|
سؤال يا أجدع ناس؟
طلب او استفسار ليكم يا أحسن ناس دلوقتي انا قدامي عربية اوكتافيا موديل 2006 ايه 4 ب 98 الف و عاملة 3000 كيلو لان صاحبها كان جايبها و مبيعرفش يسوق فا راكنها في الجراج و فيها جميع الكماليات مانيوال ايه رأيكم في السعر و فيها كعربية و هل الموديل ده فيه عيوب ولا لأ و بالنسبة لقطع الغيار ايه اخبارها و اكون شاكر جداً ليكم مع العلم ان كان معايا عربية فابيا موديل 2001 و كانت جميلة لكن مشكلتها في قطع الغيار ياريت حد منكم يساعدني لاني لحد دلوقتي مش قادر اخد قرار ايه رأي حضراتكوا و هيا ولا تويوتا كرولا موديل 2007 وعاملة أيضا 1500 كيلو متر وبنفس الحالة ونفس اللون الاسود ولكن التويوتا اتوماتيك 1300 . |
رد: سؤال يا أجدع ناس؟
بس ياريت يا جماعة اللي يقول لأ يقول ليه
|
رد: سؤال يا أجدع ناس؟
لو قارنتها بالتويوتا لا هيا طبعا غير كده دي 1600 و التويوتا 1300 و حتي لو كانت التويوتا 1600 برضه الاوكتافيا تكسب (الماني) و ثباتها اعلي من الكورولا و اعتمادية اعلي و بياعه مش تقيلة
و العربية ممتازة لا غبار عليها و قطع الغيار يا باشا مش معضله ولا حاجة هي حاجات الجولف 4 و ان شاء الله موجودة يعني سواء في الحرفيين او عزبة شلبي او التوفيقية عندك ناس كتير بتوع قطع غيار فولكس و سكودا و سيات زي فتح الباب-سامح ابيزا في شارع شامبليون-فولكس هاوس في شارع مراد-و توكيل سكودا طبعا مش هتغلب يعني و في رأيي السعر كويس بالنسبة لانها لسه غالية كزيرو و كمان دي مش ماشيه حاجة تعتبر بس لو قدرت تنزل من السعر شوية يبقي احسنلك طبعا |
رد: سؤال يا أجدع ناس؟
الاوكتافيا افضل جدااااااااااا
عربية صح الصح |
رد: سؤال يا أجدع ناس؟
على الرغم من انى من ملاك التويوتا الااننى افضل الاوكتافيا وهى عربيه امتن واشد وأبقى لكن قطع الغيار التويوتا تمتاز بها وفى البيع الاتنين ماشيين جدا
انا امتلكت اوكتافيا 2000 وحاليا كورولا2008 لكن حبيت الاوكتافيا اكتر لما ركبت 2008 أفضل من الكورولا فى كل شىء عدا الاتوماتيك فى الكورولا متميز جدا |
| الساعة الآن 01:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017