اجيب الداستر ولا لأ
 

مش عارف ليه يا جماعة الكلام عن الداستر عايم كده لا يفهمك ان العربية جامدة وكويسة ولا هى اى كلام وخلاص انا بقالى فترة عايز اجيب العربية دى بس كل شوية ادخل على المنتدى اقرا كلام اخرج بعدها اقول هاروح احجزها وفى كلام تانى بعد ما اقراه يخليى اقول لا شوف عربية تانية احسن والله يا جماعة انا ما عارف اعمل ايه عايز اجيب العربية دى ومش عارف اخد القرار الصراحة يعنى اكتر حاجة شايل همها ان انا لما اجى ابيع العربية وده مش قبل 4 سنين مثلا هخسر فيها جامد لسببين ان الداستر مش منتشرة وبياعة والثانى ان اعاده بيع الرينو مش حلو فى مصر عامه اللى معايا 125000 ومش عارف اجيب ايه :fun_36_1_4[1]:

رد: اجيب الداستر ولا لأ
 

الشكل حلو ايوة ولكن حكاية الكلكس إلى فى الدراع وزراير الزجاج اللى منطورة فى كل حته دى والعافشة الناشفة شوية بيخلى العربية مش فى إجماع عليها، وهى اصلا مش دفع رباعى والدفع الرباعى اغلى ب 10 الالف جنية. انا بالنسبة لى تيريوس ب 125 الف افضل. على الاقل يابانى. أو نيسان ليفينا أم 127 بنفس ثمن الداستر ولكنها شركة يابانى.... ولو زودت شوية وجبت قشقاى يبقى افضل وافضل...

انت شايف الناس مختلفة على حسب تطلع كل واحد يعنى لما تكون راكب عربية نص نص وتيجى تركب الداستر تحس انها سفينة فضاء ولكن اللى كان راكب عربية عالية فى السعر والموديل ويجى يركب الداستر هيشوف فيها عيوب العافشة والتنظيم للتبلوة. وخلى بالك ان الداستر مش منتشرة جدا فى السوق لان فى ناس مش بتحب العربيات من فئة SUV

رد: اجيب الداستر ولا لأ
 

الف شكر لردك يعنى انا دلوقتى معايا افيو ونفسى اجيب عربية عالية كده زى ما حضرتك قلت SUV بالنسبه للسعر مفيش زى الداستر بس مش كل حاجة السعر يعنى يفرحتى وفرت وجبت عربية اى كلام بالنسبة للفلوس مش هينفع ازود عن كده وبالنسبة تيريوس الصراحة مش بتعجبنى بالنسبة لليفينا الداستر شكلها احلى بكتير
شكرا ليك مره اخرى

رد: اجيب الداستر ولا لأ
 

سؤال بسيط هو حضرتك هيفرق معاك الدفع الرباعي ؟ لو هيفرق مع حضرتك يبقي متفكرش غير في الداستر الكاملة , و علي فكرة عفشة الداستر غلطان اللي يقول لحضرتك انها مش ناعمة امال الاسكودا تبقي ايه؟, و علي فكرة واللة في رايي احسن عفشة في مصر في الفئة بتاعتها معاك لغاية 200 الف جنية .
ومحدش يقارن ثبات و قوة الداستر بالتريوس لان الفرق شاسع , يمكن يكون التريوس احسن فعلا في الكماليات و اسعار قطع الغيار .

رد: اجيب الداستر ولا لأ
 

انا مش عايز 4*4 اصلا مش هتفرق معايا انا عايز 4*2 وسعرها وشكلها مناسب ليا انا اكتر حاجة عجبانى ان العربية مرتفعة وانت عارف الشوارع والطرق فى مصر بقت عامله ازاى فاجيب ال 4*2 ولا لأ مع العلم مش هينفع ازود واجيب ال 4*4
وشكرا