يامصرى قوم كفياك تبليط سيد حجاب
يا مصري ليه دنياك لخابيط و الغلب محيط والعنكبوت عشش ع الحيط وسرح ع الغيط يا مصري قوم هش الوطاويط ... كفاياك تبليط صعبة الحياة والحل بسيط ... حبة تخطيط فتحت باب استيرادك وصرفت فوق ضعف إيرادك حِلي للخواجة استكرادك سابك بتقرا في أورادك وده قشّطك ونزل تشفيط يا مصري ليه دنياك لخابيط والغلب محيط والعنكبوت عشش ع الحيط وسرح ع الغيط ومهولاتي تحب تزيط ساعة الفرح زغاريد تنطيط وفي المياتم هات يا صويت وفي المظاهرات سخن تشيط و في الانتخاب تنسى التصويت يا مصري ليه دنياك لخابيط والغلب محيط والعنكبوت عشش ع الحيط وسرح ع الغيط وليه بترشي وتتساهل وتضيع حقوقك بالساهل تستاهل النار تستاهل يا غويط ويحسبك الجاهل سهل وساهي وغبي وعبيط يا مصري ليه دنياك لخابيط و الغلب محيط و العنكبوت عشش ع الحيط و سرح ع الغيط يا مصري يا للي الغلا عاصرك والنهب في عصرك حاصدك قوم للحياة واسبق عصرك ولا حاجة هترجع مصرك إلا ان تكون شغال ونشيط يا مصري ليه دنياك لخابيط والغلب محيط والعنكبوت عشش ع الحيط وسرح ع الغيط يا مصري قوم هش الوطاويط ... كفياك تبليط صعبة الحياة والحل بسيط ... حبة تخطيط |
رد: يامصرى قوم كفياك تبليط سيد حجاب
ههههههههههههههههههههههههه ه... روعه ...
:soccer_372: |
رد: يامصرى قوم كفياك تبليط سيد حجاب
الغريب إن الشاعر الكبير سيد حجاب كتب كلمات هذه الأغنية قبل قيام الثورة بسنوات وكأنه يدعو للثورة ، وأهى قامت الثورة ولكن لا يوجد تخطيط لأى شيئ
http://www.youtube.com/watch?v=SdOfQJiwabU |
الساعة الآن 07:08 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017