رد: كوميديا المظاهرات
 

رد: كوميديا المظاهرات
 

بصراحة هم يضحك وهم يبكي
الناس دول رايحين مع زفه العروسة
بس بصراحة صور تمووووووووووووووت من الضحك

رد: كوميديا المظاهرات
 

البقاء لله في كل شهداء ثورة الجياع أو التحرر من القيود

رد: كوميديا المظاهرات
 

لكي لا ننسى
لكي لا ينسينا الضحك
لكي لا ينسينا الكذب الاعلامي
لكي لا تنسينا سذاجة الشعب المصري
لكي لا ينسينا عناصر امن الدولة المرابضون على الانترنت منذ بدء تشغيله لاهداف محددة
لكي لا تنسينا الكلمات المعسولة
لم تلبى نصف مطالبا
لم تلبى ربعها
لن اضحي بحياتي من اجل تعديل وزاري يحدث اليا من الحين و الاخر لمصالح شخصية
لم اضحي بحياتي من اخل اقالة وزير و تعيين وزير
لم اضحي بحياتي علشان مصر تفضل مستعبدة برئاسة ديكتاتور
لم اضحي بحياتي علشان نصدق وعود معسولة و كاذبة يقوم على اثرها زبانية النظام بقتل و اعتقال باقي اخواني
لم ننساكم
و سنقوم بعمل منصة الشهيد لكم عند مدخل رئاسة الجمهورية بعد ان يحكمنا حاكم عادل تم اختياره بصوتنا و يتم اقالته بصوتنا و ليس بصوت السنج و البنادق
لن ننهي الانتفاضة التي رويتموها بدمكم علشان ناكل و نشرب زي البهايم
احنا لينا تار و لازم ناخده!
و لو طيبة المصري غلبتنا لازم ننفذ وصيتهم
مصر دين في رقابنا و حنحافظ عليها
حنكمل المسيرة
ارقدوا في سلام و ليرحمكم الله
.....

رد: كوميديا المظاهرات
 

ربنا يسامحك يا explorer
انا مش قادر ابلع ريقي من ساعة ما شفت الصور
يا ريت لو دموع المقهور تعمل حاجة
ينفع نرجع الشباب دول تاني؟ لاهليهم و ابناءهم؟
المظاهرات المليونية حصلت علشان 2 شهداء في الاسكندرية قتلوا بالتعذيب من قبل النظام
دلوقتي احنا عندنا 300 شهيد قتلوا بالقناصة بدم بارد
لو معرفناش نحاكم كل عناصر الداخلية يبقى لازم نحاكم المسؤول الاول و الاخير عن المذابح
لكل من يقول كفاية
كفاية عليك انت
حرام عليك
اتقي الله و اللا الدنيا نستنا من هو الله
الدنيا و الجري زي البهايم ورا لقمة العيش نستنا مبادءنا؟ نستنا الدنيا و الاخرة؟ نستنا الثواب و العقاب؟ نستنا نعيم الجنة و عذاب النار؟
احنا عمرنا محسناش بطعم الحرية فمش عارفين الى ماذا نفتقد..
لو انت جبان سيب اخوانك يقفوا و يقولوا لأ للظلم
بلاش نخذلهم!
يا رب سامحني
يا رب سامحني