|
الماتور خفيف ارجو النصيحه
السلام عليكم ورحمه الله بسم الله الرحمن الرحيم من فتره كنت عند ميكانيكى قالى ان الماتور خفيف شويه بس شغال كويس بعديها بفتره لاحظت رائحه زيت محروق بدون اى دخان ولاكن عندما اقرص على العربيه فايظ الزيت بيرشح او غطاء الزيت يرشح اما المشى بيها على الهادى حتى 100 فى السرعه لا يوجد اى مشاكل ولاكن بيقل الزيت مثلا كل شهر اضيف نص كيلو زيت غسلت العربيه واتفاجئت بدخان ابيض كثيف والسياره بتلت رحت عند ميكانيكى قالى ده من الجاز الى اتغسل بيه الماتور فك البوجيها ونشفها واخر بوجيه فكه ودور العربيه مكان البوجيه كان بيطلع هباب وبعد مانظفه العربيه قطعت الدخنه نهائيا قالى البوجيه ده بيعرق وقالى العربيه عايزه شمبر قلتله تكلفته كام قالى لازم احل واشوف لو الشميز سليم يتركبله الشمبر او يكون فى مشكله رحت عند ميكانيكى تانى وشاف العربيه قام ظابط الاسبراتير ووطى الماتور من مسمار الكربراتير وقالى جرب العربيه قلتله العربيه مش عايزه شمبر او اى حاجه قالى لا الماتور عالى وهو ده الى عملك المشاكل ... فهل من الممكن يكون هو ده السبب ام ده مسكن مش علاج للمشكله |
رد: الماتور خفيف ارجو النصيحه
اكيد الماتور فى حاجة
لان تزويد نص كيلو كل شهر دا مش طبيعى بالاخص لو مفيش تسريب ظاهرى واضح على جسم الماتور او بقع زيت تحت العربية بعد الركن مدة فيفضل تفك و تكشف على جلد الصبابات و على الشنابر و الشمايز و بالمرة يارجع على كله اقصد الكرنك و البيلات و كله |
رد: الماتور خفيف ارجو النصيحه
اقتباس:
ولما رحت للميكانيكى قالى ان كهربه العربيه عاليه فهى الى عامله كده وظبطلى الكهربه فسؤالى هل من الممكن ان تكون الكهربه العاليه هى السبب ولا كده العربيه عايزه شنبر ولا كده فى مشكله تانيه . |
رد: الماتور خفيف ارجو النصيحه
كل الكلام إللي حضرتك قولته مضبوط 100 % أمر طبيعي إن لما الميكانيكي يقول للزبون علي إن في مشكلة كبيرة في العربية و محتاجه الموتور يتحل و يتفك الزبون طبعا بيقلق جدا و يفتكر ان الميكانيكي عايز يفتحله موال و حواااااااااار عشان كدة الميكانيكي يقوم ضابطلك الكهرباء و يقولك إطلع جرب و تعالالي أو يضبطلك حاجة تانية و يقولك إطلع جرب و تعالي من الأخر ليست حلول مسكنة زي ما إنت متخيل إنما الموضوع ما هو إلا تحليل لقمة العيش (عشان مايبقاش خد فلوس عالفاضي) المهم بص يا باشا هنتفق مع بعض علي حاجة حلوة 1- موتورك خفيف و محتاج طقم شنبر ..... دة أمر واقع ... و حاجة مافهاش كلام 2 - الزيت بينقص مع القرص أو بيتحرق مع السرعات العالية مثلا ... يبقي خف شوية من السرعة و من الحرق علي الموتور 3- حل مؤقت للمشكلة و ليس حل دائم و هو .... إستخدام زيت معين (بيسموه زيت شنبر) الزيت دة ثقيل الكثافة و ذات لزوجة عالية جدا و يعمل علي تقليل الأحتكاك و تقليل رغوة زيت الموتور و تقليل خروج الدخان الأبيض الزيت دة إسمه (Abro Oil Treatment) ثمن العبوة 15 جنيه 443 مل صورة ليه أهو http://eksolm.com/en/wp-content/uplo...500-EksolM.png هذا الزيت أو هذه العبوة تضاف مع زيت الموتور الجديد عند تغييره (مع كل غيار زيت جديد) طبعا لو عربيتك بتاخد 3 لتر زيت مثلا يبقي تنقص مقدار العبوة عشان مايبقاش زيت زيادة و يزيد من حجم المشكلة جرب الزيت دة و إن شاء الله هتلاقي فرق حلو و هتمشي بالعربية فترة اطول و هتستفيد أكتر من الموتور لفترة أطول إن شاء الله تجنب القرص علي الغيارات و تجنب السرعات العالية .. و خلي رجليك خفيفة علي دواسة البنزين دائما |
رد: الماتور خفيف ارجو النصيحه
اقتباس:
|
| الساعة الآن 12:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017