ازاي اعرف ان العربية عايزة تربيط عفشة ؟
السلام عليكم و رحمة الله
حالياً بعمل تربيط لعفشة عربيتي كل 10 الاف كم بس عشان اكون مطمن عايز اعرف اية الإعراض او الأصوات اللي بتحصل لما العفشة تكون محتاجة تربيط ؟؟ شكراً |
رد: ازاي اعرف ان العربية عايزة تربيط عفشة ؟
طبعا انا معلوماتي علي قدي الي ابعد حد
بس الي حصل معايا انه في فتره كده ظهرت اصوات من كل حته عند الفرمله وقدام كل ماخد مطب وعند السوست ورا وكانت مزيكا والدركسيون بيتنفض راحوا قالولي روح ربط العفشه وغير الجلب قدام ورصص روحت عند بتاع العفشه نام تحت العربيه وكان معايا عمي وكتب شويه حاجات في ورقه روحت جبتهم ,ربط ورصصت وبقيت زي الفل بجيب 110 وزي العسل بس كده اه نسيت اقولك كان ليها تقريبا ست شهور مراحتش عند بتاع العفشه دا خالص وطبعا الوحوش هنا هيقوللك كل حاجه انا حبيت اساعد بس وربنا يسترها عليكGIFT4U |
رد: ازاي اعرف ان العربية عايزة تربيط عفشة ؟
لا تربيط العفشة بيتعمل بصفة دورية وقائية وليس لة اعراض
|
رد: ازاي اعرف ان العربية عايزة تربيط عفشة ؟
هو تربيط العفشه بيتعمل فعلا بصفه دوريه وقائيه .. بحيث منستناش لحد ما العربيه تشخلل و المسامير تسيب والابواب تزيق والذي منه
في ناس بتربط كل 5 الاف ... لكن انا بربط كل 10 مع الصيانه وبرضو طبيعه السواقه و الشوارع بتفرق .... والمطبات و النقر و البلاعات ... |
رد: ازاي اعرف ان العربية عايزة تربيط عفشة ؟
متشكر للجميع على الردود
انا فعلاً بعمل التربيط بصورة دورية كل 10 الاف كم زي ما قلت بس كنت بسأل على الأعراض عشان لو فيه حاجة غلط اعرف و اكون في السليم |
الساعة الآن 05:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017