مصر موتورز مجتمع السيارات - لو نويت تنزل سوق السيارات لازم تدخل هنا

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

- - لو نويت تنزل سوق السيارات لازم تدخل هنا (https://www.masrmotors.com/vb/showthread.php?t=21897)

رد: لو نويت تنزل سوق السيارات لازم تدخل هنا

طب يا جماعه انا عايز اشترى عربيه و دايخ بقالي 3 شهور ومعايا 30 الف و عايز عربيه كويسه اعمل ايه؟

قدامي الفا روميو على 35 الف و الناس كلها مخوفانى منها مع انى بحترم هذه الماركه جدا

رد: لو نويت تنزل سوق السيارات لازم تدخل هنا

اقتباس:

المشاركة الأصلية كتبت بواسطة ESL NSR (المشاركة 148933)

كلام سليم جداً عن تجربة شخصية ...
أنا بايع عربيتين بتاعتي القديمة وبتاعة خالي على النت عن طريق إعلانات مصراوي وكونتاكت كار ، أي نعم جه بردو التجار ومنهم الي عمل نفسه زبون والي يطلعلي القطط الفاطسة في العربية والي يقولي السوق ومش السوق وأنا ماعيش غير كده وكل الأفلام الي شفتوها في المشاركتين الي كاتبهم كروسير وحسام ، بس بردو في نسبة كويسة من الزباين العاديين الي زينا زيهم وقاعد في بيتي براحتي بدون تعب أعصاب وبدماغي والي عايزني وعاجباه العربية بيكلمني ويجيلي والسعر الي حاطه في الآخر ببيع بيه أو أقل حاجة بسيطة "ببأة عامل طبعاً حساب الفِصال الي في دم شعبنا" ...

يعني نصيحة تانية بردو للي عايز يبيع عن طريق النت ، لاااااازم يزود شوية عن التمن الي هو كاتبه مش عشان إنت وحش لا سمح الله ولا بتخم الناس بس لازم تعمل حسابك إن الي هيكلمك هيفاصل من غير نقاش لدرجة إن واحد كلمني بيفاصلني في أول مرة وقلتله التمن الي أنا حاطه ده مش للنقاش وكنت كاتب فعلا تمن العربية بدون عمل حساب للفصال وبحق ربنا ويمكن كانت تستاهل أكتر من كده كمان بس عشان أرضي ضميري لقيت الراجل ده بيقولي يا أستاذ هو في حاجة من غير فصال ده البتييييييخة فيها فصال "وده مثال للي حافظ مش فاهم" وكتييييييييير زيه ...

المهم خلاصة الكلام ، فعلاً البيع عن طريق النت تكنولوجيا العصر أحسن وأريح طريقة حتى لو كان فيها بردو شوية تعب وأرف تجار من إياهم من بتوع السوق ...

أشكرك علي كلامك اللطيف و الحمد لله ان ربنا الهم Carsir بتحرير ذلك الموضوع حتي يتثني للجميع الافادة و الاستفادة و تجنب تلك السخافات و انا مع رايك 100% تحيا الانترنت ptmnlo123per154و طز في سوق السيارات و المعارض و ما شابه:HAPPY_~211: ،،،

رد: لو نويت تنزل سوق السيارات لازم تدخل هنا

اقتباس:

المشاركة الأصلية كتبت بواسطة ahmed.dbs (المشاركة 149025)

أنا بصراحة أحترم الالفا روميو جدا جداو معجب جدا بـالـ 156 تحديدا بس للاسف ماركبتش الفا روميو قبل كده خالص و حتي ما ليش معارف اشتروها ،، بس من السمع انا اعرف ان قطع غيارها غالية و في بعض الموديلات مش بيبقي موجودة ،،،

و اعتقد انه لو ببساطة تقدر تروح لمحلات قطع الغيار و تستشف الاسعار ما بين الميكانيكا و العفشة و البودي (فوانيس و شبكة و مرايات ،،،، ) تبقي قطعت باب الحيرة و بتتكلم علي ارض صلبة ، و كمان مافيش مانع تروح الحرفيين او عزبة شلبي للاستفسار عن وجود قطع غيار استيراد لها من عدمه و برضه تعرف اسعارها ،،، يبقي بكده انت لميت فكرة عامة عن العربية ،،،

أما عن مبلغ 30 الف فهو مبلغ جيد و الاختيارات كثير ، ممكن اكسنت 1300 و ممكن متسوبيشي 90 - 91 عيون صفية و ممكن جولف 2 87 و ممكن اكسيل 1500 94 95 و ممكن هوندا سيفيك 86 - 88 و ممكن تمبرا "ده لو انت ميال للذوق الايطالي و عاوز فيات" و ممكن كيا برايد سيدان 98 و ممكن حاجات ثانية كثيرة كلها جيدة و الموضوع علي حسب ذوق سيادتك و احتياجك للسيارة و مصاريف ما بعد الشراء.

و تمنياتي بالتوفيق ،،،، :waving:

رد: لو نويت تنزل سوق السيارات لازم تدخل هنا

اقتباس:

المشاركة الأصلية كتبت بواسطة hossamhussein0 (المشاركة 149959)

ربنا يخليك يا استاذ حسام ويا رب الناس كلها تستفيد وتترحم من النصب عليها والمشكلة تلاقي اللي بينصب عليك ده معهوش الابتدائية حتي ويبقي منظرك وحش اوي

رد: لو نويت تنزل سوق السيارات لازم تدخل هنا

يا جماعة بعد أذنكم بمناسبة الموضوع الجميل ده لو حد عنده عربية فيات 131 أو يعرف مكان عربية بس أهم شئ تكون حالتها تمام يفيدنى أو يكلمنى على الرقم ده 0100256803 أو على الأميل paolobmw318@yahoo.com وجزاكم الله كل خير وأشكر الأستاذ / حسام كثيراً وجزاه الله كل خير والسلام عليكم ورحمة الله وبركاته .