتور لازم تفك العلب دى
وفوجئت ان كل الحديث بعد كده على كبالن واشتريت النيسان وواحد قال لى ان عنده الكوبلن بتاع عربيته ضرب وكانت عربية حديثة منه واستغربت جدا وهو اللى قال لى معلومة ان كل الجديد على كبالن
ثانيا /المصريين فيهم عادة غريبة جدا
بيشترى عربية النهاردة وقاعد بيفكر فى موضوع اعادة بيعها هو انت لحقت تركبها علشان تفكر تبيع هو انت عارف بكرة هيحصل ايه ؟؟؟ ايه المخ ده
فاللى بيكلموك دول بيكلموك فى اعادة البيع وكده سعرها نزل لانها رشت بره والكلام الاهبل اللى انا مش بعترف بيه حتى ولو هو واقع
ايه يعنى رشت بره ده ينقص تمنها ليه اسأ ل اى حد السؤال ده هتسمع ردود عجيبة و99% منها عبيط
واذا بعت العربية فيها خدوش يقوللك ايه ده ياعم دى بايظة ولسه هتترش ده انت مبهدلها
اى كلام فى الهجايص
سيبك منهم وطالما العربية عاجباك خلاص استمتع بيها ووقت البيـع يفرجها ربنا ياراجل دى ال128 بتتباع لحد النهاردة اللى مصنعها فى ايطاليا بطل انتاجها من سنة 1972 وانت زعلان على كورولا ؟؟؟ عجيبة والله

رد: ايه المشكله لماتكون السياره رشه دواخل
 

ههههههههههههه
بجد والله كلامك مضبوط ميه في الميه
بس انت عارف محدش بيحب الخير لحد وبصراحه انا كنت طاير بيها وفرحان لحد ماسمعت كلام الناس
اهم شئ ان الواحد يكون سعيد باللي معاه
وشكرا بجد علي ردك ريحتني

رد: ايه المشكله لماتكون السياره رشه دواخل
 

فى مثل من اختراعى
هتدى ودنك لكل واحد هتكره نفسك ياعبد الواحد
هههههههههه

رد: ايه المشكله لماتكون السياره رشه دواخل
 

فعلا الكلام ده عن السيارات اللى رشه دواخل مظبوط
وسعرها بيبقى على قدها يعنى

رد: ايه المشكله لماتكون السياره رشه دواخل
 

فعلا مظبوط بسبب الفكر الموجود والبى بى سى البريطانية قالت ان مشكلة الشعب المصرى مشكلة فكر
لكن لو عربية معمولة فى التوكيل اتحداك اصلا تعرفها وهتتباع زى الجديدة بس كلنا بنسترخص ونطلع على الصنايعية ومش هيكونو زى التوكيل ابدا بسبب الاجهزة الموجودة والتوكيل عايز يطلع لك بنود اكتر علشان تدفع اكتر لكن الصنايعى بيبقى عامل نفسه عايل همك وبلاش دى وكفاية دى ونعمل بدى بدل دى وهتطلع عروسة وتطلع فعلا عروسة وتعجبك وتقول الله عليه الولد ده لكن المواد الخام مختلفة وطريقة الشغل مختلفة وبالتالى تفرق فى السعر
وانا شخصيا عربيتى كان فيها جروح وخدوش بالمسامير فى الباب (حوالينا اكترمن 11مدرسة والعيال بتخرج تبوظ العربيات )لما روحت للصنايعى قال الاكسدام الواحد60 جنيه لما روحت للتوكيل قال 300 جنيه القطعة وعربيتك 16 قطعة شوف هترش كام قطعة واستغربت لان الفرق بعيد
واتضح انه فى نوعية البويات لانى لما عملت الاكسدام عند الصنايعى شوية والمعجونة شققت ووقعت من اقل خبطة بينما الاصلى كانت تتخبط ولايحصل حاجة يادوب خدش بسيط ميبانش ولما رجعت للصنايعى رد وقال / هو حد بيستعمل العربية زيك عمرها مهتستحمل طبعا (اى كلام )
وافتكرت المثل اليهودى اللى بيقول
انا مش غنى جدا علشان اشترى حاجة رخيصة
لانها مس بتقعد ولاتتحمل