عايز أعرف معدل أستهلاك البنزين لشيروكى 93 اربعه سلندر
 

السلام عليكم

جماعه انا عايز لو حد خبره فى الشيروكى 93 او لو أمتلكها قبل كده يقولى معدل استهلاك البنزين الطبيعى قد ايه ؟ لان انا الصراحه مش بفهم فى الحته دى ومش بخرج بالعربيه كتير يعنى مره او اتنين فى الاسبوع وكمان عندى عوامه البنزين مش مظبوطه فبتطر انى بعد نزلتين او تلاته افولها وبكون حاسس ان البنزين خلاص فضى وبعدين بلاقى ان فى حوالى 15 لتر لسه فى التانك
وبرده عايز افهم في ناس بتقول مش عارف الصفيحه بتعمل كذا كيلوا طب هيا الصفيحه دى اللى هيا يعنى لما افول العربيه للاخر ؟ طب والصفيحه دى فى عربيتى بتاخد كام لتر يعنى العربيه لما بتتفول للاخر بتاخد كام لتر ؟
العربيه جيب شيروكى 4 سلندر 2500 سى سى مانيوال

رد: عايز أعرف معدل أستهلاك البنزين لشيروكى 93 اربعه سلندر
 

مفيش فايده ركن الجيب هنا ميت
انا عامل الموضوع وعارف انى مش هلاقى رد
وبرده مكنتش عايز اعمله فى الركن العام عشان مبقاش حطه فى مكان غلط

رد: عايز أعرف معدل أستهلاك البنزين لشيروكى 93 اربعه سلندر
 

بص يا باشا ال اقدر افيدك فيه ان انا اقولك ان الصفيحة تساوى 20 لتر مش التنك كله يعنى .وحضرتك ممكن تحسب استهلاكك انك تخش تفول العربية وتمشى مشوار كده كام يوم و تراقب عداد الكيلو و تخش تفول تانى وتشوف كام كيلو على كام لتر وده حتلاقيه بيختلف من وسط البلد للطرق المفتوحة بس النسبة بتبقى حوالى 20 % زيادة جوه البلد.وارجوا ان اكون افدتك

رد: عايز أعرف معدل أستهلاك البنزين لشيروكى 93 اربعه سلندر
 

انا مريت بالمشكلة دي
1- عوامة مش مضبوطة
2- شوف كتالوج العربية تانكها كام ولو بالتقريب للعلم فقط
3- فول العربية وانت خارج مشوار مفهوش زحمة طريق سريع يعني مثلا اكتوبر او زايد وخذ قراءة عداد الكيلوهات قبل الانطلاق وبعد ما تخلص المشوار شوف القراءة واحسب الفرق مثلا حيطلع 33كم فول تاني شوف انت فولت كام ولنفرض 11 لتر اقسم 11/33 .. ويكون هذا معدل الطريق السريع اللي مفهوش حرق بنزين كثير بعد كده اعمل نفس الموضوع في طرق مزدحمة تلاقي مثلا 20 كم حرق 10لتر اجمع 33+20 كم واقسمهم على (11+10 لتر) يعطيك متوسط الاستهلاك بصفة عامة
وطبعا لو غلطان حد يصلحلي يا جماعة وله الشكر

رد: عايز أعرف معدل أستهلاك البنزين لشيروكى 93 اربعه سلندر
 

اعتقد عربيتك حرقها عال علشان 2500 cc فلا تندهش وشوف المعدل الأصلي بتاعها وضع في الحسبان سنة الصنع قديمة يعني واللا جديدة لان الموضوع بيفرق
على فكرة الصفيحة مصطلح يعني 20 لتر