مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تعديل السيارات العــام (https://www.masrmotors.com/vb/forumdisplay.php?f=5)
-   -   إلى رجالة المنتدى اللى مش هيكسفونى!!!!!! (https://www.masrmotors.com/vb/showthread.php?t=32300)

the_slayer93 15-08-2010 05:36 AM

إلى رجالة المنتدى اللى مش هيكسفونى!!!!!!
 
يا جماعة انا عندى دايو لانوس 2 موديل 2002 و كنت عايز اعدلها و عايز خبراتكم فى شوية حاجات
و هى اولا التعديلات الى عايز اعملها :
  • اعدل الفوانيس و اخليها اللمبات البيضاء اللى شبه الزينون
  • اركب جنوط كويسة(ارجو ذكر المقاس المناسب)
  • اركب بودى كيت
  • و ساوند سيستم محترم (مش لازم يكون العالى اوى)
  • افرشها فرش نضيف
  • اركب فلتر هواء رياضى
ينفع تقولولى اعمل الحاجات ديه فين و اشترى المستلزمات منين بس ناس كويسة و ياريت تقولولى الليلة دى هتتكلف كام !!!!!!!! و انا ساكن فى القاهرة فى مدينة نصر
اسف طولت عليكواSLAM
ارجو الرد سريعا


<input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden"><input id="gwProxy" type="hidden"><!--Session data--><input onclick="jsCall();" id="jsProxy" type="hidden">

Injection 15-08-2010 08:58 AM

رد: إلى رجالة المنتدى اللى مش هيكسفونى!!!!!!
 
أنا هحاول أفيدك على قد ماقدر:-

اللمض البيضا دى أسمها لمض ليدات, وبتجيبها من أى واحد بتاع أكسسوارات جوز بيركبوا مكان لمض الأشارات وبينوروا أبيض, بس أبقى قولوا لمض ليدات للأشارات, وسعر الجوز مش هيزيد عن 30 جنيه (السعر أقل بس مش فاكره).

الزينون فيه منه عالى بس وده بيعمل من 300 الى 350 جنيه ولازم تاخد معاه ضمان, وفيه عالى وواطى بيعمل 400 الى 500 جندى, ومالكش دعوة باللمض الهبلة اللى بتتباع, لو مش عايز زينون ممكن تركب لمض فيليبس أو أوسرام بالكتاوت بس هيعملو ا حوالى 200 جنيه بالكتاوت والتركيب ونورهم هيماثل نور الزينون.

أنا مش خبير فى الجنوط, بس فيه برامج كتير على النت لحساب حجم الجنط المناسب, بس لازم تبقى عارف حجم الجنط الأصلى, على العموم لو موصلتش لحاجة قولى وأنا أحسبلك الموضوع.

المهم, الجنوط ليها أشكال كتير وأنواع كتير, أهم حاجة تبعد عن الصينى مهما كان رخيص, الحديد بتاعه مبيتنيش, بيكسر بس, ولو خدت مطب جامد أو حفرة وحجم الجنط فوق 14 ممكن يتكسر, خليك فى الأندونيسى والماليزى, على العموم الصينى أسعاره بتبدأ من 900, والماليزى والأندونيسى من 1200, والمحلات بتختلف فى الأسعار والأشكال.

البودى كيت والكلام ده شغل حرفيين, فيه ناس مختصين فايبر هناك بيركبوا عتب وكساحات, وفيه بيعدل على الأكصدامات الموجودة, على العموم الأأسعار للتعديل أو التركيب هتبدأ للحتة من 400 وأنت وشطارتك فى الفصال, وطريقة التركيب المتبعة هى بالصنفرة والمعجنة والدهان, يعنى هياخد وقت وقعدة فى الحرفيين, بس للأسف معرفش حد هناك, بس لما تروح حاول تروح محل يكون مشغول والطلب عليه كويس.

ساوند سيستم كويس أبسط حاجة ممكن تعملها سماعتين كينوود دبل بيز ب 390جنيه وأمبليفاير سيمفونى أو كينوود من 350 وأنت طالع, ومتغيرش الكاسيت (مالهاش لازمة) وهتسمع أحلى صوت, وممكن بعد كده تبقى تركب سماعات بايونيير مدور للبيبان ب90 جنيه الجوز على ما أذكر.

بس ياريت المحل اللى هتشترى منه هو اللى يركب علشان يقدر يركب صح ومتتخمش فى أمبليفاير قليل أو قدرته كبيرة, يعنى هو يبقى عارف هيمشى الدنيا أزاى لأن صعب قٌوى أشرح الصوتيات هنا.

الفرش النضيف عندك سبير كار, متفرش من حد تانى, أسعارهم كويسة وتصميماتهم كتير, وهيركبوا بأحترافية, والأسعار والمكان هتلاقيها فى المنتدى بتاعهم.

