مصر موتورز مجتمع السيارات - استفسار م / يونس حسين و خبراء اللانسر

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - استفسار م / يونس حسين و خبراء اللانسر (https://www.masrmotors.com/vb/showthread.php?t=10798)

استفسار م / يونس حسين و خبراء اللانسر

السلام عليكم ,,
اخواني الاعضاء انا بصدد شراء لانسر بومه 2009 زيرو 1600 ,,
مش عارف ايه رايكم مبدأيا في الاختيار انا عاوز عربيه في حدود 110 - 120 الف جنيه سيدان و عمليه و اوتوماتيك ,,

- بالنسبه للانسر تنصحوني بالوكيل و لا الخليجي ؟؟؟
- سؤالي المهم هو : هل الانسر الكلاسيك نفس عفشه الهاف سبورت و لا لا ؟؟ لاني سمعت ان المساعدين مختلفين او حاجه زي كده ..
- هل الفرق بين الكلاسيك و الهاف سبورت هو الاربع كماليات ( فوج لايت - جنوط - ايرباج تانيه - كاسيت شرائط ) و لا في حاجه تانيه ؟؟؟
- هل الجنوط الاصليه بتتباع لوحدها جديده في الوكيل او في اي مكان مضمون ؟؟ و بكام ؟؟
- هل في طاره و فتيس جلد طبيعي و طاره و فتيس غير كده في الكلاسيك و والهاف و لا كله واحد ؟؟
- بجد عايز حد يجاوبني يكون فاهم لان اصحاب المعارض بيفتوا جامد و مش عارفين !!!
- نفس حد يطمني على الوكيل بتاعها كويس و لا لا لاني مش عارف له لا مكان و لاسامع عليه اي حاجه يعني كله بيصلح بره و لا ايه ؟؟؟
- اقرب مركز خدمه ليا فين مع العلم اني ساكن في التجمع الخامس ؟؟؟
- اسف للاطاله بس متعشم ان الاقي الجواب الشافي عند المتخصصين و اللي مجربين ..
- يا ريت المهندس يونس حسين يرد عليا بحك خبرته للضروره .

رد: استفسار م / يونس حسين و خبراء اللانسر

اقتباس:

المشاركة الأصلية كتبت بواسطة bele334001 (المشاركة 60934)

السلام عليكم ,,
اخواني الاعضاء انا بصدد شراء لانسر بومه 2009 زيرو 1600 ,,
مش عارف ايه رايكم مبدأيا في الاختيار انا عاوز عربيه في حدود 110 - 120 الف جنيه سيدان و عمليه و اوتوماتيك ,,

- بالنسبه للانسر تنصحوني بالوكيل و لا الخليجي ؟؟؟
بكل امانة انصحك بعربية بضمان الوكيل و ده عشان تستفيد من الضمان
- سؤالي المهم هو : هل الانسر الكلاسيك نفس عفشه الهاف سبورت و لا لا ؟؟ لاني سمعت ان المساعدين مختلفين او حاجه زي كده ..
عفشة اللنسر ال1600 وحدة فى كل العربيات ال1600 مفيش فرق بين هاف سبورت او سوبر اكشن
- هل الفرق بين الكلاسيك و الهاف سبورت هو الاربع كماليات ( فوج لايت - جنوط - ايرباج تانيه - كاسيت شرائط ) و لا في حاجه تانيه ؟؟؟
و يزيد عليهم كمان إريال سقف عشان الكلاسيك إريال فى القايم
- هل الجنوط الاصليه بتتباع لوحدها جديده في الوكيل او في اي مكان مضمون ؟؟ و بكام ؟؟
تمام الجنوط الأصلية فى التوكيل بحوالى 550 جنية للجنط
- هل في طاره و فتيس جلد طبيعي و طاره و فتيس غير كده في الكلاسيك و والهاف و لا كله واحد ؟؟
كله واحد الفرش جلد فى السوبر أكشن فقط
- بجد عايز حد يجاوبني يكون فاهم لان اصحاب المعارض بيفتوا جامد و مش عارفين !!!
- نفس حد يطمني على الوكيل بتاعها كويس و لا لا لاني مش عارف له لا مكان و لاسامع عليه اي حاجه يعني كله بيصلح بره و لا ايه ؟؟؟
التوكيل الرئيسى الكيلو 16 طريق مصر أسكندرية الزاعى قليوب
و كمان فى فرع فى جسر السويس - سوق القنال بجوار مدينة قباء
- اقرب مركز خدمه ليا فين مع العلم اني ساكن في التجمع الخامس ؟؟؟
- اسف للاطاله بس متعشم ان الاقي الجواب الشافي عند المتخصصين و اللي مجربين ..
ولا طولت ولا حاجة و انا تحت أمرك
- يا ريت المهندس يونس حسين يرد عليا بحك خبرته للضروره .
شكرا على الثقة و أسف جدا على التاخير فى الرد

و أقول لحضرتك الاسعار بالمرة
لانسر كلاسيك 110الف
لانسر هاف سبورت 118 الف
لانسر سبورت 123 الف
لانسر سوبر أكشن 125 الف

Re: استفسار م / يونس حسين و خبراء اللانسر

الف شكر يا باشمهندس على ذوقك و اهتمامك بالرد المفصل , و ربنا يكرمك يا رب ,,
لكن معلش حضرتك اكدت ان عفشه الهاف هي هي عفشه السبورت ,, معلش هل هي هي عفشه الكلاسيك اكيد ؟؟؟
هل حضرتك مش معايا ان انا لو جبت كلاسيك و ركبتلها جنوط اصليه و كاسيت سي دي محترم يكون اوفر من الهاف سبورت بكتير و لا حضرتك لك راي تاني ,,

لو فيها بواخه معلش عاوز اسعار اللانسر الشارك بعد اذنك ,,
و متشكر تاني على اهتمام سيادتك بالرد السريع ,,

رد: استفسار م / يونس حسين و خبراء اللانسر

انا ليا سوأل يا بشمهندس محيرنى
ايه الفرق بين ال GL و ال GLX فى البومه 1600
انا عربيتى موديل 2007 1600 خليجى سعودى 2 ايرباج تابلوه ابانوس اوتوماتيك- عجل مقاس 15 و هيا GL
و كل العربيات اللى بشوفها حتى لو مانوال و مقاس عجل 14 بتكون GLX
و اسف على الاطاله

رد: استفسار م / يونس حسين و خبراء اللانسر

اقتباس:

المشاركة الأصلية كتبت بواسطة moha_moha (المشاركة 185517)

ال GL بتكون 1300 سى سى

ال GLX بتكون 1600 سى سى فبصراحه مش عارف ازاى عربيتك جى ال و1600 سى سى
انا معايا GLX خليجى موديل 2006 اتوماتيك 1600 سى سى ومواصفاتها جنوط وعتاب وطاره وفتيس جلد وكشافات ضباب