تجربتى الفاشلة مع مصر للتامين
 

تجربتى الفاشلة مع مصر للتامين انا معايا لانوس زيرو موديل 2012 مامن تبع مصر للتامين وواخد عربيتى قسط مع بنك عودة ودفعت اول قسط تامينى لاول سنة 2300 المهم مشكلتى هية وانا كنت مرة ماشى لا بيا ولا على فى شوارع المنصورة الجميلة طلعلى تروسكل مخالف خبطلى الرفرف اضايقت طبعا قولت اروح التامين اعملها فى التوكيل فابتوع المصرية قالولى لا نصيحة ماتعملش فى التوكيل وهوة منصور طنطا اقرب فرع ليا واعملة فى مركز خدمة عادى عشان الاجرائات تخلص بسرعة واسهل معاة قولت طب مين كويس قاللى مركز الشايب المهم روحت قالى الخبطة هاتتكلف 450 جنية وهية خبطة حوالى 30 سم فى الرفرف وقالى لازم تترش قولت لو مش هاتبان مش مشكلة قالى لا مش هاتبان باذن الله المهم دفعت 450 واستلمتها بعديها بيومين وقالى ( مركز الشايب ) انا هاخلص بقيت الاجرائات وهاتستلم انتا الشيك مرة واحدة تابعت مع الناس بتوع المصرية والشايب ( المصرية هناك قسم مخصوص للتامين ) وبعدين من ساتها يا مؤمن بقالى شهر ونصف مااخدتش حاجة المهم كلمنى النهاردة واحد من هناك وقالى شيكك جة تعالى خدة اروح اشوف الاقى الشيك ب 166 جنية طب ازاى دة انا لا غيرت رفرف ولا عملت حاجة دة انا سمكرت ورشيت وعلى اللحم ومامعجنش كمان لان العربية زيرو قالى الشيك بيجى من مصر واحنا ملناش دخل قولتلة ماشى بس مين قالى مصر للتامين روح ااسالهم ....
فانا هاروح بكرة رغم انى متاكد ان كل اللى هاعملة مش هايجى بفايدة تذكر وبستعوض ربنا فى الفلوس بس بنصح اى حد مايامنش تبع مصر للتامين عشان شركة مش كويسة وبتاعة وسايط وكوسة وخاصة انى شوفت شيك قدامى فى وسط الشيكات الموجودة لدكتورة دافعة 13 الف وواخدة 12400 يبقة دة اية حرام ولا مش حرام كوسة ولا مش كوسة ؟؟؟ وربنا يعوضنى بجد والحمد لله انها ظهرت فى 200 ولا 300 جنية وربنا نبهنى احسن ماكنت تيجى فى حاجة كبيرة والعربية تتسرق مثلا وبالمنظر دة كان مندوب التامين هايكرمشلى 200 جنية فى جيبى ... واسف على الاطالة

رد: تجربتى الفاشلة مع مصر للتامين
 

رد: تجربتى الفاشلة مع مصر للتامين
 

حضرتك انا دافع اول سنة 2300 من قيمة العربية اللى هية 71 الف حضرتك احسبيها يعنى اية بقة تحمل اربعة فى الالف يعنى اية يعنى اخد اقل من نسبة 50 % من قيمة اللى انا دافعة لية دة اسمة نصب حضرتك معلش يعنى

رد: تجربتى الفاشلة مع مصر للتامين
 

رد: تجربتى الفاشلة مع مصر للتامين
 

استاذي العزيز انا مع الاستاذه ايمان و هيكده المعادله صح وثيقه حضرتكبتحمل 4 في الف و هي دي من اكثر عيوبمعرض المصريه انها بتعمل وثيقه التامين للعميل و العميل مابيعرفش ايه الي ليه و ايه الي عليه ياريت في المرات القادمه حضرتكتقراء الوثيقه كويس قوي وتستفسر عليكل شئمن حدمختص في التامين مش من حد من المصريه

رد: تجربتى الفاشلة مع مصر للتامين
 

ايوة يا فندم انا كان معايا صورة من الوثيقة مش مكتوب ظاهرة ولا بين قوسين مايفيد ان هناك نسبة 4 فى الالف نسبة تحمل دى حاجة والتانية يافندم لية مافيش ريفرنس فى الشركات لكل حادثة بمعنى يعنى الخبطة اللى تتكلف 500 جنية عليها نسبة تحمل 284 والخبطة اللى تتكلف 13 الف عليها نسبة تحمل 284 بردة بصراحة نظام مجحف جدا حتى لو دة كان السيستم المعتاد واعذرينى يعنى فدى شروط مجحفة جدا بصراحة انا هاقول اللى ليا واللى عليا لا الوثيقة مكتوب فيها بالبنط العريض مايفيد تحملى 284 عن كل خبطة ولا الراجل بتاع المصرية قالى ولا حتى التوكيل اللى كلمتة استفسر منة على الاجرائات ولا حتى الورشة اللى صلحت عندها قالتلى وما علمتة مؤخرا ان المصرية اورلدى بتتعامل مع فرع طلعت حرب مباشرة ومش مع فرع المنصورة طب لية ؟؟؟ دى علامة استفهام انا جالى شيك بعد شهر ونصف كان ممكن الاجرائات دى تخلص بصورة اسرع واسهل لو كان التعامل داخل المنصورة بمعنى انا اية اللى يجبرنى اتعامل مع شركة تامين خارج نطاق محافظتى والورق والاجرئات تفضل رايحة جاية لية انتوا موافقين او حتى مسهلين لحاجة زى كدة؟؟ سدقينى انا الحاجات دى ماكنتش اعرف عنها حاجة ليس لجهل منى ولكن لان اغلب اللى بيشتروا عربيات تقسيط بيكون تركيزة كلة على شروط البنك والسداد ونظام البنك وبيستسهل بصراحة موضوع التامين ويعتبرة ميزة مش عيب لكن لو عرف كمية المشاكل اللى بتجى من وراها هايفكر ميت مرة وبالاخص مايامنش تبع اى شركة وبالذات لو كانت حكومية كمان اجرائتها ممكن تاخد شهر ونصف فى خبطة ب 500 جنية لكن ارجع واقول انا اللى غلطان بصراحة كنت عملتها مع نفسى عند اى حد اعرفة كويس وكانت طلعت افضل من التوكيل كمان وماكنتش هاتتكلف 200 جنية على بعض بس اهو الحمد لله وربنا يعوضنى ...

رد: تجربتى الفاشلة مع مصر للتامين