بعد الثوره (الفساد فى المرور) بلاغ للمسئولين
 

النهارده وأنا بجدد الرخصه فى مرور محرم بك الاسكندريه كنت فاكر ان البلد بعد الثوره بقت حاجه تانيه
لقيت ان مفيش اى حاجه اتغيرت رشاوى وشغل تحت الترابيزه بقى فوق الترابيزه وعلني وتعطيل الناس ومصالحهم وراحة المواطن أخر حاجه الموظف بيفكر فيها

وياريت لو كان فيه تطهير نشوفه بعنينا مايبقاش كلام فى الاعلام

طبعا مش هاقول على المعتاد اللى كلنا عارفيه فى المرور

لكن المصيبه ان موظفة الشباك اللى بتجدد الرخصه كأنها شغالها لحسابها وبتاخد 100 ج و 50 ج عشان تخلص ورق الزبون واللى مش بيدفع يطلع عين أمه ويجيلها 3 او 4 ايام على ما يخلص رخصته لانها طبعا مش فاضيه غير للى بيدفع

انا مستعد لو معايا اكتر من شخص نروح نعمل فيها بلاغ بس بعد ما اطلع الرخصه :014FDA~117: والجديد يا جماعه ان الموظفه دى بتقسم عيني عينك مع المراجعه بتاعتها بالحق والتقوى يعني ال 100 تتقسم 50 و 50 بالعدل ناس حقانيه اوى والله العظيم فى خلال نص ساعه بس وانا واقف اخدت اكتر من 300 ج

رد: بعد الثوره (الفساد فى المرور) بلاغ للمسئولين
 

سلملى على المرور
وعلى كل حته فى مصر
وعلى كل موظف
ياباشا الفساد أصبح أصل أصيل وقاعدة وعرف
والامانه بقت حاجة شاذة

علشان كده ولائى للارض وللعلم فقط بعد الله عزوجل
انما الناس انا اتبريت منهم
انا مصدوم فى كل شىء حواليا
بعمل الصح والى حواليا ماشى غلط
حسبنا الله ونعم الوكيل

رد: بعد الثوره (الفساد فى المرور) بلاغ للمسئولين
 

نفس الموضوع متواجد فى كل مكان مفيش ضمير
دلوقت البهوات بيطلبوا كارت شحن لو محرجين يطلبوا فلوس

احنا محتاجين كتير علشان ننضف

رد: بعد الثوره (الفساد فى المرور) بلاغ للمسئولين
 

الحكومة عايزة كدة
لما تدى الموظفين مرتبات تحكمها علاوات من ايام الملك
تبقى بتقولهم ارتشوا
ده سيستم فاسد محتاج Format
واعادة تشكيل من جديد بطريقة اعطاء المواطن حقوقه المشروعة من حياة كريمة وخلافه
ومحاسبته وتطبيق القوانين عليه بلا رحمة عند خطأه
ساعتها هنبقى بلد متحضر وجميل
انما احنا دلوقت ربنا يتولانا برحمته .. ولكى الله يا مصر:cry2W9:

رد: بعد الثوره (الفساد فى المرور) بلاغ للمسئولين
 

كفايه دفاع عن الموظفين يامحمد ياتونسى
هما الموظفين عاوزين الحكومه ترضعهم ولا ايه
واحده زى المرتشيه اللى فى المرور دي بتاخد مش اقل من 3 الاف شهريا