ما هي أقصي سرعة وصلت لها بسيارتك؟؟
 

طبعا أنا شفت نفس الموضوع في قسم الموتسيكلات.

بس عجبتني الفكرة وحبيت نعمل نفس الموضوع عن السيارات:

الموضوع يتلخص بإجابتك عن مجموعة الأسئلة القادمة:

1. ما هي أقصي سرعة وصلت لها بسيارة؟
2. ما هو نوع السيارة وموديلها؟
3. ما هي سعة محرك السيارة؟
4. ما هي ملاحظاتك عن تجربتك؟

وأرجو من كل الشباب المشاركة لتبادل الخبرات

رد: ما هي أقصي سرعة وصلت لها بسيارتك؟؟
 

أنا هبدء بنفسي

1. 213 كم / ساعة
2. شيفرولية لومينا 2007
3. 3600 سي سي علي شكل V6
4. السيارة لم تصل لأقصي حدود سرعتها ومازال هناك تسارع جيد ولكن فضلت أن أعود لأسرتي سالما. مع وجود شعور رائع ومخيف بنفس الوقت بالطيران.

رد: ما هي أقصي سرعة وصلت لها بسيارتك؟؟
 

شكرا ياباشا على الموضوع هو اتعمل قبل كدة مرتين كمان فى السيارات انما مش مشكلة

1- اقصى سرعة كانت 240
2- شيفروليه كابريس 2004
3. 5700 سى سى و 330 حصان
4. لا يعلى على ثبات الألمانى .. الامريكانى ضااايع

و صباحكم زى الفل

رد: ما هي أقصي سرعة وصلت لها بسيارتك؟؟
 

تصدق فعلا موضوع إن الأمريكاني ضايع ده حقيقي

أنا كان معايا بي إم 523 موديل 1998 قبل اللومينا

صحيح اللومينا تسارعها أفضل وصوت موتورها أهدي بحكم أنها ذات محرك أكبر ومازالت جديدة

بس ثبات البي إم كان لا يوصف رغم أن اللومينا أكبر حجما وتقريبا لها نفس وزن البي إم الفئة الخامسة.

هما الجماعة الألمان دول بيسحروا ولا إيه؟؟
أنتجوا سيارة سنة 98 وأكثر ثباتا من سيارة أنتجت من قبل GM سنة 2007

رد: ما هي أقصي سرعة وصلت لها بسيارتك؟؟
 

اكيد يا باشا كلامك صح انا كمان كان معايا مرسيدس قبل الكابريس و نفس الحكاية

بس ده مش سحر ولا حاجة يا باشا دى كمية انظمة ميكانيكية و انظمة كمبيوتر بتساعد على ثبات العربية غير انا الالمانى دايما موتوره مناسب لحجم العربية حتى ال 540 مثلا بتبقى محسوبة و الشاسيه بتاعها و انظمة التعليق مختلفة عن 520 مثلا ... انما الامريكان منهجهم فى التصنيع هو عربيات الدراج ريس مايعرفوش حاجة اسمها منحنيات يعملك عربية واسعة و كبيرة و عليها موتور غبى و خلاص و انسى الباقى
بس كله بتمنه شوف اللومينا و الكابريس الجداد بكام و شوف مرسيدس و بى ام اللى فى نفس الفئات بكام بتلاقى التمن متضاعف عدة مرات ....ناهيك طبعا عن جودة الخامات و التقفيل و الاوبشنز