فلتر الهواء ممكن تجيب صينى من أول 60 جندى حتى 100 جنيه, وده حلو قوى تغسله كل أسبوع أو أكثر بميه وهيعمل معاك واجب جامد, وفيه الحاجات النضيفة زى السيموتا وال k&N , ودى بتطلع أداء وصوت كويس بس سعر أى واحد فيهم مش هيقل عن 250 جنيه, وفى منهم ب 400 كمان, وعلى العموم هتلاقى فى تعديلات الأداء عدة مواضيع عن الفلاتر هتفيدك جدا متشتريش قبل ما تقراها كلها.

المكان ياسيدى, أولا الحاجات المتعلقة بالنور, اللمض موجودة فى كل محل أكسسوارات على وجه البسيطة, وتركبها عند أى كهربائى

الجنوط المحلات برضه كتيرة جدا, بس أشهرها أشرفكوا وده ليه فرع كبير فى التجمع السادس عنده تشكيلة ضخمة, أسأل عليه هناك هتلاقى الناس بتدلك.

الساوند سيستم, عندك روكيت قبل أشارة روكسى, وأدريان وده ليه فرع فى جامعة الدول العربية جنب العمدة بالظبط والتانى فى شارع الهرم فى أول شارع المطبعة, وفيه كلاريون فى ميدان سانت فطيمة بس معرفش فين بالظبط, بس هو مشهور قوى هناك وناس كتير بتشكر فيه.

فلتر الهواء خلاص راحت عليه, وقريب هتلاقى عربيات الكارو مركباه, على العموم هو برضه موجود عند أى محل أكسسوارات.

نصائحايه ياترى: فيه محلين جامدين قوى للتعديل والجنوط واحد أسمه أنزو, أتفرج على الصور وخد العنوان من الجروب وأدعيلى, ولازم تروحله قبل ماتعمل أى حاجة, هتلاقى عنده حاجات كتييييير

وأدى الجروب على الفيس
http://www.facebook.com/group.php?gid=7862269562

والتانى جو go وده زى أنزو وأحسن كمان ونفس الحكاية أتفرج على الصور وخد العنوان من الجروب

وأدى الجروب
http://www.facebook.com/pages/Cairo-Egypt/GO-for-car-accessories/248198282760

وده موضوع عن مول سبير كار ومكانه وحبة صور عنه
http://www.masrmotors.com/vb/showthread.php?t=28612


ياريت تروحلهم الأول علشان عندهم كل حاجة, ومول سبير كار الجديد برضه مليان أكسسوارات ومستلزمات صوت وحاجات هتعجبك جدا أنصحك تعمل الفرش وتركب السماعات عندهم.

تانى حاجة فاصل على قد ماتقدر, سيب كرامتك فى البيت, معظم محلات الأكسسوارات بيغلوا فى السعر حسب شكل الشخص, ولازم تفاصل, ولو السعر معجبكش سيبه وأمشى, فيه غيره كتير, وكمان هو مش هيسيبك تمشى أصلاROSE4U

وحاول تاخد ضمان على أى حاجة بتشتريها حتى لو أسبوع كلمة من الراجل يعنى, ماعدا الزينون والسماعات طبعا, دول لازم تاخد عليهم ضمان طويل وخاصة الزينون على الجهاز واللمض ومتنساش الفاتورة علشان لو عمل معاك حركة مش ولابد تجيبه من قفاهفلوس كتير.

fares515 15-08-2010 10:01 AM

رد: إلى رجالة المنتدى اللى مش هيكسفونى!!!!!!
 
injection
أحييك على ردك المستفيض يا باشا
بجد عداك العيب ونط وراح...
بس مش غريب انك تنصح الغرب في عربياتهم وسايب لولا بتلالي من تعليقات الناس في موضوعها..ياعم سيبك من موضوع الحقد الطبقي واللى عايز يحقد يحقد خربانه خربانه
كل سنة وانتو طيبين

Injection 15-08-2010 10:10 AM

رد: إلى رجالة المنتدى اللى مش هيكسفونى!!!!!!
 
ههههههههههههههههه, ربنا يخليك يا فارس باشا, لولا دى أنا عايز أعملها sleeper يعنى أركب تربو, أو أسقط موتور ليجانزا 2000, بس يفضل شكلها كده علشان المقالب والحركات والضحك على الدقون:).

بس أشوف الفلوس الأول بس وأنا أظبطها, محدش فى البيت بيحب يصرف عليها غير العبد لله المنتفع الوحيد بيها.

نفسى أشوفك أنت بس راكب حتة m3 ولا أيفو وبعدها هرتاح, قول أمين.

ابو جودة 15-08-2010 03:11 PM

رد: إلى رجالة المنتدى اللى مش هيكسفونى!!!!!!
 
مشكورررررررررررررررر


الساعة الآن 04:06 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017