![]() |
زحف السياره مع الفرمل ( المشكله والحل ) بالصور
زحف السياره مع الفرمله القويه والمفاجئه
موضوع خطير اوى بيحصل بسببه عدد كبير من الحوادث لذلك حبيت اعمل موضوع عنه نناقش فيه ( تعريفه , اسبابه , طريقة تلافيه ) بسم الله نبدأ موضوعنا عايزين نعرف يعنى ايه عربيه بتزحف مع الفرمله معناها ان منظومة الفرامل تؤدى وظيفتها وهى ايقاف العجل ولاكن الكاوتش يتزحلق على الأرض بفعل القصور الزاتى للسياره ( مما يؤدى الى طول مسافة التوقف ) بالتالى لا يتحقق المراد من منظومة الفرامل وهو التوقف فى الوقت المناسب http://i757.photobucket.com/albums/x...r-Accident.png طبعاٌ وجود جهاز ABS فى السياره يحل المشكله ودى صورته http://i757.photobucket.com/albums/x...62imgcache.jpg ودى صوره بتبين فائدته مع وجود جهاز توزيع قوة الفرمله EBD http://i757.photobucket.com/albums/x...008652_Web.jpg ودى صوره لعربيتين ب ABS وبدون ABS http://i757.photobucket.com/albums/x...tem-safety.jpg ولاكن 90% من العربيات من غير ABS طيب عرفنا المشكله بس يا ترى ايه اسبابها ؟ تتلخص مشكلة الزحف فى سببين 1 سوء نوعية الكاوتش 2 خلل فى توزيع القوه الفرمليه للسياره 3 تصميم السياره نفسها يعنى ايه الكلام ده ؟ يعنى لو 1 الكاوتش http://i757.photobucket.com/albums/x...1237997463.png مش مخصوص للنوع ده من الطرقات ( كاوتش صيفى ويفرمل على طريق مبلل ) او ( الكاوتش بمعامل تماسك ضعيف ) او ( بمعامل سرعه ووزن غير مناسبين للسياره ) او ( كاوتش بتاريخ انتاج قديم فأصبح غير صالح ) او ( كاوتش من مصدر مجهول نسبة المطاط الطبيعى فيه قليله ) كل ده هيخلى تماسك الأطار مع الطريق ضعيف مما يؤدى الى الزحف مع الفرمله القويه وايضاٌ التزحلق الجانبى مع الملفات على السرعه 2 خلل فى توزيع القوه الفرمليه برده يعنى ايه ؟ لو نلاحظ سوف نجد ان السيارات الألمانى عند الفرمله لا يحدث خلل بتوازنها ( وشها مبيتكفاش على الأرض ) عند الفرمله المفاجئه ايه السبب ؟ اغلب العربيات الألمانى سوف نجد فراملها من الخلف ديسكات ( سكاكين ) مثل الفرامل الأمامى ايه فايدة الديسكات ؟ http://i757.photobucket.com/albums/x.../1B18018A2.jpg فايدتها انها افضل فى الفرمله والأهم من ذلك انها تعاير نفسها بنفسها اى انها دوماٌ تعوض نسبة الفاقد فى الفرمله الناتج عن تأكل التيل فنجد دايماٌ ان مستوى الفرمله ثابت لا يتغير بمرور الوقت بعكس الفرامل الطبل او ( الطنابير المقفوله ) http://i757.photobucket.com/albums/x...ayem/2690E.png فى النوع ده من الفرامل ( وده موجود فى اغلب السيارات الرخيصه ) لا تعاير الفرمله نفسها لتعادل تأكل التيل بل يجب ان تعادل انت نسبة التأكل يدوياٌ دى صوره بتبين نوعين الفرامل الخلف ( اليمين ديسكات والشمال طبل ) http://i757.photobucket.com/albums/x...1007231801.jpg برده فين المشكله ؟ المشكله لما بيحصل تأكل للتيل الخلفى ( فى السيارات اللى بفرامل طبل من ورا ) الفرامل من ورا بتحتاج كمية زيت اكبر من اللى قدام علشان تحقق فرمله متناسقه ( ورا مع قدام ) فاللى بيحصل انك تدوس فرامل مفاجئه الفرامل على العجل الأمامى تمسك اللى ورا ممسكوش العجل ( محتاجين ضغط زيت اكبر ) العجل الأمامى توقف عن الدوران ولاكن الخلفى ما زال يدور ويدفع السياره للأمام وهو ده الزحف اللى بنشوفه 3 تصميم السياره طبعاٌ كلنا متفقين على شوية اساسيات 1 السياره الواطيه افضل من السيارات المرتفعه فى الأتزان والثبات وايضاٌ الفرمله ( لأنخفاض مركز الثقل ) 2 السياره التى بها نسبة توزيع وزن 50% فى الأمام الى 50% فى الخلف هتكون افضل فى الثبات والأتزان والفرامل ( لتساوى نسبة توزيع الوزن ) 3 السيارات صاحبة الشاسيه الأعرض والأقصر تكون افضل فى الأتزان والثبات والفرمله ( لآفضلية توزيع الوزن ) 4 السياره اللى بفرامل سكاكين ورا افضل من اللى بفرامل طبل ورا 5 اكيد طبعاٌ تصميم العفشه نفسه ( متصله او منفصله , رياضيه او عاديه ) بيفرق كتير فى قوة الفرمله ومسافة التوقف دى صورة عفشه متصله http://i757.photobucket.com/albums/x.../679713950.jpg ودى صورة عفشه منفصله http://i757.photobucket.com/albums/x...yem/mj1d0x.jpg طيب جميل اوى احنا كده عرفنا 1 المشكله 2 اسبابها يبقى باقى ايه ؟ 3 الحل الحل هنا فى جزئين مكملين لبعض 1 هنغير الكاوتش بنوع افضل و تماسك اعلى http://i757.photobucket.com/albums/x...psbfa8bc60.jpg ويا سلام لو كان اعرض نبقى كده عملنا الصح وان شاء الله الموضوع ده هيفيدكم فى اختيار الكاوتش الجديد http://masrmotors.com/vb/showthread.php?t=100557 2 هنرجلش فرملة اليد بحيث انها توقف العربيه تماماٌ من ثلاثة الى خمس تكات كده هنبقى عوضنا فرق التأكل فى التيل الخلفى و ايضاٌ رفعنا مستوى بدالة الفرامل عند الفرمله وان شاء الله لو نفذنا الحلين دول هنقضى على المشكله دى تماماٌ فى حل 3 ولاكن لايصلح لكل الناس وهو تعديل مكونات العفشه بتركيب ( عفشه رياضيه , تركيب سكاكين ورا ) وده انا بعمله فى الانوس والنوبيرا وبيدى نتايج مبهره صورة فرامل سكينه امامى http://i757.photobucket.com/albums/x...04231157-1.jpg صورة فرامل سكينه خلفى http://i757.photobucket.com/albums/x...04231160-1.jpg اتمنى ان اكون افدتكم بهذا الموضوع لاتنسونى من دعائكم ولو اعجبكم الموضوع اطلبوا له التثبيت من الأداره وعند وجود اى استفسارات يرجى التواصل على عصام غنايم | Facebook اخوكم عصام غنايم |
رد: زحف السياره مع الفرمل ( المشكله والحل ) بالصور
موضوع رااااااااااااائع بجد يا استاذ عصام
تسسسسسسسسسلم ايدك والموضوع فعلا يستحق التثبيت :0369B3~177::0369B3~177:: 0369B3~177::0369B3~177: بس ليا سؤال مس المفروض الabs ده بيخلي العربية متتزحلقش في الميه او الرمل صح بيوازن قوة الفرامل علي الاربع عجلات بيكارك للفرامل زي نبضات كده وال abd ده بتاع الفرامل المفاجأة صح كده ولا انا فاهم غلط |
رد: زحف السياره مع الفرمل ( المشكله والحل ) بالصور
موضوع رائع وقيم ودسم كعادة موضوعاتك يا باشمهندس عصام تسلم ايدك بجد وانا ههضم الموضوع ولو عندى اسئله هكتبلك
|
رد: زحف السياره مع الفرمل ( المشكله والحل ) بالصور
تسلم ايدك وفعلا موضوع مميز جداااااااااااا
|
رد: زحف السياره مع الفرمل ( المشكله والحل ) بالصور
شكر وتقديرشكر وتقدير
موضوع رائع جدا كعادتك و تسلم ايدك على المعلومات :THUMB_~112::THUMB_~112: ارجو تثبيت الموضوع علشان الكل يستفيد من المعلومات |
الساعة الآن 01:30 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017