|
تجربتى فى تسجيل ونقل ملكية عربيتى اسبرانزا 516
اولا احب ارحب بالاخوة الاعضاء وانقل تجربتى فى التسجيل ونقل الملكية عشان
الاستفادة اولا انا عربيتى اسبرانزا 516 موديل 2008 دفعت فى التسجيل فى الشهر العقارى 1055 جنية للعلم انا من الأسكندرية واشتريت العربية من القاهرة واول خطوة عملتها رحت المرور التابع لية وجبت نموذج فحص ب 15 جنية ورفعت بصمة للماتور والشاسية وبعدين رحت للمهندس وبلغتة انى بنقل ملكية وعايز انقل العربية للاسكندرية فكتب مخاطبا المرور التابع له العربية بكتابة البيانات بتاعة العربية من ناحية السعة اللترية والموديل والصناعة وسافرت القاهرة لعمل مطابقة البصمة والملف وتم المطابقة والمهندس كتب البيانات المطلوبة وختمت بختم النسر عشان انا بنقل من محافظه لمحافظه اخرى وبعدين رحت المرور التابع لية قدمت الملف تم الفحص وسلمت النمر القديمة واستلمت نمر جديدة واستخراج تصريح لمدة 3 شهورلحين ورود الملف من القاهرة |
رد: تجربتى فى تسجيل ونقل ملكية عربيتى اسبرانزا 516
الف شكر على نقل التجربة ومبروك النمر الجديدة والعربيه ربنا يهبك خيرها ويكفيك شرها
كنت بسأل بس الكلام ده كله خد منك وقت قد ايه كام يوم كدة ؟ |
رد: تجربتى فى تسجيل ونقل ملكية عربيتى اسبرانزا 516
والله يوم للتسجيل ويوم لرفع البصمة ويوم بالقاهرة لمطابقة الملف وشهادة المخلفات ويوم للفحص
وطلوع التصريح والنمر الجديدة يعنى 4ايام |
رد: تجربتى فى تسجيل ونقل ملكية عربيتى اسبرانزا 516
مبروك عليك العربيه ربنا يديك خيرها ويكفيك شرها أنا كان لى تجربة مماثله فى نقل سيارة من القاهرة الى الإسكندريه ومع الأسف ملف العربيه ماجاش من القاهرة إلا بعد سنه وكل مرة أروح مرور اسكندريه يجددوا لى التصريح 3 شهور لغاية ماسافرت أنا للقاهرة ومعى خطاب رسمى من مرور اسكندريه لمرور القاهرة يخاطبهم بسرعة إرسال الملف ولم أتركهم حتى أحضروا الملف أمامى وقاموا بارساله للمرور المركزى بالدراسه اللى بدوره أرسله لمرور اسكندريه بعد معاناه لمدة سنه كامله فإعمل حسابك على كده |
رد: تجربتى فى تسجيل ونقل ملكية عربيتى اسبرانزا 516
الله المستعان تم ارسال خطاب استعجال فى نفس التوقيت لمرور العجوزة لأرسال الملف
وربنا يهديهم ويرسلوة وشكرا لمرور حضرتك |
| الساعة الآن 09:13 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017