عتاب بسيط على سبير كار
 

السلام عليكم
احب اوضح بس ان ده مجرد عتاب بسيط لسبير كار وده لانى اتعاملت معاهم وعارف انهم ناس كويسين وتعاملهم محترم جدا , ولكن اخر مرة حصل حاجة زعلتنى جداا وده عشان روحت اركب لعربية مراتى فرش صالون وبالصدفة مراتى عرفت ان ليها تخفيض باعتبار انها صحفية فى جريدة الجمهورية وفيه ديل بين سبير كار والجمهورية .
تانى يوم روحنا جبنا الورقة واشترينا الفرش ومش عارف اليوم ده لاحظت معاملة بصراحة سيئة وكانى جاى بركب الفرش غصب عن المعرض وبصراحة التمست العذر وقلت يمكن فيه حاجة , ولكن اللى خلانى اربط ده بده واكتب الموضوع ان الفرش تركيبه سىء واتفك من تحت بعد حوالى اسبوع ومازال مفكوك وشكله وحش .
انا عربيتى عاملها من الالف للياء من سبير كار من الفرش للغطاء وبقالى اكتر من سنة زى الفل فمش عارف ليه التغيير ده وان كان هنتعامل كده بالتخفيض فليه اصلا عاملين الديل ده مع الجمهورية والناس كده ممكن تزعل.
اسف على الاطالة

رد: عتاب بسيط على سبير كار
 

لازم الشركه المحترمه اللي كلنا بنحترمها ترد و تحل المشكله علشان انا واحد من الناس هقلق و هخاف ابعت حد من اصدقائي احسن يشتكي
طبعا الشركه شغاله علي السمعه ودي بتسوء السمعه

رد: عتاب بسيط على سبير كار
 

انا كنت بفكر اتعامل معاهم بس كلامك خوفنى ؟؟ يا ترى رد الشركة ايه ؟ وليه مفيش رد

رد: عتاب بسيط على سبير كار
 

فعلا اللى يضايق اكتر ان مفيش رد !!!!!!!!!!!!!!!!!!!!!!!!! !!!!!

رد: عتاب بسيط على سبير كار
 

و الله كنت بفكر في فرش جلد لكن الكلام يخوف لأني مش بحب التعامل بوجهين.