هشترى شانا ستار 2 عايز نصائحكم
السلام عليكم صباح الخير على احلى اعضاء انا بصراحة عجبنى منتداكم اوى ولاقيت فيه ناس شغالة كتير وكمان الناس بتساعد بعض فى الاستفادة والمعلومات نخش فى المهم: انا دلوقتى محتار بشدة بين انى اشترى سوزوكى فان العادية والشانا ستار 2 والفرق بينهم 3500 جنيه واللى مخلينى باصص اكتر على الشانا انها 1300 سى سى يعنى عزم اقوى وتكييف 2 قطعة وجنوط وفوانيس ضباب ودى صورها http://www4.0zz0.com/2014/03/10/23/479014374.jpg http://www4.0zz0.com/2014/03/10/23/604157405.jpg http://www4.0zz0.com/2014/03/10/23/831507363.jpg http://www4.0zz0.com/2014/03/10/23/663767768.jpg http://www4.0zz0.com/2014/03/10/23/432148402.jpg http://www4.0zz0.com/2014/03/10/23/218821321.jpg دلوقتى فى ناس كتير بتخوفى منها ومحتار انى اشتريها مع انها هى هى الشفروليه الجوكر بس عشان الاسم والسمعة الشفروليه بـ 82 الف وانا محتاج التكييف ضرورى ارجوكم محتاج نصايحكم ولو حد يعرف اى معلومة عنها ياريت يقولى ايه مميزاتها وايه عيوبها انا روحت التوكيل وسألتهم على قطع الغيار قالولى متوفرة عندنا وفى التوفيقية وفى شارع فيصل ومراكز الصيانة هى هى بتاعت سوزوكى يارب الاقى حد يقدر يفيدنى ضرورى قبل ما ادبس ولكم منى جزيل الشكر |
رد: هشترى شانا ستار 2 عايز نصائحكم
انا معايا اسبرنزا وهى صينى وهى عربيه رائعه بكل المقاييس ومريحانى لكن لما خدت قرار الشراء بالنسبه للصينى كان تركيزى على توافر قطع الغيار وانتشار العربيه وعلشان كده جبت 516 مش ام 11 بالرغم من انها احلى لكن غير منتشره الخلاصه لما تشترى عربيه دور على انتشار العربيه وقطع الغيار ...الشانا مش منتشره وتعانى فى قطع الغيار اقرب حاجه لو دورت ليها على زجاج امامى او خلفى مش هتلاقى وهيقولك فى الوكيل بس ؟؟
|
رد: هشترى شانا ستار 2 عايز نصائحكم
احب اشكر حضرتك على الرد والاهتمام
بس انا سألت التوكيل على قطع الغيار وزى ما وضحت لحضرتك فى المشاركة الاولى ان قطع الغيار متوفرة فى التوكيل وبره التوكيل انا عايز اعرف العربية نفسها كويسة وبتاعت شغل ولا لا |
رد: هشترى شانا ستار 2 عايز نصائحكم
ايه يا جماعة .... ده انا بقول اكتر قسم شغال فى المنتدى هو الصينى
....... متااااااااابع |
رد: هشترى شانا ستار 2 عايز نصائحكم
والله يا يوسف انا كل اللى سالتهم عنها شكرو فيها واكدو موضوع توفر قطع الغيار والبدائل ديه لكن ده مينفيش ان اى عربيه جديدة فى السوق بيبقى فيها نسبة مغامرة وانا شايف انك حاسبها كويس وهتستفيد من المقابل فى الفلوس والكماليات فاستخير وتوكل على الله
|
الساعة الآن 06:24 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017