انا لسه شاري لانسر كريستاله
 

السلام عليكم
انا لسا شارى لانسر ر كرستاله
ومعرفش حاجة عن انواع الزيوت او اماكن بيع قطع الغيار
فكنت عايز اى معلومات عنها
ولو حد يعرف محل كويس اشترى منه كاسيت فى حدود الف وسماعات
و برده محل للجنوط وياريت لو حد يحطلى صور لجنوط يليق عليها
وانا من الاسكندريه وارجو المساعدة
وبس !!!ptmnlo123per1127
انا عارف انى تقلت عليكم معلش
......................... ......




ارجو الافادة


انا من الاسكندريه وجديد فى موضوع السيارات منين اجيب قطع غيار اصليه و اين اعمل صيانه لسيارتى
هل الاسقطرة بتاعه البور بتتصلح بالنسبه ل لانسر الكرستاله موديل 2000
وكيفيه صيانه التكييف واين يوجد الفلتر وكيف يمكن تنظيفه
ptmnlo123per1106
......................... .......
تم دمج الموضوعين بواسطتي
مشرف القسم الياباني حازم خضر

انا لسا شارى لانسر كرستاله
 

رد: انا لسه شاري لانسر كريستاله
 

الف مبروك و ربنا يديك خيرها و يحميك من شرها .
انا مش من اسكندريه بس ححاول افيدك
بالنسبه للزيوت:
لو الموتور حالته كويسه اوي
و اللي انت شاري منه العربيه كان بيستعمل موبيل 1(الزيت الموضي به للسياره)
استعمل موبيل 1 انت كمان و سعر الجركن 235 جنيه اخر سعر ليه امبارح
و الفلتر بتجيب فلتر ياباني ب 25 جنيه و بلاش عديم الهويه ابو 13 دا وحش
و بكده تغير الزيت و الفلتر كل 10 الاف كيلو.
لو الموتور معدي ال 150 او 200 الف استعمل زيت موبيل xhp
دا بيقعد من 3 الي 5 الآف كيلو و ممتاز جدا وكنت دايما بستعمله.
بالنسبه للسيور:
ممكن تشتريها من اقرب وكيل او مركز خدمه معتمد ليك اوريجنال و بتبقي غاليه شويه
و بتقعد 65 الف كيلو دا الاوريجنال
عندك في العربيه تلات سيور
سير كاتينه
سير دينامو
سير باور و تكييف مع بعض.
و عندك حل تاني تجيب سيور ماركه دايكو يابانيه و بتقعد 40 الف كيلو
بس للضمان تغيرها عند 30 الف و تريح دماغك
سير الكاتينه ب 65 جنيه
سير الدينامو ب 30 جنيه
و سير التكييف و الباور ب 40 جنيه
اسعار السيور تقريبيه ممكن تزيد او تقل حاجات بسيطه لاني مش فاكر تمنها بالضبط.
و لما تعمل الصيانه دي هات كمان فلتر بنزين و فلتر هواء و تغيرهم كل 20 الف كيلو
و دا علشان تبقي مطمن للعربيه
................
بالنسبه للاسكترا هيا فيها ايه بالضبط
لو بتعمل دردره يبقي شوف عفشجي كويس يغير لها الحشو
اما لو فيها بوش يبقي تغيرها لان كده يبقي اخرها.
بالنسبه لفلتر التكييف فاشتريه من التوكيل و بيبقي بحوالي 270 او 300 حنيه
مش فاكر بس لسه واحد صاحبي مغيره قريب .
لو التكييف ضعيف اغسل السربنتينه الاول بخل او بريل بيجيبوا نتيجه كويسه
لو لسه ضعيف يبقي اكشف علي الفريون ممكن يكون محتاج .
و قبل ما تشتري فريون خلي فني التكييف يكبس هوا و يشوف فيه تسريب ولا لاء.
ولو فيه تسريب يشوف منين و تعالجه قبل ما تشحن فريون.
وابقي طمنا عملت ايه:)

رد: انا لسه شاري لانسر كريستاله
 

السلام عليكم

شكرا على المعلومات الجميلة دى
أنا لى طلب
أنا عندى سيارة إف ثرى صينى عليه موتور ميتسوبيشى لانسر 1600 سى سى وتأكدت من الشركة
الموتور تراز
G418 وكنت عاوز جدول مواعيد الصيانة وعدد الكيلو مترات اللى بتتغير عليها قطع الغيار


وشكر

رد: انا لسه شاري لانسر كريستاله
 

شكراااااااااااااااااااااا اااااااااااا افادكم الله