مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   اللوجان جننـتـنى بعد 3 سنين .. برجلة وتقطيع وفصل كهرباء (https://www.masrmotors.com/vb/showthread.php?t=113510)

Mohamed Magdy 15-05-2013 12:50 AM

اللوجان جننـتـنى بعد 3 سنين .. برجلة وتقطيع وفصل كهرباء
 
السلام عليكم
فى مثل بيقول ما يحسد المال الا صحابه
العربية كانت ماشية زى الفل رغم انها كسرت الـ 125 الف
بس بقالها اسبوع مش طبيعية مبرجلة وبتتهز جامد وبتنتش
وماشية بمزاجها شوية كويس وشوية زفت
وكنت نظفت الرشاشات من شهرين تقريبا
وغيرت سير الدينامو والبليتين وزيت الموتور
اللى زاد وغطى انها رجعت تبطل وانا ماشى زى اللى حصل من شهرين
وجيت من مدينة نصر للمعادى وكل ما السرعة تهدى تقوم مبطله
وقرفتنى اخر قرف
وصلت البيت وقلت انزل للميكانيكى لقيتها ماشية زى الساعة
ومبتبطلش قلت بلاش ميكانيكى النهاردة واشوفها بكرة على رواقة
ومبقتش عارف ده عيب الرشاشات وبوابة الانجكشن
ولا عيب سير اكسلاتير البنزين عشان مش مشدود

الجدير بالذكر انى من اسبوع كنت ضبطت لها التكهات
ومن يومها وهى مبرجلة

يا ترى حد عنده سابق تجربة فى الكلام ده


omda8185 16-05-2013 11:32 PM

رد: اللوجان جننـتـنى بعد 3 سنين .. برجلة وتقطيع وفصل كهرباء
 
عليك وعلى عادل الميكانيكي ف صقر قريش.راجل بيفهم وامين بصراحه
01001718256

Mohammed Fadl 07-06-2013 10:29 PM

رد: اللوجان جننـتـنى بعد 3 سنين .. برجلة وتقطيع وفصل كهرباء
 
الموضوع ده حصل معايا في نيسان صني 2012 الشكل القديم .. وروحت التوكيل نضفولي الانجكشن وقالولي انها وساخه بنزين (ساعتها العربيه كانت عامله 7000 كم ) .. المهم روحت بيها و مشيت بيها 3 اسابيع زي الفل و رجعت ريما لعادتها القديمه و العربيه تقطع و نور الطابلوه ينور و الموتور بيقف و لو ماشي على سرعه متسحبش معايا وتنتش لما بدوس بنزين جامد و ساعات تمشي زي الفل وميبقاش فيها حاجه خالص .. المهم رجعتلهم التوكيل المهندس اللي هناك جربها و وقفت معاه وحطها على جهاز اسمه كونسلت و قالي بعدها انهم مش عارفين في ايه و بعدها بشويه قالي ان في الغالب ان المشكله في الضفيره و قالي انها بتتغير في الضمان عادي بس محتاجين مواقفه المصنع .. و اديني قاعد بقالي اسبوع مستني التوكيل يجيب الموافقه .. بس هو شكلها فعلا عين :) .. لان العربيه قبلها كانت واخده خبطه في رفرف ورا و الفانوس و خبطه تانيه غيرها في الاكصدام (بس الحمد لله الاتنين على نفس الناحيه)
ـ

Mohamed Magdy 12-06-2013 11:56 PM

رد: اللوجان جننـتـنى بعد 3 سنين .. برجلة وتقطيع وفصل كهرباء
 
كلامك صح يا محمد بيه .. من ساعة ما عملت الموضوع ده والعربية مش بتقطع
شكلها عين فعلاً

AbOnOrA 13-06-2013 01:32 AM

رد: اللوجان جننـتـنى بعد 3 سنين .. برجلة وتقطيع وفصل كهرباء
 
اقتباس:

المشاركة الأصلية كتبت بواسطة Mohamed Magdy (المشاركة 894450)
كلامك صح يا محمد بيه .. من ساعة ما عملت الموضوع ده والعربية مش بتقطع
شكلها عين فعلاً

ربنا يكفيك شر الحسد ويباركلك فى العربيه ويكفيك شرها


الساعة الآن 05:44 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017