مصر موتورز مجتمع السيارات - اي مشكلة في الفتيس الاتوماتيك - ضع الاستفسار هنا وسوف نساعدك في حل المشكلة

اقتباس:

المشاركة الأصلية كتبت بواسطة sam_pon (المشاركة 905837)

ربنا يكرمك يا باشمهندس على ردك الجميل

بالمناسبه أنا نفسي اتشرف بإسم حضرتك عشان أنا حاسس أن حيكون فيه بينا كلام كتير

نرجع لموضوعنا :

أولا : لو تديني أرقام تليفونات الناس اللي أنت بتثق فيهم هنا أكون لك شاكرا ومقدرا

وثانيا : أنا يوم ما غيرت الزيت العربيه أخدت 5 لتر بس والراجل قالي كده تمام ، وكل ما أكشف على الزيت ( زيت الجيربوكس ) طبعا والموتور سخن ، والعربيه على السلانسيه ، وبأحرك الفتيس في كل اوضاعه لمده 5 ثواني في كل وضع ، وفي الآخر بأحطه في البارك P وبعدين أقيس المستوى ، بلاقي الزيت فوق المستوى بشويه ( يعني قصدي فوث الفول ) ، مش عارف هل فيه طريق تانيه للقياس .

و لو تدلني على الناس اللي بتقولي عليهم ، حاروح لحد منهم وهو يقولي أعمل أيه .

لأني بصراحه شاكك في حاجه تانيه خالص ، وهي الPCM ، وحاسس أنه محتاج إعادة برمجه ، أو محتاج تحديث ، بس البرمجه هنا أيه ، غاليه بشكل مش طبيعي ، بالإضافه لأنك لازم تسيب العربيه في التوكيل يومين أو ثلاث أيام لغاية ما ييجي دورها ، حتى لو كنت حتنفخ العجل هوا بس .

أنا طولت عليك ، بس اخوك مهووس عربيات ، وأكتر حاجه بتعكنني لما تكون العربيه فيها صوت أو مش مضبوطه ، وبأكون في قمة سعادتي لما عربيتي بتكون تمام ، مجنون شويتين معلشي .

مستني ردك ضروري جدا

وجزاك الله كل خير

بسم الله الرحمن الرحيم
سيدي الفاضل تعالي نحكي مع بعض من الاول
1- لو الخبطة اللي انت بتسمعها بتكون في النقلة من 2 الي 3 ومن 3 الي 2 - يبقي دا طبيعي و متشغلش بالك
والشركة المصنعة اقرت بذلك لان دا من الخلوصات الداخلية في الفتيس و بيظهر بقوة في السيارات (4X 4)
2- لو انت نتشعر في السيارة برجة او ضعف في السحب في النقلة من 1 الي 2 يبقي اللي يحل الموضوع هو تحديث السوفت وير
3- ياريت تقولي عربيتك 4.2 ولا 5.3 لتر وهل هي سحب رباعي ام ثنائي

وبالنسبة للصنايعية انا فاكر من كلامهم انهم في منطقة او شارع (مش فاكربالضبط) اسمه سلوي او بروسلي وفيه ناس شغالة في مركز عند او خلف القاعدة الامريكية

وانا المهندس احمد رمضان منصور ومشهور (بروميو المنصور) وانا تحت امرك وممكن تراسلني علي الخاص