عيوب بالجملة في سبرانزا a113 زيرو
 

سلام عليكم

معلش استحملوني يا جماعه اصل ال 50 باكو اللي معايا غاليين عليا شوية علشان كدة عملت موضوع تحويشة عمري في اسبرانزا ولا لادا و الناس نصحتني بالاسبرانزا قلت اروح اشتريها
رحت التوكيل بتاعها اللي في احد المحافظات بدون ذكر اسماء اتفرج عليها

و للعلم انا جاهعل عربيات مبعرفش اسوق ولا بفهم فيها اصلا قلت اتفرج علي العربية اللي حدفع فيها دم قلبي وجدت الاتي

1- التالبلوة الوسطاني مش متقفل صح نهائي يعني كل جزء فية مفارق من ناحية و زيادة من ناحية و كمان تحس انهم بيتلخلخوا

2- الزراير من خامة بلاستك ضعيفة جدا جدا هي عربية ب50 صح لكن مش لدر جة يوفروا ربع جنية فرق بلاستيك نضيف للطابلوة

3- دهان الباغه بتاع الطابلوة بيتقشر بسهولة و عرفت كدة لاني شفت اجزاء متجرحة منة و بتوحي انة مش حيقعد شهر و حتلاقية بس زي الموبيل الصيني بعد ما يتجرح

4- الكبوت الامامي من ناحية قافل كويس و الناحية التانية لا

5- الجوانات الكاوتش بتاعه الزجاج و الابواب مش ثابتة في مكانها وواضح ان خامتها رديئة و ان بعد كم قفلة في الباب حتقع لوحدها

6- الكراسي مش مريحة نهائي اعتقد بتاعه الماروتي اريح منها و واضح ان خامة الفرش تعبانة و التنجيد بتاعها سيء لدرجة اني مستحملتش اقعد فيها كم دقيقة

7- العداد بتاعها كان عامل 375 كيلو !!!!!!!!!!!!!!!

8- فتحت الكبوت لقيت وش الموتور بلاستيك و دي اول مرة اشوف عربية موتورها اجزاء منة بلاستيك و نفس الماتور بتاعها بشوف صورة علي النت بيكون معدن بالكامل

دة اللي ان شفتة. نيجي للكدب بتاع الموظف

1- بيقولي العفشة و الماتور ماليزي ( اصلة شاف الفيل اللي كنت راكنة علي الباب)
2- بيقولي انها زير مش 375 كيلو و دة بسبب ان المصنع بيجرب موتور العربية الاول
3- بيقولي انها استيراد من الصين و مفيهاش مكونات مصري و مش بتتقفل في مصر ( مفكرني هندي)
4- كل ما اقولة عيب فيها يقولي اصلة علي قد تمنها هو يقصد تمنها في الصين ابو 35 الف جنية ولا تمنها بعد ما صنعوا 40% منها في مصر بجودة اقل بكتير من الصيني و رفعوا سعرها الي 50 الف؟

و كل دة يا جماعه و انا مبفهمش في العربيات و مبعرفش اسوق يعني ولا دورت العربية و لا سوقتها و سمعت صوتها ولا اي حاجة من الحاجات دي يعني مجرد نظرة خارجية و المثل بيقول اللي برة الله الله و اللي جوةى يعلم الله دلوقتي لما يبقا اللي برة كدة امال الي جوة ؟ دة غير اني ولا شغلت الراديو ولا التكييف حتي

السؤال بتاعي دلوقتي

1- هل كل العربيات الزيرو فيها العيوب دي كلها ؟
2- اذا كان التقفيل سيء من الخا رج فما بالك بالداخل و المكونات ؟
3- العربية دي تعيش عمر افتراضي زي اللادا او الشاهين او حتي اللوجان ؟
4- هل المشاكل اللي قلتها عيب في العربية دي بس ولو شفت في معرض في بلد تانية حتبقا العربيات عدلة شوية؟

رد: عيوب بالجملة في سبرانزا a113 زيرو
 

المنتدى هنا فيه ما شاء الله , ناس خبراء فى الاسبرانزا بكل أنواعها و بصراحة هما اللى عارفين كل حاجة عن العربية و عارفين مداخلها و مخارجها -ماشاء الله- و هما أكيد هيفيدوك و يجيبولك من الآخر .

رد: عيوب بالجملة في سبرانزا a113 زيرو
 

رد: عيوب بالجملة في سبرانزا a113 زيرو
 

استاذي الغالي صاحب الادب و الاخلاق الرفعية
اشكرك علي مكالمتك معايا من فترة
و بحكم مكالمتنا اكنت انت عرفت دلوقتي انا شفت العربية فين و ممكن تشوفها بنفسك لاني لسة شايفها هناك امبارح انا مش عاوز اقول الاسم منعا للتشهير او الاساءة لحد
و انا حروح اشوفها عند ا المعرض اللي انت نصحتني بية النهاردة علشان اعرف الفرق
و كمان اللي يغيظك يا اخ ابو الاسعاد انهم عاوزين فيها 52 الف يعني ازيد 2-3 الالاف عن سعر السوق شوفت بقا

رد: عيوب بالجملة في سبرانزا a113 زيرو