مصر موتورز مجتمع السيارات - المقابله الجاية يوم الجمعة الجاية

صباح الخير عليكم جميعا يا مصراوية

تقرر عقد المقابلة الجاية ان الله يوم الجمعة الجاية 11 ديسمبر

الميعاد
من الساعة 5 بعد العصر وإلى ماشاء الله

مكان المقابلة
مساكن الشيراتون اخر صلاح سالم

تفاصيل المقابلة

اولاً للوصول الى مكان المقابلة اما تاخد شارع صلاح سالم لاخرة هتلاقى على اليمين فندق الشيراتون بعديه يمين عند نهاية الشارع مساكن الشيراتون

او لو جاى من مدينة نصر هتاخد طريق النصر لاخرة هتلاقى مساكن الشيراتون برضو

لو جاى من بره القاهرة من طريق الاسماعيلة او السويس هتمشى كانك رايح على المطار شارع جوزيف تيتو لاخرة هتلاقى الكلية الحربية قدامك تلف تخليها على اليمين وتمشى طوالى هتلاقى مساكن الشيراتون

ده مكان المقابلة من جوجل

اضغط هنا

احنا هنتقابل فى شارع عبد الحميد بدوى فى اولة قريب من كوبرى المطار وقريب من صلاح سالم وقريب من طريق النصر علشان اللى جايين من كل حتة وبعد ما نتجمع هنقعد فى كافى شوب قريب من المكان ده علشان اللى يجى بعد كده حد يروح يستقبله

بالنسبة للكافى شوب هنختار اى واحد يساع الناس كلها وبنتفق معاهم مفيش منيمم شارج يعنى بنحاسب على اللى نطلبه بس وطبعا مكان يكون مقفول علشان السقعة اللى احنا فيها ديه :) وفى الغالب مش بيزيد الحساب عن 10 - 20 جنية فى شباب داخلة على جواز وفيه شباب عندها عيال وبتجيب بامبرز فالعملية مش ناقصة ptmnlo123per1106

الدعوة عامة للجميع معاك عربية او مش معاك عضو قديم او جديد الكل بنرحب بيه ptmnlo123per122

احداث المقابلة
بعد ما نتعرف على بعض كلنا ان شاء الله واللى فيه حاجة فى عربيتة بنشوفها بنقعد مع بعض نتكلم فى كل حاجة ونتخانق شويه وننم شويتين وبس ptmnlo123per154

اشوفكم جميعاً على خير الجمعة الجاية ان شاء الله

لو حد مش عارف المكان او عنده اى استفسار يتصل على الرقم التالى

http://www.masrmotors.com/vb/../imag...Cards_back.jpg