بطاريه العربية نامت اوى اوى اوى
 

بسم الله الرحمن الرحيم

انا محتاج خبرة اخواتى فى المنتدى
1- صحيت الصبح العربية مش عايزه تدور طبعا بعد شويه ذق العربية دارت ومشيت تمام
2- رحت مشاوير وسبت العربية ساعتين تقريبا مركونه وشغلت العربية اشتغلت
3- روحت البيت وبردو تقريبا ساعه ونصف والحمدلله تمام
4- تقريبا كانت الساعه 11.30 مساء اجى ادور حلفت طلاق تالته واربعه كمان ابدا ابد
طبعا القصه دى من الساعه 8 صباحا الى 11.30 مساء
دلوقتى كل زملائى فى الشغل بيقول بطاريه وانا هفترض انو صح طييب اجيب نوع ايه سائل ولا جاف مع العلم العربية نوعها \ نيسان موديل 85 \1300 سى سى

وشكرا واسف انى حكايت قصه مواطن جديد مع العربيات ومستعمله كمان

رد: بطاريه العربية نامت اوى اوى اوى
 

من فضلك

قيس البطارية بالافو وقولى كام فولت وهى العربية طافية

وان شاء الله متابع معاك

( اوعى ترمى البطارية او تديها لحد او تشترى بطارية جديدة )
انتظر لما نشوف فيها ايه ؟

رد: بطاريه العربية نامت اوى اوى اوى
 

ألف سلامه على بطاريه حضرتك يافندم

رد: بطاريه العربية نامت اوى اوى اوى
 

البطارية كدة فيها ربع ضارب
غيرها ببطارية سائلة كلورايد
لان الجافة بتبقى حساسة لشحن الدينامو
يعنى بتبقى عايزة دينمو ماشى زى الساعة مظبوط

رد: بطاريه العربية نامت اوى اوى اوى
 

بص يا مستر هولندى انا كونت قياس البطاريه تانى يوم العيد عند الكهربائى كانت القراءه 13.5 تقريبا وكانت وصايه الكهربائى ياريت تغير البطاريه......

2- انا متشكر ليكم جميعا انا فعلا اشتريت بطاريه نسر فارتا امبارح ورحت ركبت وتمام بس طبعا كانت العربية عند البيت .... واحد صاحبى اللى خد العربية وروح تانى عندو علشان يظبط الشحن هل الكلام دا مظبوط ولا طالما العربية دارت علطول يبقى كلو تحت السيطره